Hér eru nokkrar áhugaverðar staðreyndir um dekk.

- Afkastamesti dekkjaframleiðandinn er líka sá minnsti, ef svo má að orði komast, en það er leikfangaframleiðandinn LEGO sem framleiðir meira af dekkjum en nokkur annar framleiðandi. Talið er að fyrirtækið framleiði í það minnsta um 318 milljónir (smá)dekkja árlega.

- Dekk voru upprunalega hvít að lit. Bæði er gúmmíið sem dekk eru gerð úr hvítt auk þess sem sinkoxíð var lengi vel borið á dekkin til þess að gera þau endingarbetri en það er einnig hvítt. Dekk urðu svo svört að lit þegar farið var að bera kinrok (carbon black) á þau, en það gerði þau enn þá endingarbetri en sinkoxíðið.

Túnfífillinn fagri þykir lofa góðu í dekkjagerð.

- Kinrok getur aukið slitþol gúmmís allt að hundraðfalt og togþol um allt að 1008%.

- Tilurð þess að lita dekk svört má rekja til byrjunar 20. aldarinnar þegar fyrirtæki að nafni Binney & Smith hóf sölu á kinroki til dekkjaframleiðandans Goodrich. Síðar meir fóru Binney & Smith að framleiða skólavörur og endurnefndu fyrirtækið Crayola Crayons, sem flestir ættu að þekkja.

- Flestir þekkja hinn sumarlega túnfífil, en það sem færri vita er að ekki er aðeins hægt að vinna gúmmí úr honum heldur er markvisst verið að þróa dekk gerð gerð úr téðu gúmmíi. Miklar vonir eru bundnar við þessa umhverfisvænu lausn sem er væntanleg á markaðinn innan fárra ára.

- Bílaviðgerðarmenn hafa fundið ýmsa furðulega hluti fasta í dekkjum. Meðal þess má nefna skrúfjárn, byssukúlur, skæri, hreindýrshorn, bíllykla og skeið.

Dekk voru lengi vel hvít á litinn en svarti liturinn kom fram í kringum 1917.

- Stærsta dekk veraldar er að finna í Michigan. Dekkið, sem er ríflega 24 metrar á hæð og vegur tólf tonn, var byggt með það að markmiði að það þyldi kraftmikla vinda fellibylja. Dekkið var framleitt í samstarfi við Uniroyal og var notað sem Parísarhjól á Heimssýningunni í New York árin 1964 og 1965.

- Orðið „tire“ er rakið aftur til miðalda, eða nánar tiltekið 16. aldar. Orðið er talið koma af „attire“ sem vísar til tækja, klæðnaðar eða einhvers sem hylur. Er því talið að það hafi átt að lýsa því hvernig dekkið klæðir hjólið.

- Árlega er framleiddur um einn milljarður dekkja. Í dag eru sjaldnast varadekk í nýjum bílum. Er það talið stafa af því að bílaframleiðendur vilji draga úr þyngd bílanna og eldsneytiseyðslu.

Stærsta dekk í heiminum er Uniroyal-dekkið í Michigan.

- Dekkjabrennur eru þekktar fyrir að vera sérstaklega erfiðar viðfangs. Í teiknimyndaþáttunum um Simpson-fjölskylduna var grínast með þá staðreynd en í þáttunum hefur verið vísað í „dekkjabrunann í Springfield“ sem á að hafa varað í 25 ár og lyktin á að finnast í 46 ríkjum. Þessi dekkjabruni kemur fram í inngangi þáttanna og er því eitt af því fyrsta sem áhorfendur sjá í hvert skipti sem horft er á þættina.

- Þá eiga dekk sér líka myrka sögu en þau hafa verið notuð í aftökum við aftökuaðferð sem kölluð er hálsfestun eða „necklacing“. Þessi aðferð var til dæmis vinsæl í S-Afríku um miðbik 9. áratugarins þar sem mikil átök geisuðu vegna aðskilnaðarstefnunar. Aðferðin gekk út á að setja dekk, fyllt með bensíni, utan um háls og handleggi fórnarlamba og svo var kveikt í. Fórnarlambið, sem gat ekki hreyft sig, þurfti því að upplifa sérstaklega sársaukafullan dauðdaga sem gat tekið allt að tuttugu mínútur.