Fyrir tveimur árum benti vinkona hennar á að ÍSAM væri að leita að þátttakendum til að prufa nýjan hárkúr. Hún sló til og að tveimur árum liðnum er hún komin með sítt og mikið hár og laus við óeðlilegt hárlos. „Fyrir um tuttugu árum síðan byrjaði ég að finna fyrir miklu hárlosi og hárþynningu. Á sama tíma greindist ég með vanvirkan skjaldkirtil. Alla tíð síðan hefur hárið verið þunnt og lélegt og hreinlega vonlaust að reyna að safna síðu hári. Hárlosið var svakalegt, það hreinlega datt af mér hvert sem ég fór. Ég „fór úr hárum“ eins og persneskur köttur,“ segir Auður.

Hafði engu að tapa

Prófunin byrjaði í ágúst 2020 og Auður byrjaði með einni töflu tvisvar á dag, einni töflu í hádeginu og þeirri seinni fyrir svefn. „Ég hafði fyrir fram engar sérstakar væntingar um árangur, enda búin að prufa alls konar hárkúra sem höfðu ekkert virkað. Þar af leiðandi var ég búin að gefast upp á að finna nokkra lausn við mínum hárvanda. Ég hafði engu að tapa þegar ég ákvað að vera með í Nourkrin-prófunum, sem byrjuðu með myndatöku. Þær myndir sýndu að hárið var í mun verra ástandi en ég hafði talið. Það var kominn skallablettur á hvirfilinn sem margir höfðu víst tekið eftir. Ég er með náttúrulega krullað hár sem hefur hjálpað við að fela hárþynninguna, en tókst ekki að fela skallablettinn sem var byrjaður að myndast á hvirflinum. Hárþynningin hefði verið mun meira áberandi ef hárið hefði verið slétt.“

Auður var með skallablett á kollinum eftir mikið hárlos.

Skallabletturinn hvarf

„Ég ákvað strax að taka Nourkrin mjög samviskusamlega samkvæmt leiðbeiningum, tvisvar á dag, svo úr yrði marktæk prófun. Ég vildi vita hvort Nourkrin virkaði fyrir mig. Eftir aðeins mánaðarprófun fann ég mikinn mun. Hárlosið sem hafði verið aðalvandamálið var hætt. Þessi jákvæða svörun kom mér skemmtilega á óvart. Ég hafði aldrei búist við því að hárlosið myndi hætta eftir aðeins mánaðarinntöku á Nourkrin.

Ég ákvað því að halda áfram að taka Nourkrin tvisvar á dag, en með því næst keðjuverkun yfir allan sólarhringinn og tólf tíma verkun helst. Um leið og sleppt er úr degi slitnar keðjuverkunin sem verður að lokum til þess að fólk fær enga virkni af Nourkrin. Þetta fann ég vel þegar ég hafði ekki verið samviskusöm í inntöku Nourkrin einn mánuðinn og misst út dag og nokkra hálfa daga. Þennan mánuð stóð ég hreinlega í stað. Ég lét þetta ekki koma fyrir aftur og tók Nourkrin-töflurnar samviskusamlega tvisvar á dag. Árangurinn skilaði sér fljótt. Á nokkrum mánuðum var skallabletturinn nánast horfinn, hárlosið gleymt og grafið, hárið orðið sterkara og þykkara og ekki lengur matt, heldur glansandi.“

Algengt vandamál

„Ég veit að hárlos og þunnt hár er algengt vandamál sem hrjáir margar konur og karla líka. Heilsufarsleg vandamál hafa yfirleitt mikil áhrif á bæði hár og neglur, sérstaklega þegar um langvinn veikindi er að ræða. Í mínu tilfelli var það vanvirkur skjaldkirtill. Hjá öðrum geta aðrir sjúkdómar eða þættir haft langvarandi áhrif á heilsu fólks, sem kemur yfirleitt fram í lélegu hári. Þrátt fyrir að hárvandamál séu mjög algeng eru þau viðkvæmnismál hjá báðum kynjum og lítið rædd. Fólk segir ekki frá prófunum á vöru gegn hárlosi og þaðan af síður ef varan virkar síðan ekki. Ýmsar vörur eru í boði með alls kyns fullyrðingum um góða virkni og erfitt að velja á milli þegar einu upplýsingarnar koma frá framleiðendum varanna. Þess vegna hef ég valið að segja frá minni reynslu og mæla með Nourkrin, einfaldlega vegna þess að Nourkrin virkar.“

Eftir nokkurra mánaða inntöku á Nourkrin var skallabletturinn horfinn.

