Elín, sem hefur starfað sem naglafræðingur í tuttugu ár, heyrði fyrst af AstaSkin í gegnum vinnuna. „Ég var að vinna við að gera neglur árið 2019 og heyrði af AstaSkin og að neglurnar yxu svo hratt hjá þeim sem voru að taka þetta inn svo ég ákvað að prófa það sjálf af því að ég er að gera neglur. Ég var með mjög þunnar neglur og ákvað að benda konunum mínum sem eru með þunnar neglur á að prófa að taka þetta inn og sjá hvort þær styrktust ekki, sem þær gerðu og vel það,“ segir Elín.

„Þær eru tvær sem hafa tekið þetta inn og neglur þeirra hafa þykknað verulega. Önnur þeirra ákvað svo að hætta að koma til mín eftir að COVID-hömlurnar komu til sögunnar. Hún er núna bara með sínar eigin, þær voru orðnar svo fínar.“

Hlýtur að vera AstaSkin

Áhrifin af inntöku AstaSkin komu Elínu á óvart. „Síðan ákvað ég að prófa að halda áfram að taka þetta eftir fyrsta mánuðinn sem var í mars 2019. Um sumarið áttaði ég mig svo á því hvað ég var rosalega góð í húðinni og hafði ekkert brunnið í sólinni. Ég á það til að brenna illa, en það gerðist bara ekki. Ég á lítinn kofa fyrir austan fjall og í lúsmýinu í fyrra fékk ég ekki eitt einasta bit og þótti það afar merkilegt, það var mikið mý og ég var alveg látin í friði. Krakkarnir mínir voru með mér ásamt systrum mínum og frændsystkinum og þau voru öll að spreyja sig á meðan ég hló bara að þeim og hugsaði með mér: Þetta hlýtur að vera AstaSkin,“ segir Elín og skellir upp úr.

Elín prófaði AstaSkin upphaflega til þykkja neglurnar en það hafði mun víðtækari jákvæð áhrif á heilsuna en hún bjóst við.

„Mér finnst þetta mjög merkilegt vegna þess að þetta er það eina sem ég er að gera, ég hef ekki notað sólarvörn en samt ekkert brunnið. Það er annað sem ég vil líka nefna, ég er 62 ára og var byrjuð að fá húðbletti en eftir að ég byrjaði að taka inn AstaSkin fóru þeir að dofna og jafnvel hverfa. Ég var með svona bletti í andlitinu og þeir eru farnir.“

AstaEye einnig árangursríkt

Elín nefnir einnig jákvæð áhrif á sogæðakerfið og hárið. „Ég var líka alltaf bláköflótt á lærunum, það er held ég í fjölskyldunni en það er líka farið. Svo hef ég alltaf verið með mikið hárlos því ég er hrokkinhærð og AstaSkin er búið að vera algjör snilld hvað það snertir.“

Eftir ánægjulegan árangur af AstaSkin ákvað Elín að prófa fleiri vörur frá KeyNatura. „AstaSkin virkaði svo vel svo ég byrjaði að taka AstaEye. Ég fékk rafsuðublindu árið 2001 og hef verið þurr í augunum síðan þá.“

Hún segir árangurinn af AstaEye ekki síður markverðan.

„Það er líka að virka, ég hélt að ég myndi hreinlega breytast í þörung,“ segir hún og hlær. „Ég tek ekki nein vítamín eða nokkuð annað inn.“

Fyrir nokkru ákvað Elín að fara í áskrift og mælir hún heilshugar með því fyrirkomulagi. „Ég er í áskrift og það er rosalega þægilegt. Það kemur bara í póstkassann, sem er bara algjör snilld.“

Þá er hún ekki í nokkrum vafa um framhaldið. „Ég ætla að taka inn AstaSkin það sem eftir er ævinnar.“