Ræstitækni ehf. hefur starfað frá árinu 2002 og býður upp á mjög víðtæka ræstingaþjónustu fyrir fyrirtæki, stofnanir, húsfélög og einstaklinga. Þórir Gunnarsson, framkvæmdastjóri Ræstitækni ehf., segir að eftirspurn eftir þjónustunni hafi aukist á hverju ári frá stofnun fyrirtækisins.

„Aðalstarfsemin snýst um ræstingar fyrirtækja, stofnana, húsfélaga og fyrir einstaklinga, en við bjóðum einnig upp á ýmsa auka þjónustu, eins og að bóna gólfdúka, gólfteppahreinsun og gluggahreinsun, en við erum með stóra gluggaþvottadeild sem hefur tvo körfubíla til umráða,“ segir Þórir. „Við bjóðum líka upp á og flutningaþrif og þrif eftir iðnaðarmenn og COVID-19 sótthreinsun.

Starfsfólk Ræstitækni ehf. fær reglulega þjálfun og fæst við ýmiss konar þrifnað í stórum og smáum fyrirtækjum, sem og í fjölbýlis- og einbýlishúsum. MYND/AÐSEND

Við gerum langtímasamninga sé þess óskað,“ segir Þórir. „Við þjónustum fjölda fyrirtækja og stofnana á höfuðborgarsvæðinu, Suðurnesjum og Selfossi. Einnig erum við með starfsstöð á Akranesi, en þar starfa ellefu starfsmenn.

Við leggjum mikla áherslu á persónulega og góða þjónustu og sinnum fjölbreyttri flóru viðskiptavina sem margir hverjir hafa verið í samstarfi við okkur árum saman,“ segir hann.

Eingöngu eru notuð vönduð vistvæn efni til þrifa og fyrirtækið flytur hluta af þeim inn sjálft til að tryggja sér aðgengi að bestu efnum sem völ er á.

Ræstitækni ehf. hefur sérhæft sig í gluggaþvotti á öllum stærðum húsa frá stofnun og er vel útbúið tækjum, en það er bæði með körfubíla og háþrýstitæki. MYND/AÐSEND

„Við notum sömuleiðis eingöngu öflug og góð áhöld og tæki. Einnig erum við ávallt að þróa aðferðirnar sem við notum og þjálfum starfsfólkið okkar reglulega,“ segir Þórir. „Við tileinkum okkur allar nýjungar sem bjóðast hverju sinni og þjónusta okkar er sniðin að þörfum hvers viðskiptavinar.“

Gluggahreinsun og þrif á utanhússklæðningum

Ræstitækni ehf. hefur sérhæft sig í gluggaþvotti á öllum stærðum húsa frá stofnun og starfsmenn Ræstitækni ehf. eru með áralanga reynslu af gluggaþvotti, hvort sem um er að ræða stærstu hús á höfuðborgarsvæðinu eða einbýlishús. Fyrirtækið er líka vel útbúið tækjum, en það er bæði með körfubíla og háþrýstitæki.

Eingöngu eru notuð vönduð vistvæn efni til þrifa og fyrirtækið flytur hluta af þeim inn sjálft til að tryggja sér aðgengi að bestu efnum sem völ er á. MYND/AÐSEND

Gluggahreinsun er í boði fyrir húsfélög, fyrirtæki eða heimili. Gerð eru föst verðtilboð í stærri verk og sömuleiðis eru langtímasamningar í boði, sé þess óskað.


Nánari upplýsingar er hægt að nálgast í síma 419-1000 rtk@rtk.is eða í gegnum heimasíðuna rtk.is.

Ræstitækni ehf. býður upp á reglubundna ræstingu og gerir langtímasamninga ef þess er óskað. MYND/AÐSEND