Smart Socks býður fólki að kaupa og gefa áskrift að skrautlegum og skemmtilegum sokkum og nýlega bættust nærbuxur við í vöruframboðið. Það er einnig mjög hentugt og einfalt að selja sokka frá Smart Socks í fjáröflunarskyni.

„Við höfum unnið með nokkrum íþróttafélögum og hannað með þeim sérmerkta sokka sem þau hafa selt í fjáröflunarskyni,“ segir Guðmundur Már Ketilsson, stofnandi og eigandi Smart Socks. „En enn fleiri hafa farið þá leið að selja „venjulega“ sokka.“

Þetta litla fjölskyldufyrirtæki hefur vaxið hratt og stefnir á að færa út kvíarnar og hefja starfsemi erlendis.

„Smart Socks var upphaflega stofnað sem sokkaáskriftarfyrirtæki sem sendir 1–2 pör inn um lúguna einu sinni í mánuði, en þetta hefur þróast og undið upp á sig,“ segir Guðmundur. „Fyrstu jólin byrjuðum við að bjóða upp á gjafaáskriftir í 3, 6 eða 12 mánuði, sem hafa verið rosa vinsælar, og nýlega fórum við að bjóða upp á sölu á sokkum í fjáröflunarskyni og hefur það verið mjög vinsæl fjáröflunarleið fyrir þróttafélög, skóla og einstaklinga.

Nýjasta viðbótin við starfsemi Smart Socks er nærbuxur. Áskrifendur geta annaðhvort verið með sokka eða nærbuxur í áskrift, eða blandað því saman, en þá er bara raðað saman í pakka eins og fólk vill. FRÉTTABLAÐIÐ/STEFÁN

Nýjasta viðbótin við starfsemina okkar er svo nærbuxur. Áskrifendur geta þá annaðhvort verið með sokka eða nærbuxur í áskrift, eða blandað því saman, en þá er bara raðað saman í pakka eins og fólk vill,“ segir Guðmundur. „Eftirspurnin fór fram úr okkar björtustu vonum og við lentum í því í janúar að lagerinn okkar kláraðist.“

Fjölskyldufyrirtæki sem hefur vaxið hratt

„Smart Socks er lítið fjölskyldufyrirtæki á Álftanesi sem hefur stækkað ansi mikið frá því við byrjuðum fyrir rúmlega þremur árum síðan,“ segir Guðmundur. „Við höfum selt yfir 120.000 sokkapör frá byrjun.

Þetta hefur valdið nokkrum vaxtarverkjum þar sem við pökkum öllu heima við, það líður að því að við þurfum að fara að finna okkur lagerhúsnæði fyrir starfsemina. Heimilið fer alveg á hliðina í nokkra daga í hverjum mánuði á meðan við fjölskyldan hjálpumst að við að pakka áskriftum,“ segir Guðmundur. „Þetta er aukavinna hjá mér og konunni minni, Sonju Rut Aðalsteinsdóttur, en við erum bæði í fullu starfi annars staðar. Sem betur fer fáum við ómetanlega aðstoð frá krökkunum okkar, Aroni, Anítu og Tinnu og honum Össuri, tengdasyni okkar.“

Hér sjást áskriftir febrúar­mánaðar eftir að fjölskyldan hefur pakkað þeim og gert þær tilbúnar til afgreiðslu.

Spennandi, þægileg og skemmtileg áskrift

Guðmundur segir að það sé auðvitað þægilegt að þurfa ekki að hugsa um að endurnýja sokka og nærbuxur, sem endast oft ekki lengi, en fyrst og fremst sé skemmtilegt og spennandi að fá sokka og nærbuxur inn um lúguna einu sinni í mánuði.

„Það er spennandi að vita ekki hvað þú færð í hverjum mánuði og það er ákveðin upplifun að fá pakka inn um lúguna,“ segir hann. „Í janúar tafðist afgreiðsla áskrifta um hálfan mánuð vegna bilunar hjá framleiðanda og það var allt að verða vitlaust! Ég hafði ekki undan við að svara póstum frá fólki sem var í öngum sínum yfir þessu, sem sýnir hversu mikil eftirvænting er. Ég hef heyrt af því að það sé fjölskyldustund þegar það koma nýir sokkar, allir koma saman til að sjá hvað kemur úr pökkunum þann mánuðinn.

Sokkarnir frá Smart Socks eru fjölbreyttir og endingargóðir.

Það er líka gaman að segja frá því að flestir sem segja upp áskrift hjá okkur gera það einfaldlega vegna þess að gæði sokkanna eru það góð að sokkaskúffan er orðin full,“ segir Guðmundur.

Vinsæl, ódýr og einföld fjáröflunarleið

„Sala á sokkum er orðin mjög vinsæl fjáröflunarleið fyrir íþróttafélög, skóla og einstaklinga. Það er mjög einfalt þar sem fólk fær tilbúna auglýsingu fyrir samfélagsmiðla og skjal til að halda utan um söluna. Það er ekkert lágmark sem þarf að kaupa og því hentar þetta einstaklingum jafnt sem hópum,“ segir Guðmundur. „Þetta er frábær fjáröflunarleið. Fólk kaupir parið á rúmlega 900 kr. og selur það svo á 2.000 kr., þannig að það er góður gróði. Eingöngu er greitt 25% staðfestingargjald fyrirfram og svo er pöntunin afgreidd 2–3 vikum síðar og þá er restin greidd.“

Það er spennandi og skemmtilegt að fá sokka og nærbuxur inn um lúguna.

Styðja Mottumars

Árið 2019 styrktum við Krabbameinsfélagið í tengslum við Mottumars. Það virkaði þannig að ef fólk skráði sig í áskrift í mars rann fyrsta mánaðargjaldið óskipt til félagsins,“ segir Guðmundur. „Við stefnum á að gera þetta aftur í næsta mánuði.“

Stefnt á útrás

„Það hefur staðið til að hefja starfsemi erlendis og það er í raun allt klárt til þess, en vegna mikilla anna hefur það ekki raungerst enn þá, enda sinnum við sokkabransanum sem aukastarfi,“ segir Guðmundur. „En vörurnar, birgðaleiðir, dreifikerfi og heimasíðan og allt annað er tilbúið. Það þarf bara fjármagn og tíma til að ýta þessu verkefni úr vör, þannig að ef einhver fjárfestir þarna úti hefur áhuga á að vera með okkur erum við til.“


Nánari upplýsingar er að finna á heimasíðu Smart Socks: www.smartsocks.is.

Sokkarnir frá Smart Socks henta öllum aldurshópum og störfum.