Stefán er sterkasti maður Íslands árið 2021. Hann stundar stífar æfingar á hverjum degi og þegar hann er ekki að æfa er hann að hugsa um næstu æfingu, hvernig hún geti verið sem best.

„Ég set rosalega mikið álag á hnén á mér, olnboga og mjaðmir í öllum þessum þungu lyftingum og barsmíðum sem maður er að setja líkamann á sér í gegnum. Ég finn mikinn mun á fótleggjunum á mér og olnbogum. Ég þjáðist mikið af bólgum sérstaklega í olnbogum og þær hafa minnkað alveg rosalega. Þetta er í raun að halda mér gangandi, ég get æft af miklum ákafa eftir að ég fór að taka Active JOINTS reglulega,“ segir Stefán.

„Það var móðir mín sem kynnti mig fyrir þessum bætiefnum frá Eylíf. Ég prófaði þau fyrst hjá henni, svo var ég í Krónunni einhvern tímann og sá þau og keypti þau þar. Ég hef ekki hætt að taka þau inn síðan. Mér finnst þau virka vel fyrir mig, mér finnst ég finna mun þegar ég er ekki að taka þau inn. Þetta kemur sér vel í þessu sporti sem ég er í.“

Stefán velur að nota vörurnar frá Eylíf af því þær eru íslensk fæðubótarefni. Auk Active JOINTS tekur Stefán inn Happier GUTS sem hann segir einstakt efni fyrir mann eins og hann, sem þarf að borða rosalega mikið.

„Ég er að lyfta alls konar grjóti, keppa í réttstöðulyftu og draga vörubíla. Ég þarf að borða nánast 7.000 kaloríur á dag. Það er ekki hollt fyrir þig til lengdar. Þú verður þrútinn og uppblásinn, þér getur verið bumbult allan daginn. En eftir að ég fór að taka inn Happier GUTS, sem er fyrir meltinguna, þá líður mér miklu betur í líkamanum. Það hefur svo mikil áhrif á svo margt þegar þú ert ekki svona þungur á þér og þér er ekki illt í maganum. Þú ert bara glaðari yfir daginn,“ útskýrir Stefán.

„Aflraunir eru mjög óheilbrigt sport fyrir líkamann en ég vil auðvitað stunda það á sem heilbrigðastan hátt. Þá verður maður að hugsa um allar hliðar næringarlega séð. Ef maður finnur einhver svona bætiefni sem hjálpa þá notar maður þau hiklaust.“

Stefán segist hiklaust mæla með Happier GUTS og Active JOINTS. „Þetta er ekki bara fyrir fólk eins og mig sem stundar lyftingar. Móðir mín hefur líka tekið þetta inn í dálítinn tíma og hún finnur mikinn mun á sér. Þetta er í raun fyrir alla.“

Stefán segir mikið álag á liði við æfingarnar en Active JOINTS hjálpar mikið. Hann þarf líka að borða mjög mikið vegna æfinganna en tekur inn Happier GUTS til að bæta meltinguna. FRÉTTABLAÐIÐ/SIGTRYGGUR ARI

Úr hreinum íslenskum hráefnum

Vörulínan Eylíf býður upp á fjórar vörur, Active JOINTS, Stronger BONES, Smoother SKIN & HAIR, og Happier GUTS, allt vörur sem hafa reynst fólki vel. Vörurnar eru unnar úr hreinum, íslenskum hráefnum, engum aukefnum er bætt við og framleiðslan er á Íslandi.

„Vinsælasta varan er Active JOINTS sem inniheldur fjögur íslensk næringarefni og margra ára rannsóknir sýna fram á jákvæð áhrif þeirra,“ segir Ólöf Rún Tryggvadóttir, stofnandi vörulínunnar.

Active JOINTS er sérhönnuð blanda sem inniheldur kalkþörunga, smáþörunga, GeoSilica kísil og birkilauf. Margra ára rannsóknir sýna fram á jákvæð áhrif næringarefnanna á bein, liði, meltingu og húð. Auk þess inniheldur bætiefnið C- og D3-vítamín.

Happier GUTS inniheldur einnig fjögur íslensk hráefni, þau eru: Kítósan, unnið úr rækjuskel, það eru náttúrulegar trefjar sem reynast vel fyrir meltinguna og draga í sig fituefni úr meltingarveginum. Kalkþörungar, sem eru mjög kalkríkir og innihalda 74 stein- og snefilefni úr náttúrunni. GeoSilica kísillinn sem hefur reynst vel og rannsóknir staðfesta virkni og að lokum fjallagrös sem eru vel þekkt fyrir sín góðu áhrif á meltinguna. Blandan er styrkt með meltingarensímum, C-vítamíni, krómi, joði og sinki.

Vörulínan Eylíf býður upp á fjórar vörur úr hreinum íslenskum hráefnum. Active JOINTS, Stronger BONES, Smoother SKIN & HAIR og Happier GUTS. mynd/aðsend

Ólöf Rún stofnaði Eylíf vegna þess að hana langaði að setja saman þau frábæru hráefni sem eru framleidd á Íslandi á sjálfbæran hátt frá náttúrulegum auðlindum landsins og auka þannig aðgengi fólks að þeim hráefnum. Framleiðslan fer fram á Grenivík og þróun varanna er í samstarfi við sérfræðinga frá Matís.

„Við vöndum til verka og sækjum í sjálfbærar auðlindir úr sjó og af landi. Við notum hreina, íslenska náttúruafurð, hrein hráefni sem ekki eru erfðabreytt og stuðla að sveigjanlegri líkama, þá erum við færari til að takast á við verkefnin í dagsins önn. Við vitum að heilsan er dýrmætust, því er svo mikilvægt að gæta vel að henni og fyrirbyggja ýmis heilsuvandamál. Heilbrigð melting er grunnurinn að góðri heilsu, þess vegna vildum við hjá Eylíf bjóða upp á gæðavöru fyrir meltinguna,“ segir Ólöf Rún.


Eylíf vörurnar fast í öllum apótekum, Fjarðarkaupum, Hagkaup, Krónunni, Heilsuhúsinu, Melabúðinni og Nettó. Ókeypis heimsending af eylif.is Fæðubótarefni koma ekki í staðinn fyrir fjölbreytta fæðu. Ekki ætlað börnum eða barnshafandi konum. Ekki er ráðlagt að taka meira en ráðlagður dagskammtur segir til um. Geymist þar sem börn ná ekki til.