Rannsóknir sýna að Nourkrin bætiefnið vinnur gegn hárlosi og stuðlar að eðlilegum hárvaxtarhring. Hárlos getur haft ýmsar orsakir en Nourkrin nærir hársekkina svo þeir geti viðhaldið eðlilegum hárvaxtarhring.

Hár er mikilvægur partur af útliti okkar og sjálfstrausti. Þetta kemur enn frekar fram þegar það koma upp hárvandamál eða hármissir og þá gera sérstaklega konur sér enn frekar grein fyrir mikilvægi hársins. Hárvandamál eru algeng því talað er um að allt að 60% kvenna upplifi óeðlilega mikið hárlos einhvern tíma á lífsleiðinni. Oft eru þessi mál mikið feimnismál sem lítið eru rædd og reynt að láta sem minnst á þeim bera. Það er því gaman að geta sagt frá Nourkrin hárbætiefninu sem hægt er að sýna með klínískum rannsóknum að virki.

Svona leit skallabletturinn út áður en Sigurrós Lilja fór að nota Nourkrin en nú er hann alveg horfinn.MYND/AÐSEND

Byltingarkennt bætiefni

Eðlileg hringrás hárvaxtar líkamans kallast hárvaxtarhringur. Í eðlilegum hárvaxtarhring eru 85-90% háranna á vaxtarstigi á meðan 10-15% þeirra eru á hvíldarstigi eftir að hafa náð fullum vexti.

Þegar hárlos á sér stað brenglast hinn hefðbundni hárvaxtarhringur vegna þess að hársekkirnir fá ekki réttu næringarefnin. Helstu ástæður hárloss eru meðal annars stress, veikindi, sykursýki, lyf, reykingar, meðganga, fæðing, hármeðhöndlun og fleira.

Nourkin hárbætiefni fyrir konur og karlmenn hefur verið selt á Íslandi síðan 2018 en verið til á heimsvísu síðan 1986 og er margverðlaunað hárbætiefni, það vinsælasta í Bretlandi. Nourkrin hárbætiefnið er 100% lyfjalaust og eina hárbætiefnið sem byggir á fjölda klínískra rannsókna sem birtar hafa verið í ritrýndum vísindatímaritum. Nourkrin inniheldur hið byltingarkennda Marilex bætiefni sem er einkaleyfisvarið efni, unnið úr þykkni úr fiskbeinum og inniheldur rétt hlutfall af svokölluðum próteóglýkönum sem næra hársekkina svo þeir geti viðhaldið eðlilegum hárvaxtarhring.

Nourkrin er algjörlega öruggt og allir mega nota það, nema þeir sem hafa ofnæmi fyrir fiski og skelfiski, þar á meðal ófrískar konur og konur með barn á brjósti. Hefðbundin meðferð er tvær töflur daglega í sex mánuði. Ástæðan fyrir lengd meðferðarinnar er sú að það tekur hárvaxtarhringinn sex mánuði að ná jafnvægi. Hársekkirnir geta verið á misjöfnum stað í sínum hring þegar meðferð hefst og því tekur þetta þennan tíma.

Góður árangur í prófun

Í júní 2020 var farið af stað með prófanir á Nourkrin á Íslandi. Sextán einstaklingar á aldrinum 26-75 ára, fimmtán konur og einn karlmaður, voru valin til að prófa vöruna í sex mánuði. Meðalaldur þátttakenda var 50 ár. Ástæður hárloss hjá þátttakendum voru misjafnar en flest voru búin að glíma við hárlos í töluverðan tíma og höfðu prófað margt til að minnka það. Niðurstöður rannsóknarinnar voru mjög ánægjulegar og sýndu að allir þátttakendur fundu mun á hárinu á sér eftir að hafa tekið inn Nourkrin.

