„Það er ævintýralega gaman fyrir fjölskylduna, og líka budduna, að koma í SPORT 24 og finna á sig vetrarfatnað nú þegar haustar og kólnar. Við erum í óðaönn að fylla búðirnar okkar af æðislegum kuldafatnaði; úlpum, húfum, vettlingum, regnfatnaði, snjóbuxum og meira að segja kuldagöllum frá aðeins krónum 6.990, sem er sjaldséð kuldagallaverð á Íslandi, en alveg einstakur vetrarfatnaður sem heldur börnunum hlýjum og þurrum í komandi vetrartíð,“ segir Júlíus Óskar Ólafsson, framkvæmdastjóri rekstraraðila SPORT 24 sem rekur fjórar æðislegar sportvöruverslanir á Íslandi.

„Okkar aðalsmerki er fjölskyldan og fólk á öllu aldursbili og við leggjum alúð í þjónustuna. Við vitum að það er ekki alltaf hlaupið að því að fara með börn í verslunarferðir, en eitt af því sem viðskiptavinir okkar hafa verið ánægðir með, fyrir utan gott aðgengi, frábært vöruúrval og afbragðsverð, er að það er ekkert annað í umhverfinu sem truflar og því er lítið mál að taka káta krakka með í búðina,“ upplýsir Júlíus.

Verslun SPORT 24 í Miðhrauni 2 í Garðabæ er hvorki meira né minna en 1.000 fermetrar af íþrótta- og útivistarvörum fyrir alla fjölskylduna. FRÉTTABLAÐIÐ/EYÞÓR

Fyrsta flokks íþróttavörur

Fyrsta SPORT 24-verslunin á Íslandi var opnuð í árslok 2018 og tóku landsmenn henni strax fagnandi.

„Þá hafði Intersport lokað sinni verslun á Íslandi og nýtt tækifæri myndast á sportvörumarkaðnum. Í kjölfarið fór stærsta íþróttaverslun Danmerkur, SPORT 24, að líta hýru auga til Íslands og úr varð að Íslendingar fá þess nú notið að kaupa fyrsta flokks íþróttavörur á sérlega hagstæðu verði í gegnum SPORT 24 ytra,“ greinir Júlíus frá.

Verslanir SPORT 24 í Danmörku eru 186 talsins.

„Markmið SPORT 24 er vandaður íþrótta- og útivistarfatnaður frá öllum helstu íþróttavöruframleiðendum heims og á hagstæðu verði fyrir alla aldurshópa. Við leggjum mikla áherslu á að viðskiptavinir geti komið til okkar og klárað innkaupin fyrir sjálfa sig, og jafnvel alla fjölskylduna, í einni og sömu innkaupaferðinni,“ segir Júlíus.

Það er gaman að koma með smáfólkið í SPORT 24 og klæða það upp frá toppi til táar, yst sem innst.

Outlet með glænýjar sérlínur

SPORT 24 starfrækir fjórar stórar og glæsilegar verslanir á Íslandi. Sú nýjasta er SPORT 24 Outlet á Smáratorgi.

„Í Outlet-inu fást eldri vörulínur á lækkuðu verði en líka spánýjar fatalínur sem keyptar eru sérstaklega inn í Outlet-ið því Puma og fleiri heimsþekkt vörumerki framleiða sérstakar Outlet-línur sem er eingöngu teflt fram í Outlet-verslunum. Því er sannkallað sport að fara í SPORT 24 Outlet til að skoða sig um og kaupa varning sem fæst hvergi nema þar, um leið og hægt er að gera innkaup á afar hagstæðu verði; íþróttaföt, skó, útivistarfatnað og fleira, og alltaf góðir afslættir og dílar í gangi þar,“ upplýsir Júlíus.

Hvert sem augað lítur má finna heillandi íþróttavörur, fatnað og skó, frá heimsins þekktustu vörumerkjum.

Leiðarljósið er gæði og gott verð

Samstarf við stærstu íþróttaverslun Danaveldis geri SPORT 24 á Íslandi kleift að einfalda rekstur sinn og spara með því tíma og peninga.

„Það er mikil hagræðing að vinna með SPORT 24 í Danmörku þegar kemur að pöntunum á vörum. Við notum eitt tölvukerfi fyrir pantanir frá öllum birgjum og tími sem fer í að panta er ótrúlega lítill miðað við fjölda vörunúmera sem við pöntum. Með þessu fáum við mikla yfirsýn yfir vörustjórnun og vöruflæði til okkar,“ útskýrir Júlíus.

