Fólk

Æðisleg hvít pitsa

Hvít pitsa er mjög góð og ekkert síðri en sú með tómatsósu

Hvít pitsa er æðisleg. Hún er sögð hvít þar sem engin tómatsósa er á henni. Því er þó hægt að breyta eftir smekk hvers og eins. Hvít pitsa er eins og hvítlauksbrauð og má borða til dæmis með súpu eða pottréttum eða hafa sem forrétt þegar gestir eru í mat. Hér er æðisleg uppskrift sem allir ættu að prófa. Einnig er hægt að borða hana með salati sem heila máltíð.

Pitsudeig

300 g hveiti

1 tsk. salt

1 tsk. þurrger

200 ml volgt vatn

Hrærið saman hveiti, salt og þurrgeri. Setjið vatnið saman við og hnoðið. Bætið við vatni ef þarf. Látið hefast þar til deigið hefur tvöfaldast að stærð.

Það sem fer ofan á pitsuna:

2-3 msk. ólífuolía

3-4 hvítlauksrif

300 g mozzarella-ostur

½ tsk. þurrkað óreganó

1 tsk. basil

Hitið ofninn í 250°C. Það væri mögulegt að gera deigið áður en haldið er til vinnu að morgni. Þá er það tilbúið fyrir kvöldmat. Skiptið deiginu í tvennt og fletjið út í tvær pitsur. Penslið deigið með ólífuolíu og stráið rifnum hvítlauk yfir. Það má líka útbúa hvítlauksolíu og hella yfir. Blandið ostinum yfir ásamt kryddinu. Bakið í um það bil sjö mínútur eða þar til osturinn er bráðnaður. Það má setja hvaða krydd sem er yfir pitsuna og vitaskuld má líka bæta við alls kyns ostum, til dæmis gráðaosti.

Athugasemdir

Auglýsing
Auglýsing

Tengdar fréttir

Fólk

Ég er meira svona New York

Fólk

Tekst á við stórar áskoranir

Fólk

Náttúruvæn og rafræn jólagjafahandbók S4S

Auglýsing

Nýjast

Fékk alvarlegar hótanir og lögregla vaktaði húsið

Kim við Dra­ke: „Aldrei hóta eigin­manninum mínum“

ESB-bol Þor­gerðar Katrínar mis­vel tekið á þingi

Pólitískur undir­tónn í ein­stakri fata­línu Myrku

Breska konungs­fjöl­skyldan birtir jóla­korta­myndirnar

Blómin tala sig upp í met­sölu með Flóru Ís­lands

Auglýsing