Íslendingar eru hvattir til að ferðast innanlands í sumar og FlyOver Iceland er hin fullkomna byrjun á ferðalaginu um Ísland. Myndin gefur ákveðinn forsmekk af því hvað Ísland hefur að bjóða og sýnir magnaðar myndir af því stórkostlega landi sem við búum í. Gestir okkar sem þekkja landið vel segjast sjá Ísland í alveg nýju ljósi, og það eitt, er mikið hól fyrir okkur,“ segir Agnes Gunnarsdóttir, framkvæmdastjóri FlyOver Iceland.

Hjá FlyOver Iceland gefst fólki færi á að sjá Ísland með augum fuglsins fljúgandi.

„Já, það má segja það. Að sjá Ísland úr lofti og í miklu návígi er einstök upplifun. Ég held að okkur öll dreymi um að geta svifið og það er smá galdur á bak við það að herma eftir þeirri tilfinningu, að svífa um eins og fuglinn fljúgandi. Að baki liggur gífurleg vinna, bæði við upptökur á myndinni og við tæknilegu útfærsluna, að ná þessari einstöku tilfinningu að finnast maður raunverulega svífa yfir íslenska náttúru,“ upplýsir Agnes.

Í FlyOver Iceland finnst gestum sem þeir svífi yfir undurfagurt landslag Íslands.

Sýning á heimsmælikvarða

Í FlyOver Iceland komast ferðalangar í tæri við staði sem fæstir sjá á lífsleiðinni.

„Í upphafi var ákveðið að sýna fólki bæði þekkta og óþekkta staði. Við förum ekki með fólk í Gullna hringinn eða Bláa Lónið sem dæmi, en það eru nokkrir kunnuglegir staðir eins og Dyrhólaey og Mælifell. Aðrir staðir eru jöklar, hálendi, faldir fossar og djúp gil sem flestir sjá í fyrsta sinn og er afar erfitt að komast að nema vera fuglinn fljúgandi sem við bjóðum gestum okkar upp á.“

Gestirnir hefja ferðalagið í Langhúsinu.

„Þar segir sögumaðurinn okkar, Páll Pálsson, fyrrum sjómaður, frá sagnahefð og þrautseigju Íslendinga í gegnum aldirnar og kynnir til sögunnar íslensku tröllin. Í seinni forsýningunni er kíkt í Brunn tímans þar sem tröllskessan Sú Vitra, sem Hanna María Karlsdóttir leikkona ljáir rödd sína, segir frá náttúruöflunum sem mótuðu Ísland og gera enn, og hverjir voru fyrstu landnemarnir á Íslandi: Jú, auðvitað tröllin! Að lokum er stigið inn í salinn fyrir flugsýninguna. Gestir sitja í sætum með fæturna dinglandi og hreyfast með myndinni sem varpað er á 270 fermetra skjá,“ upplýsir Agnes um sýningu FlyOver Iceland, sem er tæknilega fremst á meðal jafningja og ein af fáum sambærilegum sýningum í heiminum.

„Það er afar spennandi að geta boðið Íslendingum upp á slíka sýningu, sem er á heimsmælikvarða,“ segir Agnes.

Með tár í augum af hrifningu

Í FlyOver Iceland er lögð áhersla á að efla öll skilningarvit, en upplifunin er þó alls ekki hrikaleg.

„Það heyrist nóg af gleðiópum og andköfum,“ segir Agnes. „Í heimi skemmtigarða og afþreyingasýninga er FlyOver Iceland skilgreind sem „mildly thrilling“, eða temmilega æsileg sýning. Upplifunin er afar raunveruleg og margir lyfta fótum, svo þeir rekist ekki í jökulsporð eða turninn á Hallgrímskirkju. FlyOver Iceland hentar því fjölskyldum afar vel og nær til breiðs aldurshóps og oftar en ekki hef ég tekið á móti fólki með tárin í augunum af hrifningu. Það eitt færir manni yl í hjarta.“

Agnes segir það hafa komið sér skemmtilega á óvart hversu vel Íslendingar hafa tekið í sýninguna, en alls hafa 70.000 Íslendingar heimsótt FlyOver Iceland frá opnun.

„Það er afar algengt að gestir komi aftur og aftur og við höfum heyrt af gestum sem eru að koma í fjórða, fimmta og jafnvel tólfta skiptið! Þetta er afþreying sem er ólík öllum öðrum. Hún hentar öllum aldurshópum, er tilvalin fyrir fyrirtækjahópa, vinahópa og fjölskyldur. Það skiptir höfuðmáli að Íslendingar hafi trú á því sem við bjóðum upp á, því það er besta auglýsingin – orðspor FlyOver Iceland dreifist hratt um landið.“

Sömu viðbrögð komi fram hjá öllum aldurshópum.

