Leikkonan Anna Rósa Parker er búsett í New York ásamt dóttur sinni og eiginmanni. Hún starfar einnig sem frumkvöðull, höfundur og er mikill mannréttindasinni. Hún hefur hrundið af stað verkefni sem aðstoðar fólk innan listageirans að tengjast sín á milli og koma sé á framfæri.
„Í dag vinn ég fyrir sjálfa mig með kúnnum víða útum heim sem auglýsingatextahöfundur og vörumerkjaráðgjafi.“
Hafðir þú alltaf haft áhuga á leiklist?
„Já það má segja það. Ég held að ég hafi verið 7 ára þegar ég lék í fyrsta skólaleikritinu. En ég hafði alltaf áhuga á að skrifa líka. Ég var heltekin af Guðrúnu Helgadóttur og ég reyndi sjálf að skrifa fyndnar sögur. Sem leikkonu voru mér stundum boðin verkefni sem ég hafði engan áhuga á, en fékk svo oft ekki þau verkefni sem mig langaði í. Þannig byrjaði ég að skrifa mitt eigið efni. Ég skrifaði einleik og nokkur leikrit sem öll hafa verið framleidd á einhvern hátt. Mér finnst þetta „game” sem tilheyrir þessu starfi sérstaklega í Bandaríkjunum mjög erfitt og leiðinlegt. Hurðir læstar og þú verður að spila ákveðinn leik til að komast inn,“ útskýrir Anna Rósa.
Mikilvægt að fá stuðning
Anna Rósa lærði leiklist í University of Washington in Seattle.
„Sem var einn af bestu leiklistarskólum innan háskóla í Bandaríkjunum þegar ég var þar. Mér þótti áhugavert að ná mér í háskólagráðu á sama tíma og ég var í leiklistarnámi.
Það er vitað að það er mjög samkeppnishæft og erfitt að lifa af leiklist,“ segir Anna Rósa.
„Ég hefði viljað tilheyra einhverskonar hópi eða samfélagi eins og Artist Inclusive er.
Artist Inclusive er alþjóðlegt öruggt samfélag fyrir listamenn til að tengjast, deila hugarfari listamannsins og vinna saman. Ég fann mig bara oft eina án stuðnings. Ég held að það hafi hjálpað mér með því að vera með alls kyns listamönnum og leikstjórum í samfélagi sem er að hluta til þess vegna sem ég er að búa þetta til fyrir aðra.“
Viss endurspeglun
Hvernig gengur þetta fyrir sig?
„Þetta er net-rými fyrir listamenn til að koma saman. Það er viss endurspeglun og nálgun. Listamenn geta búið til verkefni saman, sem getur síðan orðið að raunverulegri vinnu. Allir sem ég hef tekið viðtöl við í hlaðvarpinu mínu, þar á meðal Helen Hunt, tala um mikilvægi þess tengjast öðrum listamönnum.“
Hver er kostur þess að mynda sterkt tengslanet og fá aðstoð frá öðrum sem hafa verið í sömu stöðu?
„Það er mjög mikilvægt að umkringja sjálfan þig með ólíku fólki með sama hugarfar. Samfélagið snýst líka um ábyrgð á hugsunum þínum og gjörðum þínum. Artist Inclusive er samfélag sem hjálpar listamönnum að bera ábyrgð, skýrleika og þannig skapa sér árangur.“
Hún segir það eitt og sér mjög gefandi að geta hjálpað öðrum listamönnum að tengjast og búa til sín eigin vörumerki.
„Í lok dagsins er það um það sama og það kemur niður á hugarfar listamannsins. Það snýst um hvernig þú finnur þig í faginu og hver þú ert án starfsgreinarinnar. Þetta snýst um hvernig þú lítur á sjálfan þig. Hvernig þér líður þegar þú ert ekki með vinnu,“ segir Anna Rósa.
Hún segist hafa mikinn áhuga að fá íslenskt listafólk með í verkefnið.
„Ég myndi elska að hafa íslenska listamenn í samfélaginu og ég myndi taka viðtal við íslenska listamenn fyrir hlaðvarpið Artist Inclusive. Það eru margir New York-búar í samfélaginu og ég veit að það gæti verið mjög skemmtilegt að búa til samstarf yfir Atlantshafið.“
Alltaf með eitthvað í gangi
Segðu mér frá hlaðvarpinu ykkar?
„Hlaðvarpið er annað form til að tengja við listamenn. Við ræðum við alls konar listamenn um lífshætti þeirra og hvernig þeir stunda listina.“
Hefur verið auðvelt að fá stjörnur til að deila sinni reynslu af bransanum?
„Hlaðvarpið snýst ekki aðeins um að fá stjörnur, þó að Helen Hunt hafi haft næga trú á samfélaginu okkar til þess að koma í viðtal. Við tölum við alls konar listamenn, höfunda, dansara, tónlistarfólk, sjónvarps- og kvikmyndaleikara. Það er gefandi að hlusta á söguna um ferli þeirra og hvernig þeir þrífast í listinni,“ segir Anna Rósa.
Anna Rósa vinnur nú að því að endurreisa eigið fyrirtæki eftir að haf misst meginþorra viðskiptavina sinna vegna heimsfaraldursins.
„Ég var að vinna með viðskiptavinum að skrifa texta í hótel- og ferðageiranum. Núna er ég að vinna með allskyns frumkvöðlum út um allan heim í ýmsum atvinnugreinum. Mér finnst það mjög spennandi. Ég skrifaði einnig heimildamynd um Ellen Kristjánsdóttur í heimsfaraldrinum.,“ segir hún glaðlega að lokum.
