Það eru þær Katla Þorgeirsdóttir og Donna Cruz sem leika mæðgurnar Rannveigu og Agnesi sem, eins og oft vill verða, lenda í togstreitu í sínu sambandi þegar Agnes fer í gegnum unglingsárin. Handritið skrifuðu þær Silja Hauksdóttir. Gagga Jónsdóttir og Jóhanna Friðrika Sæmundsdóttir og byggðu það á hugmynd rithöfundarins Mikaels Torfasonar sem jafnframt er meðframleiðandi.

Agnes Joy er kvennasaga. Hún er skrifuð af konum, stærstu hlutverkin eru í höndum kvenna auk þess sem leikstjórnin er borin uppi af konu. Það er ákveðin mýkt í henni en einnig hressandi hreinskilni og innsýn í hugarheim kvenna sem aðeins þær sem hann þekkja geta túlkað og framreitt.

Leikstjórinn Silja Hauksdóttir tekur við hamingjuóskum. Fréttablaðið/Valli

Þótti vænt um að karlmenn tengdu líka

Leikstjórinn Silja hefur unnið að myndinni undanfarin ár og segir mikla spennu hafa fylgt því að sýna hana loks fyrir fullum sal íslenskra áhorfenda. „Það voru nokkuð mörg fiðrildi í maganum og eyrun ofurnæm fyrir stemningunni í salnum. Viðbrögðin voru bara yndisleg, mér fannst gaman að heyra að fólk hló á ólíkum stöðum og leyfði sér að upplifa. Það var líka frábært að spjalla við fólk eftir á og mér þótti vænt um hversu margir karlmenn voru að tengja líka.“

Aðspurð hvernig það hafi verið að leggjast á koddann að kveldi frumsýningardags svarar Silja; „Það var dálítið spennufall í hausnum á koddanum, dálítið tóm en aðallega léttir.“

Þrátt fyrir spennufallið er lítið um slökun fram undan en Silja er þegar farin að vinna í nýju handriti auk þess sem hún er að undirbúa uppsetningu Kópavogskróniku í Borgarleikhúsinu þar sem hún er í leikstjórastólnum auk þess að vinna leikgerðina ásamt Ilmi Kristjánsdóttur leikkonu. „Líklega verða svo einhver ferðalög með Agnesi til útlanda líka. Svo langar mig að þefa uppi fleiri sögur með góðu fólki til að setja í gang og það væri sannarlega göfugt markmið að klára jólagjafir í nóvember. En sennilega algjörlega óraunhæft líka,“ segir Silja að lokum.

Björn Emilsson, Lilja Pálmadóttir og Ragna Fossberg. Fréttablaðið/Valli
Heiða Sigrún Pálsdóttir og Baldvin Z. Fréttablaðið/Valli
Anton Pétur Blöndal, Sara Dís Gunnarsdóttir og Ari Steinn Skarphéðinsson. Fréttablaðið/Valli
Margrét Áskelsdóttir og Kristín Dagmar Jóhannesdóttir. Fréttablaðið/Valli
Sigurpáll Jóhannesson og Tómas Örn Tómasson. Fréttablaðið/Valli
Tinna Björt Guðjónsdóttir og Telma Haraldsdóttir. Fréttablaðið/Valli
Kolbrún Elma Schmidt og Elísabet Fortes. Fréttablaðið/Valli
Greipur Gíslason og Snorri Sigurðsson. Fréttablaðið/Valli
Björn Brynjúlfur Björnsson, Sigríður Vilborgar Hallsdóttir, Halla Helgadóttir og Víðir Sigurðsson. Fréttablaðið/Valli
Þorsteinn Bachmann, einn leikara myndarinnar, ásamt dóttur sinni Auði Drauma Bachmann. Fréttablaðið/Valli
Björg Gísla, Sigurborg Daðadóttir og Hanna María Karlsdóttir. Fréttablaðið/Valli