Tískuhús ZikZak var stofnað árið 2001. Sigríður Ómarsdóttir er annar eigandi verslunarinnar og segir hún að alltaf sé haldið upp á afmælið með einhverjum hætti. „Þetta er okkar árlega afmælisveisla og ætlum við að veita 20-50% afslátt af öllum vörum í verslunum okkar í Kringlunni og á Akureyri. Það er gaman að segja frá því að við opnuðum nýja, breytta og betri ZikZak verslun á Glerártorgi á Akureyri í byrjun febrúar. Verslunin er alveg einstaklega björt og falleg. Nú þegar þessir björtu og fallegu vorlitir eru að koma í verslanir er mjög skemmtilegt að koma og sjá með eigin augum, sjón er sögu ríkari,“ segir Sigríður en báðar verslanirnar hafa verið gerðar upp að undanförnu.

Fallegir vorlitir

Sigríður segir að starfsfólkið finni fyrir því að sól hækkar á lofti og vorið fari að gera vart við sig. „Það birtir fallega yfir viðskiptavinum okkar og fólk verður léttara í lund. Við skvísurnar í ZikZak finnum rosalega mikinn mun á stuttum tíma á skaplyndi og líðan viðskiptavina okkar enda höfum við tekið inn fullt af björtum og fallegum litum í nýjustu sendingunum okkar. Viðskiptavinir okkar eru afskaplega ánægðir með nýju vörurnar,“ segir hún og bætir við að litirnir sem einkenna vorlínuna séu sumarlegir og spennandi. „Ljósbleikt, ljósblátt og sömuleiðis dökkblár eru litir sem eru vinsælir hjá okkur þessa dagana,“ segir hún.

„Við höfum tekið inn tvö ný vörumerki, annars vegar vörumerkið CISO og hins vegar vörumerkið Saloos. CISO kemur í stærðunum 38-56. Okkur fannst við þurfa að bæta við úrvalið í stærri stærðunum. Við höfum boðið upp á CISO-vörumerkið frá því um áramótin og það er að reynast afskaplega vel, stærðirnar eru einstaklega góðar, úrvalið er gott og gæðin alveg einstök. Margar konur hafa þegar fallið fyrir þessu nýja merki.

Verslanir ZikZak í Kringlunni og á Akureyri hafa fengið andlitslyftingu og miklar endurbætur. Nú er vorlínan að koma í verslanirnar með fallegum litum.

Ný vörumerki

Breska vörumerkið Saloos kemur í stærðunum 38-48. Það sem einkennir Saloos vörumerkið er fallegur og sparilegur fatnaður, þar á meðal eru blússur, túnikur og kjólar,“ segir Sigríður og bendir á að í ZikZak geti mæður fermingarbarna og ömmur fundið falleg sparidress í stærðum 36-56. Þetta er glæsilegur fatnaður sem hentar jafnt fyrir veislur, árshátíðir eða hverju öðru tilefni.“

Sigríður segir að helsti markhópur Tískuhúss ZikZak séu konur á öllum aldri en stærsti hópurinn á aldrinum 45-55 ára. „Við erum með hversdagsfatnað í miklu úrvali ekki síður en sparifatnað. Einnig erum við með einstaklega léttar og þægilegar úlpur sem hafa verið mjög vinsælar hjá okkur enda á góðu verði, aðeins 12.990 krónur. Þá erum við sömuleiðis með létta, síða vatteraða jakka í einstaklega fallegum, björtum litum. Nú eru kápur vinsælar og við eigum þær í öllum stærðum. Þá er mikið úrval af alls kyns léttum og þægilegum peysum,“ segir Sigríður og konur geta því alveg klætt sig upp á afmælishátíðinni og notið góðra afslátta. „Við verðum með afmælisafsláttinn í báðum okkar verslunum auk þess sem við veitum kaupauka. Þá verður einnig í gangi skemmtilegur gjafaleikur og að sjálfsögðu verður boðið upp á léttar veitingar,“ segir hún.

Það er auðvelt að finna á sig réttu fötin í ZikZak, hvort sem það er í versluninni í Kringlunni eða á Glerártorgi á Akureyri. Mikið úrval fyrir allar konur.

Glæsileg veisla um helgina

„Veislan byrjar á morgun, verslanirnar eru opnaðar kl. 10 og fyrstu þrjátíu viðskiptavinirnir sem versla hjá okkur fá veglegan kaupauka. Við verðum í beinni á Bylgjunni ásamt Siggu Kling sem ætlar að gefa skemmtilegar gjafir í Kringlunni í beinni útsendingu. Veislan verður alla helgina. Kynningardömur frá Ak pure Skin verða í verslun okkar í Kringlunni og kynna glænýju og glæsilegu húðvörurnar sem Aron Einar Gunnarson og Kristbjörg Jónasdóttir kynntu nýlega á markað.

Þeir sem komast ekki í afmælishátíðina okkar þurfa ekki að örvænta því hægt er að tryggja sér öll flottu tilboðin á zikzakverslun.‌is. Við viljum einnig minna á að við höfum fellt niður sendingarkostnað í febrúar svo við hvetjum alla til að kíkja á heimasíðuna og tryggja sér flottar vörur á afslætti og fría heimsendingu á næsta pósthús,“ upplýsir Sigríður og er sannarlega ástæða til að bregða sér í verslunarleiðangur í ZikZak.

Á heimasíðu ZikZak og á Facebook-síðu verslunarinnar er hægt að skoða úrval af fallegum fatnaði sem nú streymir í hillurnar.

Klæðileg túnika sem hentar vel hversdags. Konur eru alltaf fínar í svona klæðnaði, hægt að nota við svartar eða hvítar buxur. Verð nú 2.990 kr.
Hægt er að fá túnikur með mismunandi mynstri. Verð nú 3.495 kr.
Falleg peysa í vinsælum bláum lit. Vinsæll litur í vor. Verð nú 3.992 kr.