Kollagenið frá Feel Iceland er mikið notað á mínu heimili og í raun af allri stórfjölskyldunni, sem er yfir sig hrifin af árangrinum,“ segir Karitas María Lárusdóttir, viðskiptafræðingur, einkaþjálfari og kennari hjá World Class.

Karitas byrjaði að bæta Feel Iceland kollageni við morgunmatinn fyrir tæplega þremur árum.

„Ég hafði þá heyrt um margvíslegan ávinning kollagens fyrir heilsuna og vissi sem var að eftir 25 ára aldurinn fara birgðir kollagens í líkamanum þverrandi. Ég fór því að setja kollagen út í hafragrautinn eða þeytinginn á morgnana, fyrst vegna þess að það hefur yngjandi áhrif á húðina en hitt kom svo ánægjulega á óvart hvað liðheilsan batnaði fljótt sem og meltingin,“ segir Karitas sem átti áður við stirðleika að stríða fyrst eftir að hún vaknaði á morgnana.

„Ég fann nánast strax hversu miklu fljótari ég var að jafna mig í liðunum á morgnana. Ég vaknaði ekki lengur stíf í fingrum og fótum því sá stirðleiki beinlínis hvarf eftir að ég fór að taka inn kollagenið frá Feel Iceland,“ segir Karitas um áþreifanlegan árangurinn.

„Ávinningurinn er eiginlega undraverður því ég var oft lengi í gang á morgnana en nú er engin fyrirstaða lengur, liðirnir eru mjúkir og sveigjanlegir. Ég er líka mun fljótari að ná endurheimt eftir æfingar. Ég kenni spinning og var oft súr í lærunum eftir stífa hjólatíma en nú finn ég ekki lengur fyrir slíkri þreytu og get tekið hörkuæfingu strax daginn eftir eins og ekkert sé.“

Karitas María er viðskiptafræðingur og vinsæll einkaþjálfari. Hún hefur öðlast betri liðheilsu og endurheimt með Feel Iceland kollageni. FRÉTTABLAÐIÐ/VALLI

Gaman að sjá árangur

Karitas hefur starfað við þjálfun hjá World Class síðan 2009.

„Heilsa og hollt mataræði hefur alltaf verið áhugamál hjá mér. Þegar ég var lítil æfði ég fótbolta, handbolta, ballett og dans og var hvað lengst í handbolta þar sem ég spilaði bæði með Gróttu og Stjörnunni fram undir tvítugt. Þá var ég orðin of mikil pæja fyrir handboltann og fór í ræktina,“ segir Karitas og skellir upp úr.

„Þegar ég fór að æfa í World Class fékk ég mikinn áhuga á spinning og eitt leiddi af öðru þar til áhugamálið var orðið að vinnu. Ég sinni viðskiptafræðinni því lítið í dag en aðstoða stundum Iceland Tax Free, fyrirtæki sem við hjónin eigum ásamt vinafólki okkar, sem endurgreiðir ferðamönnum virðisaukaskattinn,“ segir Karitas.

„Sem þjálfara finnst mér langskemmtilegast þegar ég sé árangur hjá kúnnunum mínum að bættri heilsu og líkamsformi. Ég er bæði með opna tíma og lokuð námskeið í World Class og held líka úti heimaþjálfun „HomeFit“, sem ég henti í gang í miðju Covid. Lokuðu námskeiðin, sem og heimaþjálfunin, hafa verið gríðarlega vinsæl og mér þykir fátt skemmtilegra en að hitta þennan frábæra hóp sem ég er með,“ segir Karitas kát.

Skráning á námskeið Karitasar fer fram á heimasíðu World Class en skráning í heimaþjálfun fer fram í gegnum Instagram Karitasar (@karitas). „Þar hendi ég oft inn ýmsum fróðleik og æfingum,“ segir Karitas. „HomeFit-heimaþjálfunin er lokaður Facebook-hópur þar sem ég set inn þrjár 20 til 40 mínútna æfingar á viku, þar sem notast er við eigin líkamsþyngd og hluti sem til eru á hverju heimili. Inni á þessum hóp eru svo yfir 150 æfingar sem eru aðgengilegar öllum sem eru skráðir.“

Karitas tekur líka inn Age Rewind frá Feel Iceland sem er einstök húðmeðferð með kollageni.

Stórfjölskyldan á kollageni

Ásamt því að setja Feel Iceland kollagen út í hafragrautinn og morgunþeytinga hrærir Karitas því líka út í morgunkaffið. Það gerir maðurinn hennar líka, Gylfi Einarsson, fyrrum atvinnumaður í fótbolta.

„Það var víst ég sem kom Gylfa á bragðið með Feel Iceland kollagenið og hann fann strax mikinn mun á liðheilsu sinni og endurheimt. Mamma er líka farin að taka inn Feel Iceland og pabbi, sem er alltaf í golfi og stirður í skrokknum. Það er eðlilegt að gefa kollageninu tvær til þrjár vikur til að virka, en sjálf fann ég strax mun á liðum og endurheimt þegar ég fór að taka inn kollagenduftið,“ upplýsir Karitas.

Hún tekur líka inn Age Rewind frá Feel Iceland.

„Það er gott fyrir húð, hár og neglur og ég bætti því við eftir að hormónaflæði við brjóstagjöf hafði slæm áhrif á húðina. Age Rewind er með viðbættri hyaluron-sýru, sem gegnir lykilhlutverki í að gefa húðinni raka, og C-vítamíni sem styður við kollagenframleiðslu líkamans. Mér finnst það gera húðinni gott og hún ljómar nú meira en áður,“ segir Karitas, sem er með þykkt og fallegt hár svo af ber.

„Hárið er svo sannarlega heilbrigt og gljáandi af kollageninu og það vex hratt eins og alltaf. Það er hins vegar mamma sem kvartar undan því að aukinn hárvöxtur vegna kollagensins sé henni dýr því nú þurfi hún alltaf að vera í litun,“ segir Karitas og hlær.

Feel Iceland vörurnar fást meðal annars í Lyfju, Heilsuhúsinu, Lyfjum og heilsu, Hagkaupi, Fjarðarkaupum, Apótekaranum, Fríhöfninni, Jurtaapótekinu og Nettó.

Sjá nánar á feeliceland.com

Karitas útbjó þessa girnilegu orkuskál sem hún bætti kollageni saman við.

Orkuskál í byrjun dags

Hálfur frosinn banani

100 g jarðarber

100 g bláber

1 msk. vanilluskyr

1 dl Oatly-haframjólk

2 skeiðar Feel Iceland kollagen

Hrærið saman svo úr verði þykkur grautur. Toppið með bláberjum, döðlukurli, banana, múslí og kókosmjöli.