Hann segir rekstraraðila SPORT 24 hér á landi lítið spá í vöruverð samkeppnisaðilanna hér á landi.

„Við förum bara eftir álagningarkúrfu SPORT 24. Okkar leiðarljós er gott verð og gæði, og þegar stór vörumerki koma með herferðir nýrra vörulína gera þau samning við okkar birgja úti um að kaupa þær í allar búðir sínar. Þannig njótum við þess hér á Íslandi að fá vörurnar á betra verði og leggjum enga auka álagningu á þær hér. Það dugar nefnilega ekki að vera værukær gagnvart vöruverði á Íslandi, þótt markaðurinn sé lítill í samanburði við utan landsteinanna þar sem samkeppnin er harðari.“

Úrvalið er endalaust gott í SPORT 24 sem selur meðal annars skó frá heimsþekktum merkjum.

Gott orðspor spyrst hratt út

Þótt heimsins frægustu íþrótta- og útivistarvörumerki bjóðist í úrvali og á góðu verði í SPORT 24 er þar einnig að finna þeirra eigin dönsku heimamerki.

„Heimamerki okkar standa fyrir gæði og gott verð. Þau eru að sönnu sambærileg við þekktustu vörumerki heims og sífellt að aukast í sölu hjá okkur; það sjáum við á sölukúrfum sem hækka frá mánuði til mánaðar. Það gerir orðsporið; það spyrst út hvað þetta eru frábærar vörur,“ greinir Júlíus frá.

Heimamerki SPORT 24 eru meðal annars Athlecia, Endurance, Whistler, Virtus, Weather Report, Zigzag, CMP og fleiri; allt einstök, flott og sterk merki.

„Danir eru kröfuharðir og láta ekki bjóða sér neitt drasl. Þeir senda eingöngu frá sér vandaðar flíkur sem standast íslenska veðráttu eins og hún verður verst. Við erum líka með kuldaskó, stígvél í úrvali og virkilega fallegar útivistarflíkur fyrir allar árstíðir. Við munum heldur aldrei slaka á kröfum sem viðskiptavinir setja okkur og gaman að sjá hvað gæðin eru sífellt að aukast,“ segir Júlíus.

Í SPORT 24 er vítt til veggja og nóg pláss til að skoða, máta og kaupa.

Sporttíska ræður nú ríkjum

Það er gaman að skoða sig um í verslunum SPORT 24, þar sem hægt er að stóla á gæði, gott verð og fatnað sem hæfir öllum í fjölskyldunni.

„Við reynum að bjóða vörur á breiðu verðbili, frá því ódýrasta yfir í dýrari vöru. Við erum að sjálfsögðu með allt það nýjasta frá Nike, Adidas, Puma og vinsælustu merkjum heims og vörulínurnar eru breiðar. Þá erum við með allan pakkann fyrir fótbolta, handbolta, körfubolta og fleira sport. Líka það nýjasta frá vinsælustu liðunum í enska boltanum, svo sem búninga, treyjur og fleira frá Manchester United, Liverpool og fleirum, og að sjálfsögðu bjóðum við upp á merkingar á fatnaði, til dæmis fyrir íþróttafélög,“ upplýsir Júlíus, sem veit upp á hár hvað viðskiptavinir vilja.

„Í dag er sporttíska ríkjandi í heiminum, ekki síst hjá börnum og unglingum, en líka í öllum aldurshópum. Fólk vill klæðast þægilegum efnum og klæðilegum sniðum, og gæðin eru alltaf að aukast í efnum sportvöruframleiðenda. Snið eru aðlöguð því sem gerist á tískupöllum heimsins og tískan endurspeglast í sportfatnaði sem nú er hæstmóðins. Það finnum við vel í SPORT 24 þar sem unga fólkið kemur til að kaupa margt af því heitasta í dag.“

SPORT 24 er í Miðhrauni 2 í Garðabæ, Hafnarstræti 101 á Akureyri, á Hafnargötu 29 í Reykjanesbæ og SPORT 24 Outlet er á Smáratorgi 1 í Kópavogi. Sími 553 0700. Sjá meira um SPORT 24 á Facebook.

Hvort sem þig vantar íþróttafatnað, skó, útivistarfatnað, vetrarflíkur, tæki eða tól, þá fæst það í SPORT 24.