Markaðssnillingurinn Ása Björg Tryggvadóttir féll gjörsamlega fyrir náttúruhlaupasportinu fyrir nokkrum árum og hefur vart farið úr hlaupaskónum síðan þá. Hún segir rauðrófuduftið frá ICEHERBS vera algert lykilatriði þegar kemur að því að styðja við hlaupin til að auka súrefnisupptöku og orku. Hún mælir sérstaklega með því fyrir þá hlaupara sem hyggjast taka þátt í Reykjavíkurmaraþoninu að byrja að taka inn rauðrófuduft því það geti haft ótrúleg áhrif á orkuna.

Út að hlaupa allt árið um kring

Ása er dugleg að taka þátt í ýmsum hlaupaviðburðum og hefur meðal annars hlaupið Fimmvörðuháls, tekið þátt í Vesturgötuhlaupinu og margt fleira. Uppáhaldshlaupaviðburður Ásu Bjargar er þó Þórsmerkurhlaupið. „Það er engu líkt að koma í Þórsmörk á haustin þegar laufin eru í öllum regnbogans litum,“ segir Ása.

Ása stundar ekki bara útihlaup á sumrin heldur hleypur hún úti allt árið um kring. „Fyrst um sinn hljóp ég eingöngu úti á sumrin en undanfarin fjögur ár hef ég verið að æfa með Náttúruhlaupahópnum sem ég kynntist upphaflega þegar ég fór á frábært námskeið hjá þeim áður en ég hljóp Laugaveginn. Síðan þá hef ég hlaupið úti allan ársins hring, hvernig sem viðrar. Ég skipti bara yfir í hlýrri föt, set undir mig mannbroddana og held út í frost og kulda. Þetta snýst aðallega um útiveru hjá mér.“

Rauðrófur koma þér hraðar og lengra náttúrulega og eru því tilvaldar fyrir öll sem vilja auka æfingaúthald sitt fyrir reglulega íþróttaiðkun.

Kynntist ofurkrafti rauðrófunnar

Ása kynntist mögnuðum eiginleikum rauðrófunnar fyrir mörgum árum þegar hún byrjaði að hugsa betur um mataræðið, en rauðrófan er algert ofurfæði. „Ég varð ástfangin af rauðrófunni en fannst erfitt að eiga við hana, enda litar hún rosalega út frá sér og safinn á það til að leka um allt. Svo heyrði ég að rauðrófan fengist í duftformi og fór að blanda saman við vatn. Nú er tandurhrein og næringarrík rauðrófan fáanleg í hylkjaformi frá ICEHERBS og hef ég verið að taka þetta inn reglulega síðastliðin þrjú ár. Hylkin henta mér virkilega vel enda er einfalt að gleypa þau daglega með vítamínunum og ég næ að taka þau inn mun markvissar en áður,“ segir Ása.

Rauðrófuduftið alger nauðsyn

Ása segist ekki vera mikil keppnismanneskja en finnst þó mikilvægt að setja sér hlaupamarkmið.

„Þegar ég æfi fyrir sérstök langhlaup tek ég tímabil þar sem ég æfi þrisvar til fimm sinnum í viku. Þá finnst mér alveg nauðsynlegt að taka mjög reglulega rauðrófuduft frá ICEHERBS. Ég tek þetta inn endrum og eins allt árið en passa mig að taka það inn daglega með æfingatímabilum. Það er ótrúlega mikilvægt að borða hollan og næringarríkan mat þegar maður er í svona törnum og rauðrófuduftið bæði eykur súrefnisupptöku og gefur mér auka orku. Ég finn mikinn mun á mér orkulega séð og ég verð síður búin á því og of þreytt eftir erfiðar æfingar ef ég borða rétt og tek inn rauðrófuduftið.“

Rauðrófuduftið frá ICEHERBS kemur í hentugu hylkjaformi sem auðveldar þér inntöku á hverjum degi.

Rauðrófur, náttúruleg ofurfæða

Rauðrófur eru þekktar fyrir að bæta súrefnisupptöku og auka blóðflæði. Með auknu blóðflæði eykst snerpa, orka og úthald og því hafa rauðrófur slegið í gegn á meðal íþróttafólks. Rauðrófur koma þér hraðar og lengra náttúrulega og eru því tilvaldar fyrir alla þá sem vilja auka æfingaúthald sitt fyrir reglulega íþróttaiðkun. Þær eru einnig stútfullar af steinefnum, trefjum og vítamínum og eru sönn ofurfæða. Rauðrófur eru gríðarlega andoxandi og hreinsa líkamann og styrkja ónæmiskerfið til muna. Ekki má gleyma því að aukið blóðflæði getur einnig virkað sem náttúruleg kynörvun fyrir bæði karla og konur. Rauðrófur eru sannkölluð heilsubót.

Íslensk framleiðsla

ICEHERBS leggur áherslu á að framleiða hrein og náttúruleg bætiefni sem nýtast viðskiptavinum og að virkni skili sér í réttum blöndum og að eiginleikar efnanna viðhaldi sér að fullu. Þá eru enn fremur engin óþörf fylliefni notuð.

ICEHERBS fæst í öllum betri matvöruverslunum, apótekum og heilsuvöruverslunum og í nýrri vefverslun ICEHERBS iceherbs.is.