Sólning er rótgróið fyrirtækið með áratuga reynslu af öllu sem við kemur dekkjum og vinnu tengdri þeim. Þar starfa reyndir fagmenn sem leggja áherslu á hraða og góða þjónustu. Nýverið hóf Sólning að bjóða viðskiptavinum sínum að fara í rafræna röð, svo þeir þurfi ekki að bíða á verkstæðinu eftir að röðin komi að þeim.

„Við erum rótgróið fyrirtæki með glás af reynslumiklum starfsmönnum og leggjum mikið upp úr vönduðum vinnubrögðum, en líka hraða. Við bjóðum upp á sérlega mikinn hraða í dekkjaskiptum, sem þýðir að við getum afgreitt mjög marga bíla á dag og það gerir biðina styttri fyrir viðskiptavini okkar. Tíminn er dýrmætur og fólk hefur enn nóg að gera þrátt fyrir COVID,“ segir Aron Elfar Jónsson, framkvæmdastjóri Sólningar í Kópavogi. „Við leggjum líka rosalega mikið upp úr því að veita góða og persónulega þjónustu, enda erum við alltaf að sjá sama fólkið koma til okkar.

Að sjálfsögðu passa starfsmenn Sólningar vel upp á allar sóttvarnir og nálægðartakmörk og ráðstafanir hafa verið gerðar til að minnka smithættu. Viðskiptavinir geta til dæmis beðið í bílnum á meðan skipt er um dekk.

Við getum tekið að okkur öll verkefni sem tengjast dekkjum og erum aðallega í þeim, en þess á milli sinnum við líka bremsuviðgerðum og öðrum minni viðgerðum og sjáum líka um allt sem við kemur hjólabúnaði, svo sem dempara, spindilkúlur, spyrnur og fleira,“ segir Aron. „Við erum líka með smurstöðvar og hjólastillingar á öllum verkstæðunum okkar.

Að sjálfsögðu fylgjum við öllum sóttvarnareglum. Við sprittum alla snertifleti reglulega og allir sem eru í einhverri nálægð eru með grímu,“ segir Aron. „Ef viðskiptavinir vilja frekar geta þeir beðið í bílnum á meðan skipt er um dekk og við höfum sett upp gler fyrir framan starfsmenn í afgreiðslunni, sem er stór, sérstaklega á verkstæðinu okkar hér í Kópavogi, svo það er auðvelt að virða nálægðartakmörk.“

Rafræn röð og dekkjahótel

„Við leggjum upp með að hægt sé að sleppa við tímapantanir, því að flestir kúnnar vilja komast að samdægurs. Þú mætir bara á staðinn og hérna á stærsta verkstæðinu okkar í Kópavogi erum við með sérstakt númerakerfi sem er varpað inn á heimasíðuna okkar þannig að fólk geti verið í rafrænni röð,“ segir Aron. „Þannig að fólk getur komið og tekið númer og svo bara farið að sinna erindum og fylgst með stöðunni í snjallsímanum í stað þess að bíða hérna á staðnum. Þetta er náttúrulega fyrst og fremst þægilegt fyrir viðskiptavini en minnkar líka smithættu. Á hinum verkstæðunum erum við svo bara með klassíska biðröð.

Sólning býður viðskiptavinum sínum í Kópavogi að fara í rafræna röð, þannig að þeir geti fylgst með í símanum og sinnt öðrum erindum þar til röðin kemur að þeim. FRÉTTABLAÐIÐ/VALLI

Við erum með dekkjahótel og geymum dekkin í upphituðu húsnæði við bestu aðstæður. Það sparar kúnnum geymslupláss að geyma dekkin hjá okkur og það sparar líka fyrirhöfn við að meðhöndla dekkin, sem geta verið óhrein og valdið skemmdum á innréttingum í bílum,“ segir Aron. „Fólk sem nýtir þessa þjónustu getur fengið dekkin afgreidd samdægurs þar sem þau eru alltaf til reiðu hér hjá okkur og það þarf ekkert að hringja á undan sér. Þú færð bara miða með númerinu á þínum dekkjum og fullkomið skráningarkerfi heldur utan um dekkin á milli dekkjaskipta.

Við bjóðum líka upp á mikið úrval af mjög góðum dekkjum á mjög hagstæðum verðum og þau henta nánast öll mjög vel fyrir íslenskar aðstæður,“ segir Aron. „Við bjóðum upp á dekk frá Hankook, Goodyear, Nexen og Sava sem eru í flottari kantinum og við erum líka með ódýrari valkosti, en það er oft hægt að gera góð kaup í ódýrari dekkjum. Í þeim flokki bjóðum við meðal annars upp á dekk frá framleiðendum eins og Roadstone, Viatti og Landsail.

Sólning býður upp á sérlega mikinn hraða í dekkjaskiptum, sem þýðir að þar er hægt að afgreiða mjög marga bíla á dag og það gerir biðina styttri fyrir viðskiptavini. Þar eru ekki tímapantanir, því flestir vilja komast að samdægurs.

Það er hægt að skoða allt úrvalið okkar á heimasíðunni okkar, solning.is og þar er líka verðskrá yfir bæði vörur og þjónustu og upplýsingar um allt sem er í boði,“ segir Aron. „Það er líka sniðug reiknivél þar fyrir dekkjastærðir svo það er hægt að bera saman hæð og breidd á dekkjum og athuga hvort þau passi undir bílinn. Þar eru líka staðlar fyrir hraða og burðarþol.“

Hjólastilling og umfelgun

„Við sinnum hjólastillingum og rétt hjólastilling skiptir sköpum til að auðvelda ökumönnum stjórn á ökutækinu og hámarka jafnvægi bílsins við hemlun. Hún eykur líka líftíma hjólbarðanna, dregur úr eldsneytiseyðslu og gerir aksturinn þægilegri,“ segir Aron. „Hún borgar sig því upp á afar skömmum tíma í dekkjasliti og eldsneytisnotkun bílsins.

Sólning býður upp á mikið úrval af góðum dekkjum sem henta fyrir íslenskar aðstæður á mjög hagstæðu verði. Hægt er að skoða úrvalið á heimasíðunni og þar er líka verðskrá yfir vörur og þjónustu.

Fjöðrunarbúnaður er flókinn og krefst þess að jafnvægi sé í stillingu allra fjögurra hjólanna. Sumir telja nægilegt að stilla bara framhjólin af, en það er óhætt að mæla með því að fara með bílinn á verkstæði þar sem öll fjögur hjólin eru mæld í tölvu og þau stillt til að hámarka afköst fjöðrunarkerfisins,“ útskýrir Aron. „Þess verður þó að geta að ekki er hægt að stilla afturhjól á öllum bílum.

Að sjálfsögðu er líka hægt að fá klassíska umfelgun hér frá vönum mönnum og þá jafnvægisstillum við bílana um leið, en jafnvægisstilling er ekki það sama og hjólastilling,“ segir Aron. „Þar sem það er hart í ári hjá landanum um þessar mundir höfum við líka ákveðið að hækka ekki verðið á umfelgun eins og flestir aðrir gerðu í haust.“


Sólning er með verkstæði á Smiðjuvegi 34 í Kópavogi, í Skútuvogi 2 í Reykjavík, Hjallahrauni 4 í Hafnarfirði og á Fitjabraut 12 í Njarðvík. Hægt er að hafa samband við Sólningu í síma 544 5000, í tölvupósti á solning@solning.is og á Facebook-síðunni, facebook.com/solning.