Tekur tvöfaldan skammt

Í júní síðastliðnum ákvað Auður að gera aðra tilraun á sjálfri sér. „Ég er með vanvirkan skjaldkirtil og því almennt með lélega upptöku á bæti- og næringarefnum. Því datt mér í hug að athuga hvort ég myndi fá meiri virkni með því að tvöfalda skammtinn af Nourkrin. Ég hugsaði að í versta falli myndi engin breyting verða eða ég fengi einhverja meiri virkni.

Tvöfaldi Nourkrin-skammturinn var á sama hátt og áður, en nú tvær töflur í hádeginu og tvær töflur fyrir svefn. Þegar ég byrjaði þennan skammt í júní þá var ég með axlarsítt hár en í nóvember var ég komin með sítt hár niður á bak. Það er hársídd sem ég hef ekki náð í 20 ár! Vá, þvílík virkni og breyting. Hárið varð mun þéttara (skallabletturinn gjörsamlega horfinn), hárið varð mun sterkara og meiri vöxtur og enn meira glansandi. Breytingin var svo mikil að ég hafði samband við ÍSAM og teknar voru myndirnar sem hér eru sýndar. Gamla „Hollywood“-hárið mitt er komið aftur!“

Engin áhrif á annan hárvöxt

„Ég hef fengið margar spurningar varðandi hárið því breytingin hefur ekki farið fram hjá neinum sem þekkir mig. Og ég hef sagt mörgum frá Nourkrin og tvöfalda skammtinum mínum. Þá hef ég stundum fengið spurningar um hvort ég hafi nokkuð fengið „óæskilegan“ hárvöxt. Nei, ég hef ekki orðið vör við neinn skeggvöxt, ef það hefði gerst þá hefði ég snarlega farið aftur í einfaldan skammt! Það byrjar ekki hárvöxtur á líkamssvæðum þar sem ekki var hárvöxtur áður. Augnhárin tóku hins vegar við sér, en þau voru orðin mjög döpur. Það er eini viðbótar hárvöxturinn sem ég hef orðið vör við og er að sjálfsögðu hæstánægð með.

Þetta sýnir bara hvað það er góð virkni í þessu bætiefni. Sumum þykir þetta dýrt, en í dag er þetta jafn ómissandi hluti og að taka lýsi fyrir mig. Ég vel að taka Nourkrin því hárið skiptir mig meira máli en neglur eða augnháralengingar og vegna þess að það svínvirkar fyrir mig. Ég veit það líka að ef ég myndi hætta að taka þetta inn þá dytti verkunin niður og ég fengi gamla lélega og þunna hárið aftur, og ég hef engan áhuga á að fá það hár aftur!“

Nourkrin hárbætiefnið er 100% lyfjalaust og eina hárbætiefnið sem byggir á fjölda klínískra rannsókn.

Nourkrin virkar vel gegn hárlosi

Rannsóknir sýna að Nourkrin bætiefnið vinnur gegn hárlosi og stuðlar að eðlilegum hárvaxtarhring. Hárlos getur haft ýmsar orsakir en Nourkrin nærir hársekkina svo þeir geti viðhaldið eðlilegum hárvaxtarhring.

