BREYN ehf. er í eigu Bjarkar Reynisdóttur viðskiptafræðings. Björk hefur unnið við bókhald og stýrt bókhaldsdeildum um áratuga skeið auk þess að hafa starfað sem fjármálastjóri. „Ég opnaði BREYN í janúar 2019 og stofan hefur vaxið jafnt og þétt. Núna er ég með þrjá starfsmenn í vinnu, allt reynslumiklar konur,“ segir Björk. „Það var lengi búið að blunda í mér að stofna eigið fyrirtæki með bókhaldsþjónustu enda hef ég haft gífurlega mikinn áhuga á þessu fagi þótt sumum finnist það skrítið,“ segir hún. „Tækifærið kom upp í hendurnar á mér í upphafi árs 2019 og ég lét slag standa.“

Björk segir að það sé mikið að gera í faginu og hún finnur fyrir ákveðinni viðhorfsbreytingu þegar fólk stofnar fyrirtæki til að leita sér faglegrar aðstoðar með bókhaldið. „Fólk vill hafa þessi mál í lagi. Það er kominn miklu meiri metnaður í rekstur fyrirtækja,“ upplýsir Björk.

Þótt ekki sé búið að innleiða pappírslaus viðskipti í lög hefur orðið mikil breyting þar á og fleiri og fleiri kjósa að vinna bókhaldið rafrænt. „Við höfum verið að færa bókhald yfir á rafrænt form fyrir mörg félög. Pappírslaus viðskipti eru framtíðin og okkur gengur vel í þá átt. Við erum framsækið fyrirtæki og ég hef lagt áherslu á að fylgjast mjög vel með öllum þeim nýjungum sem eiga sér stað í þessu fagi.

Ég er aðili að FKA og Félagi bókhaldsstofa en frá þeim koma margar nytsamlegar upplýsingar sem gott er að fylgjast með. Einnig fáum við upplýsingar frá ríkisskattstjóra sem tengjast norrænum skattstofum um innleiðingu á pappírslausu bókhaldi og ég hef sótt fundi hjá Nordisk Government,“ segir Björk.

BREYN veitir persónulega þjónustu fyrir hvern og einn og kunna viðskiptavinir mjög vel að meta það. „Við þekkjum viðskiptavini okkar vel, þarfir þeirra og væntingar. Covid hefur reyndar ýtt undir rafræn samskipti sem mörgum þykja þægileg. Heimsfaraldurinn hefur líka flýtt fyrir rafrænum breytingum í fyrirtækjum og fleiri sem nýta sér tæknina sem er jákvætt.“

Björk hjá BREYN tekur á móti fyrirspurnum á netfangið bjork@breyn.is.

Endilega hafðu samband við Björk ef þú vilt kynna þér nýjar lausnir í bókhaldi fyrir þitt fyrirtæki.

Nánari upplýsingar hjá BREYN ehf. Suðurlandsbraut 22, sími 790 8001 eða á netfanginu bjork@breyn.is.