Helstu ástæður hárloss þátttakenda í rannsókninni voru:

  • Vanvirkur skjaldkirtill
  • Sjálfsofnæmi (Alopecia)
  • Legslímuflakk
  • Sykursýki 2
  • Skortur á B12
  • Psoriasis, psoriasis gigt
  • Lyf
  • Álag, stress í kjölfar veikinda, dauðsfalla eða annarra persónulegra ástæðna.

Sumir þátttakendur náðu ekki að tengja neitt við aukið hárlos en við það að taka inn Nourkrin var eins og hársekkirnir væru að fá efni sem þá vantaði.

Einn karlmaður var í prófunum sem var að missa hárið eins og algengt er meðal karlmanna og fann hann mun á sínum hárvexti.

Auður er með vanvirkan skjaldkirtil og glímdi við hárlos í langan tíma. Hún hafði prófað hin ýmsu bætiefni án mikils árangurs áður en hún fann Nourkrin. MYND/AÐSEND
Eftir að Auður fór að taka inn Nour­krin minnkaði hárlosið og hárið styrktist til muna. Það varð mun meira úr hverju hári og eins og hvert hár væri sterkara. MYND/AÐSEND

Þykkara og sterkara hár

Einn þátttakandinn var Auður, sem er 54 ára og með vanvirkan skjaldkirtil. Skjaldkirtilstruflanir eru nokkuð algengar, sérstaklega meðal kvenna, og margar konur eru með slíkar truflanir án þess að átta sig á því.

Auður hafði verið að glíma við hárlos í langan tíma og hafði prófað hin ýmsu bætiefni án mikils árangurs. Auður segist mæla 100% með Nourkrin Woman, sérstaklega fyrir konur með skjaldkirtilsvandamál. Eftir að hún fór að taka inn Nourkrin minnkaði hárlosið og hárið styrktist til muna. Það varð mun meira úr hverju hári og eins og hvert hár væri sterkara. Fyrir þetta var hárið orðið mjög þunnt og líflaust. Núna virkar hárið mun þykkara og það er komið mikið líf í það aftur.

„Hárið á mér hefur ekki verið eins gott í 20 ár og ég get ekki hugsað mér að vera án Nourkrin,“ segir Auður sjálf.

Sambland af psoriasis og streitunni sem fylgdi krabbameini olli miklu hárlosi hjá Lindu. MYND/AÐSEND
Þessi mynd sýnir árangurinn sem Linda hafði náð eftir sex mánaða notkun á Nourkrin. MYND/AÐSEND

Fann fljótt mikinn mun

Annar þátttakandi var Linda, sem er 55 ára og með psoriasis og psoriasis gigt, en Linda greindist einnig með lungnakrabbamein árið 2016. Streitan sem fylgdi því olli því að hárið hrundi og við stressið versnaði psoriasis sjúkdómurinn svo hún var sett á líftæknilyf sem hafði góð áhrif á sjúkdóminn en olli miklu hárlosi.

Linda hafði prófað nokkur bætiefni áður sem virkuðu aðeins en gerðu psoriasis verra. Eftir að hafa tekið Nourkrin inn í mánuð fann Linda strax mun. Það er talað um sex mánuði en hún fann muninn mun fyrr. Linda fann líka mikinn mun á augnhárunum, en hún hafði fram að þessu verið með augnháralengingar. Eftir um þrjá mánuði á Nourkrin spurði snyrtifræðingurinn hana hvað hún væri eiginlega að gera því augnhárin voru svo miklu sterkari og fleiri.

Eftir sex mánuði sá Linda mikinn mun á hárinu og vildi óska að hún hefði kynnst Nourkrin fyrr. Núna langar hana að prófa alls konar nýjar klippingar sem hárið á henni réð ekki við áður. „Það eru margir sem prófa hinar og þessar vörur þegar svona vandamál koma upp og gefast svo upp á að prófa og ég var næstum ein þeirra. En ég kem ekki til með að hætta að nota Nourkrin, það er alveg á hreinu,“ segir Linda.


Sjá nánar á isam.is/nourkrin. Nourkrin fæst í öllum helstu apótekum, í netverslun Lyfju og í Heilsuhúsinu.