Að minnsta kosti ein af hverjum fjórum konum stríðir við afleiðingar slakra grindarbotnsvöðva. Einkenni geta verið allt frá því að vera smávægileg yfir í að hafa mjög slæm áhrif á lífsgæði.

Sala á Grindarbotnsþjálfanum hófst á Íslandi í desember. Lagerinn seldist upp í þrígang á hálfum mánuði og því má segja að Íslendingar hafi tekið þessari nýjung fagnandi.

Árangurinn hefur heldur ekki látið á sér standa og nú rignir inn gleðisögum af frábærum árangri eftir ástundun Grindarbotnsþjálfans, eins og til dæmis þessi:

Miklu meiri kynlífsunaður

Sæl og blessuð.

Takk fyrir Grindarbotnsþjálfann! Þetta tæki svínvirkar og er að bjarga þvagleka, fyrirbyggja alls konar vandamál, plús það að ég er að fá MIKLU meiri unað úr kynlífinu með maka. Eftir 24 ár í sambandi erum við aftur orðin eins og við vorum þegar að við vorum að byrja saman!

Guðrún, 45 ára.

Grindarbotnsþjálfinn er nettur og tengist einkar gagnlegu appi í símanum. MYND/AÐSEND

Auðveldara að nenna

Grindarbotnsþjálfinn hefur þá sérstöðu að hann er tengdur við app á símanum. Lítill stautur er settur í leggöngin og tengist við tölvuleik í símanum í gegnum Bluetooth. Stauturinn nemur hvað vöðvarnir kreista af miklum krafti og gefur endurgjöf á allar æfingar um leið. Það er því auðveldara að nenna æfingunum og af því að konan fær stöðuga endurgjöf og skilning á því hvað er betra, sterkara og snarpara – þá fer manni svo hratt fram.

Vita oft ekki af því

„Þegar við Örn, maðurinn minn, vorum í þann veginn að opna Osteo­Strong á Íslandi og ég sagði fólki frá því að við ætluðum að hjálpa meðlimum okkar að verða mjög sterkir á aðeins 10 mínútum, einu sinni í viku, kom mér á óvart hversu margar konur spurðu: „En hvað getur þú gert í sambandi við grindarbotninn á mér?“ Þetta voru konur á öllum aldri og óháð hversu „fit“ þær voru,“ segir Svanlaug Jóhannsdóttir, annar eigenda Osteo­Strong.

Hún segir margar konur byrja að upplifa slaka grindarbotnsvöðva eftir barnsburð, sem svo geti skánað, en oftast versni ástandið með hækkandi aldri.

„Oft vita konur ekki að þetta ferli sé hafið og þaðan af síður hvað eigi að gera í því. Síðast en ekki síst getur þetta valdið verkjum í kynlífi, áhugaleysi á kynlífi eða bara að það verður erfiðara að fá fullnægingu því að grindarbotnsvöðvarnir taka þátt í að láta það takast. Slakir grindarbotnsvöðvar geta því verið mjög leiðinlegir fyrir innilegt samlíf,“ segir Svanlaug.

Mikilvægt er að styrkja grindarbotnsvöðvana til að fyrirbyggja margvísleg vandamál. MYND/AÐSEND

Stórt, falið vandamál

Svanlaug og Örn hafa nú rekið Osteo­Strong í tvö ár.

„Á þeim tíma hef ég komist að því að slakur grindarbotn er mun stærra vandamál en ég hefði áður trúað. Það er auðvitað glatað fyrir konur að geta ekki farið á tramp­ólín með krökkunum sínum eða sippað í CrossFit vegna möguleika á þvagleka. Að finna fyrir verkjum í kynlífi er líka ömurlegt en svo hreinlega vissi ég ekki að margar konur sem eru aðeins eldri en ég eru að upplifa legsig eða blöðrusig, sem í sinni verstu mynd lýsir sér þannig að líffærin hreinlega lafa út um leggöngin og þarf að gera aðgerð til að hengja þau upp. Slíkt lagar stundum þvagleka, en stundum alls ekki,“ upplýsir Svanlaug.

Hún leitaði lengi að vöru sem gæti hjálpað konum í þessum vanda og væri þýðingarmikil.

„Ég var farin að halda að ég þyrfti að láta búa hana til sjálf því mér fannst allt eitthvað svo marklaust. Þá fann ég Grindarbotnsþjálfann sem var allt í senn; fyndinn, skemmtilegur, nákvæmur og ég gat loksins séð nákvæmlega hvað hann gerði fyrir grindar­botninn. Allt í einu skildi ég allt upp á nýtt og fékk allt aðra tengingu við grindarbotninn. Ég fann í fyrsta skipti fyrir alvöru árangri.“

Þýðingarmikill árangur

Svanlaug segist aldrei tala fyrir vöru sem hún væri ekki búin að sannreyna sjálf og finna þýðingarmikinn árangur.

„Þetta var ekki mikið vandamál hjá mér en allar konur, og sérstaklega þær sem hafa eignast börn, þurfa að huga að grindarbotnsvöðvunum. Mér fannst ég fá algerlega nýja tengingu við grindarbotninn og glænýjan skilning á því hvernig vöðvarnir virka. Eftir að nota appið veit ég að ég var með aðeins of virka þvagblöðru sem þýddi að þegar að ég var að fara að sofa hélt ég kannski að ég þyrfti á klósettið þegar ég þurfti þess ekki. Í appinu sem fylgir Grindarbotnsþjálfanum svarar maður spurningum og út frá þeim er búið til æfingakerfi fyrir hvern og einn. Fyrir mig beindust æfingarnar sérstaklega að því að þjálfa hægu vöðvaþræðina í grindarbotninum en það sem kom mér kannski mest á óvart var hvernig þetta hafði áhrif á það hvernig ég gekk, eða líkamsstöðuna. Allt í einu fann ég bara: Ó, á að gera þetta svona!“ segir Svanlaug og hlær.

Grindarbotnsþjálfinn er hannaður í París í samstarfi við færustu sjúkra­þjálfara Frakka sem sérhæfa sig í vanda­málum í grindarholinu. Á honum er 30 daga skilafrestur.

Grindarbotnsþjálfinn fæst á pikusport.is og hjá OsteoStrong í Hátúni 12 (inngangur 5).