Hár er mikilvægur partur af útliti okkar og sjálfstrausti. Þetta kemur enn frekar fram þegar upp koma hárvandamál eða hármissir og þá gera sérstaklega konur sér enn frekar grein fyrir mikilvægi hársins. Hárvandamál eru algeng en talað er um að allt að 60 prósent kvenna upplifi óeðlilega mikið hárlos einhvern tímann á lífsleiðinni. Oft er þetta mikið feimnismál og því lítið rætt og reynt að láta sem minnst á því bera. Það er því gaman að geta sagt frá Nourkrin hárbætiefninu, sem hægt er að sýna með klínískum rannsóknum að virki.

Hagstæðast er að kaupa þriggja mánaða skammt í stað mánaðarskammts.

Byltingarkennt bætiefni

Eðlileg hringrás hárvaxtar líkamans kallast hárvaxtarhringur. Í eðlilegum hárvaxtarhring eru 85-90% háranna á vaxtarstigi á meðan 10-15% þeirra eru á hvíldarstigi eftir að hafa náð fullum vexti. Þegar hárlos á sér stað brenglast hinn hefðbundni hárvaxtarhringur vegna þess að hársekkirnir fá ekki réttu næringarefnin. Helstu ástæður hárloss eru meðal annars stress, veikindi, sykursýki, lyf, reykingar, meðganga, fæðing, hármeðhöndlun og fleira.

Nourkrin hárbætiefni fyrir konur og karlmenn hefur verið selt á Íslandi síðan 2018, en verið til á heimsvísu síðan 1986 og er margverðlaunað hárbætiefni, það vinsælasta í Bretlandi. Nourkrin hárbætiefnið er 100% lyfjalaust og eina hárbætiefnið sem byggir á fjölda klínískra rannsókna sem birtar hafa verið í ritrýndum vísindatímaritum. Nourkrin inniheldur hið byltingarkennda Marilex bætiefni sem er einkaleyfisvarið efni, unnið úr þykkni úr fiskbeinum og inniheldur rétt hlutfall af svokölluðum próteóglýk­önum, sem næra hársekkina svo þeir geti viðhaldið eðlilegum hárvaxtarhring.

Nourkrin er algjörlega öruggt og allir mega nota það, nema þeir sem hafa ofnæmi fyrir fiski og skelfiski, þar á meðal ófrískar konur og konur með barn á brjósti. Hefðbundin meðferð er tvær töflur daglega í sex mánuði. Ástæðan fyrir lengd meðferðarinnar er sú að það tekur hárvaxtarhringinn sex mánuði að ná jafnvægi. Hársekkirnir geta verið á misjöfnum stað í sínum hring þegar meðferð hefst og því tekur þetta þennan tíma.

Góður árangur í prófun

Árið 2020 var farið af stað með fyrsta prófanahópinn á Íslandi fyrir Nourkrin. Sextán einstaklingar á aldrinum 26-75 ára, fimmtán konur og einn karlmaður, voru valin til að prófa vöruna í sex mánuði. Meðalaldur þátttakenda var 50 ár. Ástæður hárloss hjá þátttakendum voru misjafnar en flest höfðu glímt við hárlos í töluverðan tíma og prófað margt til að minnka það. Niðurstöður rannsóknarinnar voru mjög ánægjulegar og sýndu að allir þátttakendur fundu mun á hárinu eftir að hafa tekið inn Nourkrin.

Helstu ástæður hárloss þátttakenda í rannsókninni voru:

* Vanvirkur skjaldkirtill
* Sjálfsofnæmi (Alopecia)
* Legslímuflakk
* Sykursýki 2
* Skortur á B12
* Psoriasis, psoriasis gigt
* Lyf

Álag, stress í kjölfar veikinda, dauðsfalla eða annarra persónulegra ástæðna

Einnig hafa nýleg gögn sýnt fram á að Nourkrin virkar mjög vel á fólk sem hefur lent í hárlosi í kjölfar Covid-19.

Vilt þú vera í Nourkrin prófanahópi?

Ef þú eða einhver í kringum þig er með hárvandamál þá er hægt að sækja um að komast í Nourkrin prófanahóp hjá OJK-ÍSAM. Sendu tölvupóst á joninab@ojk-isam.is.

Nourkrin fæst í öllum helstu apótekum. Nánari upplýsingar á isam.‌is/nourkrin.