„Ég er í eðli mínu mikil áhugamanneskja um bætiefni og hef því prófað margt og mikið þegar kemur að bætiefnum. Því get ég óhikað sagt að bætiefnin frá Good Routine eru sennilega Rollsinn í bætiefnaheiminum. Þar er greinilega vandað mjög til allra verka og áhrifin láta ekki á sér standa.“

Þetta segir Unnur Gunnarsdóttir, framkvæmdastjóri hjá Engey Kids. Unni hefur ávallt verið umhugað um heilsu sína og ástundað heilsusamlegan lífsstíl. Síðan í vor hefur hún tekið inn bætiefni frá Good Routine.

„Ég fékk strax góða tilfinningu fyrir Good Routine þegar ég byrjaði að nota það og ég finn líka að það gerir mér gott. Þetta eru gæði í gegn og mikil rannsóknarvinna að baki. Nafnið Good Routine höfðar líka til mín. Allir vita jú að góð rútína er góð; maður finnur það ekki síst eftir sumarfríið. Nafn vörumerkja segir manni líka sitthvað og er oft það sem grípur mann fyrst þegar maður prófar eitthvað nýtt,“ segir Unnur sem tekur bætiefni frá Good Routine samviskusamlega hvern dag.

„Þannig næst besta virknin og hún kemur fljótar fram. Mín fyrstu kynni af Good Routine var bætiefnið Synergize-Your-Gut, fyrir þarmaflóruna, og ég var rosalega ánægð með það, tek það enn inn og finn mikinn mun á mér. Síðan hef ég bætt við Guard-Your-Liver og nú síðast Pure Omega 3 frá Good Routine,“ greinir Unnur frá.

Hún er heldur betur ánægð með áhrif Good Routine Pure Omega 3 á hár sitt, húð og liði.

„Pure Omega 3 er stórkostlegt bætiefni fyrir húðina, hárið og liðina. Ég hef alltaf hugsað vel um hárheilsuna og lagt mig fram um að næra hár mitt vel, og eftir að ég fór að taka inn Pure Omega 3-bætiefnið frá Good Routine finn ég bæði og sé að glans og þéttni hársins hefur tekið miklum og góðum stakkaskiptum. Þá er húðin orðin þéttari og með meiri raka. Ég finn greinilegan mun á þessu tvennu og bætiefnið virðist gefa virkilega góða og ríkulega næringu. Þá finn ég glöggt hversu góð áhrif það hefur á liðheilsuna; það mýkir liðina og eykur allan liðleika til muna,“ segir Unnur.

Hún mælir heilshugar með bætiefnunum frá Good Routine.

„Þetta eru fyrst og fremst vönduð og góð bætiefni. Maður finnur fljótt mun á sér og ég er spennt að prófa fleira úr bætiefnalínu Good Routine.“

Pure Omega-3 frá Good Routine inniheldur hæsta styrk af ómega-3 fitusýrum í skammtastærð.

Hraust hjarta og hamingjusamur heili

Bætiefnið Pure Omega-3 frá Good Routine inniheldur hæsta styrk af ómega-3 fitusýrum í skammtastærð (1.430 mg). Efnablandan er einstaklega kröftug og inniheldur háan styrk af EPA (792 mg) og DHA (528 mg). Blandan inniheldur einnig D3-vítamín og E-vítamín sem spornar gegn þránun.

Næringarefnin EPA og DHA eru tegundir ómega-3 fitusýra og gegna þær mikilvægu hlutverki í líkamanum sem nauðsynleg byggingarefni frumuhimna auk þess að stuðla að eðlilegri virkni hjarta, augna og heila. Taugar innihalda mikið magn af ómega-3 fitusýrunni DHA og því er inntaka DHA mikilvæg til þess að veita taugum nauðsynleg næringarefni. Afleiðingar þess að fá ekki nóg af DHA úr fæðu gætu verið skert geta líkamans til að læra, hugsa, muna og viðhalda hraustum og hamingjusömum heila. Þá er DHA í líkamanum nauðsynlegt til þess að viðhalda góðri sjón.

Mælt er með Pure Omega-3 til að tryggja heilbrigði hjarta, augna, taugakerfis, húðar, hárs, beina og liðamóta, en einnig til að viðhalda eðlilegu magni lípíða í blóðinu, styrkja ónæmiskerfið og koma í veg fyrir ofnæmisviðbrögð og stuðla að vellíðan þeirra sem neyta ekki nógu mikils af góðri fitu.

Pure Omega-3 frá Good Routine er framleitt með einkaleyfisvarða hreinsunarferlinu Flutex™ sem tryggir að þungmálmar og önnur mengunarefni eru fjarlægð, án þess að notast sé við leysiefni, háan hita eða aðrar ágengar aðferðir. Það eykur auk þess gæði olíunnar sem skilar sér í hæsta styrk af ómega-3 fitusýrum og góðri upptöku í líkamanum. Hreinsunarferli Good Routine tryggir einnig að notandinn finnur ekki fiskibragð eftir inntöku.

Mælt er með því að taka tvö hylki á dag, með mat eða vatnsglasi, fyrir hraust hjarta og hamingjusaman heila, alla daga.

Good Routine fæðubótarefnin fást í Hagkaup, Lyfjum & heilsu, Apótekaranum og Krónunni.