Fjölmargir einstaklingar og fyrirtæki velja að flétta reglubundna starfsemi saman við samfélagsverkefni og kaupa vörur af Múlalundi sem annars væru keyptar annars staðar. Þannig skapast störf fyrir fólk með skerta starfsorku. „Að nota vörur frá Múlalundi er því einfaldasta samfélagsverkefnið,“ Sigurður Viktor Úlfarsson, framkvæmdastjóri Múlalundar vinnustofu SÍBS.

Umhverfisvænir pappírspokar eru stöðugt að verða mikilvægari þáttur í starfsemi Múlalundar vinnustofu SÍBS sem veitir um 80 manns með skerta starfsorku vinnu árlega.

Fjölbreytt úrval burðar- og gjafapoka

„Múlalundur býður upp á fjölbreytt úrval umhverfisvænna pappírspoka. Pokarnir fást í ýmsum stærðum, litlir og stórir. Hægt er að fá þá í brúnum náttúrulit en einnig í hvítum, svörtum og rauðum með matt- eða glansáferð. Handföngin eru ýmist snúin eða flöt. Snúnu handföngin eru notuð þegar bera á litla þyngd í pokunum, til dæmis fatnað eða létta gjafavöru. Sléttu handföngin henta betur þegar bera á meiri þyngd í pokunum, til dæmis matvöru eða aðra þyngri vöru. Fallegir jólagjafapokar eru einnig í boði í nokkrum litum,“ segir Sigurður Viktor.

„Pokarnir eru innfluttir af Múlalundi en skila mikilvægum fjármunum inn í rekstur vinnustaðarins, auk þess að skapa störf fyrir fólk með skerta starfsorku við afgreiðslu og lager,“ bætir hann við.

Starfsmenn Múlalundar eru með mismikla starfsorku en Sigurður segir að allir séu vinnusamir. Ljósmynd: Jón Páll

Merktir pokar skapa enn fleiri störf

Fjölmargir kjósa að merkja pokana með fyrirtækismerki eða annarri merkingu. Með því verður til öflug auglýsing þar sem notendur pokanna taka þá víða og nota aftur og aftur. Merkingarnar geta verið í ýmsum litum. Pokarnir eru merktir af starfsfólki Múlalundar og skapa þar dýrmæt störf.

Poki.is nýtt vörumerki á vegum Múlalundar

Á 60 ára afmælisári Múlalundar sem nú er senn á enda var tekið í notkun nýtt vörumerki, Poki.‌is. „Með Poki.is fá viðskiptavinir okkar vefslóð sem mjög auðvelt er að muna þegar kaupa þarf poka. Poki.is sendir netnotandann beint í pokahluta vefverslunar Múlalundar þar sem í boði er fjölbreytt úrval pappírspoka.“

Nýjar enn umhverfisvænni Eglamöppur úr pappír

Nýjungarnar eru fleiri á Múlalundi. „Nú í haust komu á markaðinn nýjar Eglamöppur en þær hafa verið vinsælustu bókhaldsmöppur Múlalundar í áratugi. Eglamöppur eru afar vandaðar.“

Nýju Eglamöppurnar eru eingöngu úr pappa og pappír, auk járnsins, og er pappírskápa límd utan á endurunninn pappa. Þær eru því án plasts og henta vel til endurvinnslu í lok notkunar.

„Nýju möppurnar eru sérstyrktar, járnin eru þau sömu og áður. Þær koma í svörtu, hvítu og bláu en hefðbundnu möppurnar fást í átta litum. Pappírinn í möppunum er evrópskur, vottaður pappír. Þær eru því enn umhverfisvænni kostur en eldri gerðin,“ segir Sigurður.

Fallegir bréfpokar með jólamynstri fyrir fyrirtæki.

Dagatöl og merktar dagbækur vinsælar um áramót

Sigurður bendir á að nú líði að áramótum og Múlalundur sé áramótafyrirtæki. „Í áratugi hafa fyrirtæki um allt land nýtt sér stór borðdagatöl Múlalundar, ýmist á borðum eða uppi á vegg í tengslum við sýnilega stjórnun. Þá framleiðir Múlalundur dagatöl fyrir fjölda fyrirtækja auk þess að gefa út eigið dagatal. Múlalundur framleiðir líka dagatalsblokk sem fólk getur nýtt á dagatöl sem það föndrar sjálft,“ segir hann.

„Á Múlalundi er einnig í boði glæsilegt úrval dagbóka af ýmsum stærðum og gerðum. Þá eru fjölmargir sem kjósa að merkja þær með merki fyrirtækisins og nafni starfsmanns. Ýmist eru nöfnin letruð á dagbækurnar eða þrykkt í ytra byrði bókanna. Það sama er hægt að gera við til dæmis funda- eða minnisbækur allt árið um kring.“

Pokana er líka hægt að fá einlita og með merki viðkomandi fyrirtækis. Starfsfólk Múlalundar sér um að merkja sem skapar mikilvæg störf
Venjulegir burðarpokar í nokkrum stærðum sem henta fyrir verslanir.

Fjölbreytt handavinna og sérframleiðsla

„Hjá Múlalundi tökum við að okkur mjög fjölbreytt verkefni fyrir fyrirtæki og stofnanir víðs vegar um samfélagið til lengri eða skemmri tíma. Öll þessi verkefni skapa störf fyrir fólk með skerta starfsorku auk þess að skila hágæðaverki til viðskiptavina. Mörg fyrirtæki ná með viðskiptum sínum við Múlalund að flétta saman daglega starfsemi og samfélagsverkefni sem er frábær blanda. Þetta eru ýmist sérframleiðsluverkefni eða fjölbreytt verk sem þarf að vinna í höndunum.

Verkefni til lengri tíma eru sérstaklega mikilvæg,“ segir Sigurður. „Á Múlalundi vinna dugmiklir einstaklingar sem hafa þurft að takast á við fötlun og veikindi, bæði andleg og líkamleg, í kjölfar slyss eða heilsubrests.“

Múlalundur hefur í áratugi framleitt vönduð dagatöl fyrir fyrirtæki.

Vefverslunin vinsæl

Á heimasíðunni mulalundur.‌is er rekin stór vefverslun. „Þar geta viðskiptavinir valið úr glæsilegu úrvali og bæði verð og úrval kemur flestum á óvart.

Það er einfalt að versla á netinu og við sendum vörurnar strax daginn eftir,“ útskýrir Sigurður, en fari pöntun yfir 16 þúsund krónur er frí heimsending um allt land. Fyrir lægri pantanir er lágt sendingargjald, 2.150 krónur.

Á Múlalundi er sífellt leitað nýrra verkefna svo skjóta megi fleiri og styrkari stoðum undir reksturinn.

Nýju Egla-möppurnar eru sérstaklega vandaðar, án plasts og enn umhverfisvænni

Virkir á vinnumarkaði

Á Múlalundi er aðstaða til að taka á móti mun fleira starfsfólki en forsenda fjölgunar er aukin viðskipti og verkefni. „Þetta er hörkuduglegt fólk og það þarf að hafa nóg að gera. Vinnudagur og verkefni eru löguð að getu hvers og eins.

Nýir pappírspokar, Eglamöppur í sátt við umhverfið, dagbækur, dagatöl og fjölbreytt verkefni styðja við starfsemi Múlalundar og tryggja fjölbreytni í verkefnum,“ segir Sigurður ánægður.

Múlalundur vinnustofa SÍBS er við Reykjalund í Mosfellsbæ. Sími 562 8500 netfang [email protected] Sjá nánar á mulalundur.is og poki.is