Kvikmyndin Agnes Joy, í leikstjórn Silju Hauksdóttur, var frumsýnd í Háskólabíói í kvöld. Sé miðað við samfélagsmiðla hlýtur myndin gríðarlega góðar viðtökur.

Kvikmyndin er þroskasaga mæðgna frá Skaganum þar sem húmorinn er aldrei langt undan.

Silja skrifar handritið ásamt Göggu Jónsdóttur og Jóhönnu Friðriku Sæmundsdóttur. Með aðalhlutverk fara leikararnir Katla Margrét Þorgeirsdóttir, Donna Cruz, Þorsteinn Bachmann, Björn Hlynur Haraldsson og Kristinn Óli Haraldsson.

Móðirin Rannveig, leikin af Kötlu Margréti, upplifir kulnun í lífi og starfi. Það er ekki nóg með að hún sé einmana, hjónabandið á leið í hundana og föst í starfi sem hún hatar, heldur á hún í stöðugum útistöðum við dóttur sína, Agnesi, leikin af Donnu Cruz sem er að stíga sín fyrstu skref á hvíta tjaldinu.

Þegar nýr nágranni birtist á tröppunum er eins og vonbrigði og gremja hversdagsins hverfi um stund hjá mæðgunum. Það leiðir til þess að fjölskyldan neyðist til að horfast í augu við glænýjar áskoranir.

Framleiðendur eru Birgitta Björnsdóttir og Gagga Jónsdóttir fyrir Vintage Pictures. Handritið er byggt á hugmynd Mikaels Torfasonar sem er meðframleiðandi ásamt Guðbjörgu Sigurðardóttur. Myndin var frumsýnd á alþjóðlegu kvikmyndahátíðinni BUSAN í Suður Kóreu í byrjun október en fer í almennar sýningar hér á landi á morgun.

Lísa Kristjánsdóttir, aðstoðarmaður forsætisráðherra, segir Agnesi Joy vera „snilldarmynd."

Agnes Joy er alger snilldarmynd. Stjarna myndarinnar er án nokkurs vafa Katla Margrét Þorgeirsdóttir sem átti þvílíkan...

Posted by Lísa Kristjánsdóttir on Wednesday, October 16, 2019

Rithöfundurinn Auður Jónsdóttir var á frumsýningu myndarinnar, en systir hennar Gagga kemur að gerð myndarinnar. Eiginmaður Göggu er Þorsteinn Bachmann sem fer með eitt aðalhlutverkið.

Ég er svo sjúklega montin af Göggu litlu en samt svo stóru systur minni. Agnes Joy erÆÐI! Handrit skothelt. Takk Gagga, Silja og Jósa. Ég dey úr ... æði.

Posted by Audur Jonsdottir on Wednesday, October 16, 2019

Valgerður Rúnarsdóttir hvetur alla til að fara og sjá Agnesi Joy.

Til lukku Silja Hauksdóttir Gagga Jónsdóttir Katla og co. Allir í bíó!

Posted by Valgerður Rúnarsdóttir on Wednesday, October 16, 2019

Framleiðandinn Grímar Jónsson segir myndina hafa hitt beint í mark.

Elsku Silja Hauksdóttir, Gagga Jónsdóttir, Jósa, Katla, Donna, Þorsteinn Bachmann, Birgitta Bjornsdottir, Björn Hlynur...

Posted by Grimar Jonsson on Wednesday, October 16, 2019

Leikkonan og höfundurinn Ingibjörg Reynisdóttir segist tengja við „aðeins of margar miðaldra-krísurnar" í Agnesi Joy.

Frábær mynd, tengdi við aðeins of margar miðaldra-krísurnar 🤣 unglingakonfliktana og samanbitnar eldhúsumræður 😂 Katla...

Posted by Ingibjörg Reynisdóttir on Wednesday, October 16, 2019

Rithöfundurinn Mikael Torfason er meðframleiðandi myndarinnar, en hann gat ekki verið viðstaddur frumsýninguna í kvöld. „Bíómynd sem ég skrifaði handrit að fyrir fimmtán árum en dó svo drottni sínum og lifnar nú við í höndum nokkurra kjarnorkukvenna, vinkvenna minna, sem skrifuðu nýtt handrit og kvikmynduðu."

Í kvöld frumsýnum við Agnes Joy. Bíómynd sem ég skrifaði handrit að fyrir fimmtán árum en dó svo drottni sínum og lifnar...

Posted by Mikael Torfason on Wednesday, October 16, 2019