Andri segir Límtré Vírnet vinna samkvæmt metnaðarfullri framtíðarsýn. „Áherslur fyrirtækisins eru á sjálfbærni og samfélagslega ábyrgð í byggingariðnaðinum, -“ segir Andri. Þá er fyrirtækið nú að taka inn umhverfisvænt litað stál sem framleitt er í Svíþjóð (GreenCoat). Hann segir mikla eftirvæntingu og vonir bundnar við þessa nýju vöru, sem sé umhverfisvænt og afurð umfangsmikillar vinnu og rannsókna undanfarin áratug.

Repjuolía í stað jarðefniseldsneytis

„Varan byggir á svokallaðri „bio-based“ tækni sem framleiðandinn SSAB hefur tryggt sér einkaleyfi á. Þetta er umhverfisvænt klæðningarefni sem er nýtt á markaðinum . Framleiðandinn hefur síðastliðin tíu ár lagt í umtalsverða rannsóknar- og þróunarvinnu á þessari lausn,“ útskýrir Andri. „Þetta er litað stál, og hingað til hefur málningin verið framleidd úr jarðefnaeldsneyti en núna hefur framleiðandinn þróað aðferð til þess að nota repjuolíu í staðinn. Þeir eru, að stærstum hluta, búnir að skipta út jarðefniseldsneyti út fyrir repjuolíu“ segir Andri. ,,Þetta er byltingarkennd aðferð sem gerir vöruna að umhverfisvænni kosti. Mikil ábyrgð liggur hjá þeim sem sjá um innkaupin á vörum í byggingariðnaðnum, því hvert einasta skref — í átt að sjálfbærni og samfélagsábyrgð — skiptir máli” segir Andri.

Stálið er bæði notað í klæðningar á þök og veggi og einnig til framleiðslu á steinullareiningum sem fyrirtækið framleiðir í nýrri verksmiðju á Flúðum. Steinullareiningarnar er hægt að nota meðal annars í vöruhús, flugskýli, reiðhallir, iðnaðar- og verslunarhúsnæði sem og landbúnaðarbyggingar fyrir bændur.

Andri segir kostina við steinullareiningar af þessu tagi ótalmarga. „Þær hafa afbragðs burðarþol sem gerir það að verkum að hægt er að nota þær á léttar burðagrindur — það getur dregið úr byggingarkostnaði. Þá eru þær einnig raka- og vindþéttar ásamt því að hafa háa brunamótstöðu og gott hljóðeinungargildi,“ segir hann. „Þær bjóða upp á góða einangrun og eru bæði auðveldar í uppsetningu og þrifum “

„Bláa húsið“, fjallakofi í Svíþjóð með GreenCoat klæðningu

Fjölþætt þjónusta

Starfsemi fyrirtækisins er margþætt og fjölbreytt. „Við erum með byggingadeild á Lynghálsi 2. Við bjóðum uppá alhliða þjónustu, til dæmis fyrir verktaka. Þar sjáum um hönnunina og framleiðum vörurnar. Við erum í grunninn framleiðslufyrirtæki en við erum einnig með hönnunardeild. Hún sér um að hanna og teikna, veita ráðgjöf og þjónustu.“ segir Andri.

„Við erum með teymi af verkfræðingum og tæknifræðingum sem sjá um allar teikningar, skila þeim inn til byggingarfulltrúa og þess háttar. Við erum því ekki einungis að framleiða hrávörur, heldur erum við einnig með alhliða þjónustu þegar kemur að byggingum,“

„Helstu viðskiptavinir okkar eru bændur, verktakar, sveitarfélög og fyrirtæki. Eiginlega öll flóran en mest “business to business”, minnst um einstaklingana, þó það séu auðvitað alltaf einstaklingar á bak við öll verkefni.“

Atvinnuhúsnæði: Bílaumboðið Askja Krókhálsi 11-13

Áratuga reynsla og þekking

Límtré Vírnet var stofnað sem slíkt árið 2005 en sagan nær þó lengra og kemur úr ýmsum áttum. „Fyrirtækið er afurð samruna margra fyrirtækja, og á rætur að rekja allt til ársins 1956,“ segir Andri. „Upphaflega gekk reksturinn út á framleiðslu á nöglum í Borgarnesi.“

Andri segir verðmæti fyrirtækisins ekki síst liggja í hugviti og yfirgripsmikilli reynslu. „Öll þekkingin og reynslan sem hefur byggst upp í fyrirtækinu er orðin gríðarlega mikil. Svo erum við íslenskt framleiðslufyrirtæki þannig að stærstur hluti af því sem við bjóðum er innlend framleiðsla.“

Hann segir fyrirtækið leggja ríka áherslu á að velja hráefni á ábyrgan hátt með sjálfbærni að leiðarljósi. „Við sýnum mjög mikla ábyrgð í innkaupum á hráefnum, eins og til dæmis allt timbur sem við notum í límtré, það er einungis verslað af framleiðendum í Svíþjóð sem stunda sjálfbærni í skógrækt.“

„Sama með steinullina sem við notum í einingarnar, þær koma allar að norðan, sem gerir þetta eflaust að einni umhverfisvænustu steinullinni í heiminum í dag. Stálið sem við kaupum frá Svíþjóð er með umhverfisvænari stálklæðningum sem fást á markaði. Við tökum þessu mjög alvarlega,“ segir Andri.

Þá er ýmislegt á dagskrá og nefnir Andri sérstaklega kynningu frá sænska stálfyrirtækinu SSAB. „Við erum að fá aðila frá þessu fyrirtæki, SSAB, til landsins næsta miðvikudag, og við ætlum að vera með kynningu á umhverfisvæna stálinu hérna hjá okkur á föstudaginn í næstu viku.“ Kynningin er hugsuð fyrir hönnuði, verkfræðinga, arkitekta og aðra sem starfa í þessum geira — og kjósa að velja umhverfisvænni kosti. Hágæðastál með lægra kolefnisspori. Hljómar það ekki vel?”