„Fólk kemur yfirleitt skælbrosandi og hlæjandi út. Við tökum á móti krökkum frá fjögurra til fimm ára, en þau þurfa að hafa náð 102 sentimetra hæð, og upp í 90 ára fólk. Elsta konan sem hefur prófað FlyOver Iceland var í Kanada. Hún var 104 ára og vildi ólm fara aftur í flugið. Ferðamenn koma oft út af sýningunni og spyrja hvort þetta sé raunverulega allt á Íslandi; þeir eru orðlausir yfir fjölbreytileika íslenska landslagsins.“

FlyOver Iceland í Vancouver

Að geta skoðað heiminn með þessum hætti segir Agnes vera það sem koma skal í ferðamennsku og FlyOver Iceland ætlar að færa heiminn nær Íslendingum.

„Ég lít á FlyOver Iceland sem forsmekk af því sem landið hefur upp á að bjóða og á sama tíma að kitla forvitna aðila til að kynnast landinu enn betur. Til dæmis erum við að sýna íslensku myndina í FlyOver Canada í Vancouver. Það eitt og sér er mögnuð landkynning. Á næsta ári munum við einnig opna annað FlyOver í Las Vegas, þar sem vesturströnd Bandaríkjanna verður sýnd og árið 2022 verður ný FlyOver Canada-mynd frumsýnd í Toronto. Kosturinn við að vera partur af slíku sterku alþjóðlegu fyrirtæki er að okkur gefst tækifæri á að sýna Íslendingum myndir frá fleiri stöðum og í haust munum við til dæmis sýna FlyOver Canada-myndina hér á landi. Þetta er frábær leið til að kynnast öðrum löndum og á sama tíma fá innblástur að nýjum ferðalögum.“

Hún segir fólk ekki verða uggandi við að sveiflast um í lausu lofti.

„Í raun er fólk ekki laust í loftinu heldur í sætum með sætisbelti og fæturnir dingla niður. Sætin hreyfast svo í takt við myndina. Við mælum ekki með sýningunni fyrir þá sem kljást við mikla lofthræðslu en á hinn bóginn hafa mjög margir lofthræddir heimsótt okkur og viljað fara strax aftur í aðra ferð. Einnig er gott að vita að við leggjum mikla áherslu á allt öryggi og fylgjumst vel með hverjum og einum einstaklingi. Ef við sjáum að viðkomandi líður illa stöðvum við sýninguna samstundis þannig að sá aðili komist út, svo höldum við áfram fluginu. Fyrir flesta er þetta frábær og jákvæð upplifun. Hún er spennandi og ólík öllu öðru.

Raunveruleg upplifun

Í FlyOver Iceland er öll upplifun gerð eins raunveruleg og mögulegt er.

„Við leggjum mikið upp úr góðu aðgengi og sýningin gerir mörgum kleift að ferðast um Ísland sem annars hefðu ekki tök á því að ferðast, klífa fjöll og sjá marga af stöðum sem eru fótgangandi ferðalöngum ómögulegt að sjá. Það að geta fundið vindinn í hárinu og ilm af nýslegnum akri færir svo upplifunina á annað plan,“ segir Agnes.

Að fluginu loknu segir Agnes nokkur börn hafa spurt hvort þau séu enn á Íslandi.

„Flestir koma út af sýningunni og eru spenntir að fara út til að upplifa Ísland og sjá nýja staði. Aðrir koma hrærðir út með tárin í augunum. Enn aðrir hafa stofnað gönguhópa með það að markmiði að heimsækja þá 27 staði sem við sýnum í myndinni. Viðbrögðin eru margvísleg og það er einstakt að fá þau frá gestum okkar.“

Í sumar ætlar starfsfólk FlyOver Iceland að njóta þess að taka á móti kátum og ævintýraþyrstum Íslendingum.

„Ferðagjöfin er ákaflega skemmtilegt tækifæri fyrir gesti að koma og prófa þessa sýningu sem er á heimsmælikvarða. Sjálf ætla ég að vera dugleg að ferðast um landið í gönguferðum, hjólandi og á hestum. Ísland er einstakt land og fyllir mann endalausri orku.“

Hægt er að sjá allar nánari upplýsingar á tilboðum á heimasíðu FlyOver Iceland, flyovericeland.is.