Þuríður Ottesen, eigandi BÓEL, hreifst af Trippen skónum eftir að fjöldi viðskiptavina kom að kaupa fatnað í þessum fallegu skóm. Sum pörin voru komin til ára sinna en þau voru alltaf flott.

„Fatnaðurinn í BÓEL er svolítið öðruvísi og með vísun í Japan og boho og avant garde hönnunarstíl. Það er mikill samhljómur í þessu og skónum frá Trippen og þegar viðskiptavinir tvinna saman fatnaðinn og skóna myndast skemmtileg heild og stundum hreinasti galdur,“ útskýrir Þuríður.

Þuríður segir að Trippen skórnir hafi einstaklega góða endingu og umhverfissjónarmið séu höfð að leiðarljósi í framleiðslunni. Hvert par er listaverk, en skórnir eru handgerðir og framleiddir af mikilli alúð. FRÉTTABLAÐIÐ/ERNIR

„Trippen skór eru sannarlega lífsstíll, enda er hvert par listaverk. Skórnir eru handgerðir og framleiddir af mikilli alúð í verksmiðju sem er rétt fyrir utan Berlín,“ segir Þuríður. „Þar er séð vel um starfsmenn, enda er starfmannavelta lítil og nokkrir starfsmenn búnir að vinna þar í næstum 30 ár.“

Endingargóðir og umhverfisvænir

„Trippen hefur líka unnið til fjölda verðlauna fyrir endingu, sem er eitthvað sem við þurfum öll að huga að í dag, og umhverfissjónarmið eru höfð að leiðarljósi í framleiðslunni,“ segir Þuríður. „Það er notast við náttúrulega liti og með því að framleiða þá úr besta hráefni sem völ er á í Evrópu er hægt að tryggja einstaklega góða endingu, sem lágmarkar sóun.

Glæsileg Trippen Seath stígvél. Litur: Steel. Verð: 66.000 kr.

Ég er ánægð með að bjóða upp á skó og fatnað sem er gaman að eiga lengi og er alltaf smart og við viljum vera þekkt fyrir það,“ segir Þuríður. „Það er þessi hugsjón sem drífur mig áfram í rekstri BÓEL.

Mér finnst það einstaklega ánægjulegt þegar viðskiptavinir, sem eru oft í 10-15 ára gömlum skóm, fjárfesta í nýjum Trippen skóm og og segja: „Ég er sko ekki að fara að granda gömlu skónum, af því að það er hægt að gera þá upp.“ Það býr til vinnu handa skósmiðum, sem geta gert þá næstum eins og nýja,“ útskýrir Þuríður og heyra má að henni er annt um sjálfbærni og umhverfisvernd.

Trippen Fuchsia ökklaskór. Litur: Bleikur. Verð: 49.000 kr.

Tilboð og kaupaukar í boði

En hvað skyldi vera að seljast mest núna fyrir jólin?

„Það fer mjög mikið af skóm, handtöskum og fatnaði,“ segir Þuríður. „Svo eru lífrænu snyrtivörurnar frá Antipodes líka mjög vinsælar, en það er 20 prósenta afsláttur af þeim núna fyrir jólin.

Töff Trippen Average uppreimuð leðurstígvél. Verð: 56.000 kr.

Allir sem kaupa Trippen skó fyrir jólin fá líka andlitsgrímu að gjöf. Gríman er með silki næst vitunum sem er mjög gott að anda í gegnum og rannsóknir sýna að silki sé það efni sem helst hrindir frá sér bakteríum og vírusum,“ útskýrir Þuríður. „Svo er hún geggjað flott og með réttu skilaboðin. Einn viðskiptavinur sem var sérstaklega ánægður með grímuna sagði: „Loksins get ég andað í gegnum grímuna og fæ ekki útbrot í kringum munninn.““

Antipodes húðvörurnar eru á 20 prósenta afslætti núna fyrir jólin. Þær eru frábær gjöf.

Fyrir hönd BÓEL langar mig svo bara að þakka kærlega fyrir þá uppörvun að heyra margoft nú fyrir jólin frá eiginmönnum og börnum viðskiptavina: „Mamma eða konan mín vill fá jólagjöf úr BÓEL af því það er uppáhaldsbúðin hennar.“ Mig langar líka að þakka öllum frábæru viðskiptavinunum sem leggja leið sína á Óðinsgötuna til okkar. Gleðilega hátíð!“ segir Þuríður að lokum.


Á heimasíðu BÓEL, www.boel.is, er hægt að skoða og panta flest allt það sem er til sölu í búðinni.

Flottu og þægilegu I NEED SPACE grímurnar eru með silki næst vitunum og kosta 3.900 kr.