FIT verkjaplástrarnir eru nýsköpun í verkjastillingu, segir Anton Gylfi Pálsson, sölustjóri hjá ÍSAM, sem flytur inn FIT plástrana.

„Varan hefur virkilega sannað sig á þessum þremur árum sem hún hefur verið á markaði hér. Hún hentar öllum aldurshópum og er fyrir fólk sem hefur verið að kljást við verki, þannig að það getur ekki eða á erfitt með að stunda þá hreyfingu sem það vill. Þá hefur varan verið að koma vel út við að ná endurheimt í vöðvum eftir erfiðar æfingar, keppnir og þess háttar,“ segir Anton.

„Ég veit um golfara sem voru að gefast upp á að fara í golf vegna eymsla í baki, en náðu aftur kröftum þegar þeir fóru að nota FIT plásturinn og fara nú ekki í golf nema setja á sig plástur. Ég veit líka um göngu- og hlaupafólk sem var farið að draga úr þjálfun vegna eymsla en er nú farið að nota plástrana áður en lagt er af stað. Sumir eru slæmir í ökkla og nota þá litlu Universal-plástrana, aðrir finna til í hnjám og nota þá hnéplástra sem límdir eru undir hnéskelina,“ segir Anton.

„Ég þekki líka dæmi af því að fólk sem glímir við venjulega vöðvabólgu í herðum og hálsi líði betur með plásturinn.

FIT plástrarnir geta meðal annars komið að gagni við að lina þjáningar vegna eymsla í baki. FRÉTTABLAÐIÐ/SIGTRYGGUR ARI

Plástrarnir örva háræðakerfið þannig það verður meira blóðflæði til vöðvanna og þá um leið til þeirra staða þar sem eymslin eru,“ segir Anton, sem auk þess að vera sölustjóri er einnig alþjóðlegur handboltadómari og hefur í því starfi sínu mikil samskipti við afreksfólk í íþróttum.

„Ég þekki mikið af keppnisfólki sem er undir miklu álagi og nær ekki að hvíla nógu lengi og keyrir sig því áfram á verkjalyfjum, með tilheyrandi aukaverkunum í maga og fleira. En FIT plástrarnir eru góð viðbót í verkjastillingarflóruna, því þeir innihalda ekki nein lyf og hafa því engar aukaverkanir. Þeir eru líka frábærir til að að viðhalda góðu blóðflæði samhliða sjúkraþjálfara- og nuddmeðferðum.

Það er einfalt að setja FIT plástrana á sig og þeir duga í allt að fimm daga. Það er líka mikill kostur að það er hægt að stunda æfingar með þá og fara með þá í sturtu og sund,“ segir Anton.

Nýsköpun í verkjastillingu

Verkir af hinum ýmsu gerðum hafa fylgt mannskepnunni alla tíð. Verkir hafa verið meðhöndlaðir á ýmsa vegu, með nuddi, nálastungum og lyfjum, svo eitthvað sé nefnt. Hin síðari ár hefur notkun verkjalyfja aukist til muna, oft og tíðum með slæmum áhrifum á önnur líffæri, til dæmis maga.

Anton segir að plástrarnir henti fyrir alls kyns ólíka verki á mismunandi stöðum á líkamanum. FRÉTTABLAÐIÐ/SIGTRYGGUR ARI

Þetta er ný tækni og margar klínískar rannsóknir hafa verið gerðar á notkun plástursins. FIT plástrar koma frá Ítalíu og eru upprunnir frá sjúkraþjálfurum sem leituðu eftir lyfjalausri verkjastillingu. Plástrarnir byggja á innrauðum geislum líkamans, sem eru nýttir aftur inn í líkamann og örva þannig háræðakerfið þannig að blóðið kemst betur til aumu staðanna og úrgangsefni hreinsast hraðar í burtu. Þetta virkar því nokkuð svipað og nudd og hjálpar líkamanum að hjálpa sér sjálfum.

Plástrarnir eru unnir úr viðurkenndu ofnæmisfríu plastefni og innihalda lífræn steinefni (til dæmis títan) sem endurvarpa innrauðum geislum líkamans aftur inn í líkamann.

Innrauðir geislar hafa margvísleg áhrif á líkama okkar:

  • Auka virkni háræðakerfisins sem eykur blóðflæði svo að blóðið hreinsast betur af fitu og úrgangsefnum.
  • Bæta súrefnisþéttni í líkamanum.
  • Bæta vöðvavirkni.
  • Bæta svefn og viðhalda hita.
  • Verkjastillandi – minni þörf á verkjalyfjum.
  • Auka endurheimt vöðva - gott að setja á aum svæði eftir æfingar.
  • Plástrarnir eru alveg náttúrulegir og hafa engar aukaverkanir, þar sem þeir setja ekkert í líkamann sem er ekki þar nú þegar. Þeir henta því öllum, líka óléttum konum og þeim sem eru með barn á brjósti.

Hvernig virka FIT-plástrarnir?

  • Setjið plástrana á svæðin, eins og leiðbeining- ar sýna, og bíðið í tvær mínútur eftir því að hiti frá líkamanum losi vel um límefnið svo að plásturinn nái öruggri festu. Nú breytist plásturinn í það sem verður best lýst sem spegli sem endurkastar orku frá líkamanum allt að 8-9 cm inn undir húðina; þessi orka hefur verkjastillandi áhrif. Hver plástur dugar í allt að fimm daga og má fara í sturtu.
  • Haldið meðferð áfram þar til verkur hættir.

FIT-verkjaplástrar eru fáanlegir í flestum apótekum landsins. Nánar má lesa um þá á síðunni isam.is/fit-therapy.

FIT-verkjaplástrar eru fáanlegir í flestum apótekum landsins.