Leikarinn Mark Wahlberg svaraði nýlega fyrirspurn aðdáenda um æfingaplanið hans en leikarinn er þekktur fyrir að vera í mjög góðu líkamlegu formi. Mikinn sjálfsaga þarf til að fylgja svo ströngu prógrammi en dagurinn hefst klukkan 02:30 en þá fer leikarinn á fætur á meðan aðrir sofa.

Dæmi um dagskrá:

02:30 vakna

02:45 bæn

03:15 morgunmatur

03:40 - 05:15 æfingar

05:30 morgunmatur o.s.frv.

Þrátt fyrir stífar æfingar þá segist leikarinn gefa sér tíma til að sinna fjölskyldunni og sækja börnin í skólann. Mark Wahlberg og eiginkona hans Rhea Durham eiga fjögur börn á aldrinum fimmtán til átta ára. Leikarinn fer að sjálfsögðu snemma í rúmið og alls ekki síðar en klukkan hálfátta á virkum dögum.

Stífar æfingar og strangt mataræði hafa skilað leikaranum góðu líkamlegu formi en Mark varð 47 ára í sumar. Næsta kvikmynd kappans er fjölskyldumynd sem nefnist Instant family og verður frumsýnd í nóvember.