Linda Gunnarsdóttir fór til Huldu á Heilsu- og fegrunarstofu Huldu út af miklum doða í fótunum. „Heilsan er oft þannig að þú tekur rosalega mikið eftir því ef þú missir hana en þú tekur ekkert mikið eftir því þegar þú færð hana til baka,“ segir Linda. En svo var ekki eftir þessa meðferð. „Ég var með mikla gigt og ég var orðin rosalega slæm í mjöðminni, en eftir þessa sjö tíma hjá Huldu þá áttaði ég mig á því að ég fann ekkert fyrir mjöðminni lengur og gat labbað upp stiga án þess að finna fyrir verkjum.“

Linda byrjaði að finna aðeins fyrir mjöðminni aftur fyrir nokkrum mánuðum. „Ég fór í einn tíma og varð strax skárri.“ Linda er gríðarlega ánægð með meðferðirnar og segir árangurinn vera ótrúlegan. „Þetta er algjört kraftaverkatæki.“

Ótrúlegur munur

Steinunn Hallgrímsdóttir fer fögrum orðum um meðferðina hjá Huldu. „Ég er mjög slitin og slæm í skrokknum og ég fann mikinn mun á mér. Ég fór í 10 skipti og ég varð öll liprari og leið bara almennt betur í líkamanum.“ Steinunn hefur fengið mjög jákvæð viðbrögð eftir meðferðina. „Ég varð betri í bakinu og mjöðmunum og mér leið bara mun betur eftir þetta.“

Laus við allan stífleika

Þóra Guðnadóttir hefur lengi verið að glíma við stífleika í fingrum. „Ég fór í „vacum“ fyrir hendur og ég fann að stífleikinn í fingrunum snarlagaðist.“ Hún hefur einnig verið að eiga við bjúg í fótunum. „Ég fór í stígvélin hjá henni og bjúgurinn fór strax. Ég fann mikinn mun með hverjum tíma,“ segir Þóra. Hún fór 10 sinnum til hennar og var árangurinn mjög góður. „Ég lagaðist alveg í höndunum við þetta, svo er bara svo þægilegt að fara til Huldu,“ segir Þóra.

Heilsu- og fegrunarstofa Huldu er í Borgartúni 3. Sími 557 4575 og 772 4575..

Hulda Ósk Eysteinsdóttir á Heilsu- & fegrunarstofu er sérmenntuð í meðferð Weyergans High Care-tækjanna frá Weyergans í Þýskalandi. FRÉTTABLAÐIÐ/EYÞÓR