Sleepy dýnurnar koma til neytenda í handhægum umbúðum líkt og vinsælt er orðið á dýnumarkaðnum í dag. „Það sem sker Sleepy dýnurnar úr hjörð keppinauta er sú staðreynd að Sleepy er einn elsti dýnuframleiðandi í Evrópu. Þetta er 40 ára gamalt heilsudýnufyrirtæki sem byggir á allri þeirri þekkingu og reynslu sem hefur safnast á þessum árum. Á meðan hafa keppinautarnir verið að framleiða dýnur frá 2015, en það var einmitt þá sem framleiðendur fóru af stað með þróun á dýnum sem koma í kassa, eða „mattress in a box“. Munurinn í gæðum er því ótvíræður og augljós,“ segir Pétur Pétursson, umboðsaðili fyrir Sleepy® á Íslandi.

Krúnudjásnið loksins á Íslandi

„Við erum með umboðið fyrir Sleepy á Íslandi og hófum að selja krúnudjásnið þeirra, Sleepy® Original dýnuna, í janúar í fyrra. Það eru fimm ár síðan Sleepy hóf framleiðslu á þessum dýnum og í dag er þetta langvinsælasta varan þeirra í Evrópu. Dýnan hefur sigrað í neytendakönnunum sem besta dýna ársins í Evrópu. Neytendakannanir skoða þá nokkur atriði eins og öndunareiginleika, gæði í framleiðsluferli, hráefni og verð, til þess að ákvarða einkunn hverrar dýnu fyrir sig.

Sleepy dýnurnar skora afar hátt í öllum þessum flokkum. Dýnan andar einstaklega vel og byggir á hátækni sem tryggir öndunareiginleika hennar.

Dýnurnar koma frá Belgíu og eru framleiddar í Vestur-Evrópu þar sem strangt eftirlit er með vinnuaðstæðum og gæðum hráefna. Kolefnissporið er því einnig lágt í samanburði við það ef dýnurnar væru sem dæmi framleiddar utan Evrópu.

Neytendur hafa líka verið himinlifandi yfir verðinu enda eru Sleepy dýnurnar á frábæru verði á sama tíma og þær búa yfir miklum gæðum. Þar að auki er hver dýna tvískipt hvað varðar stífleika, sem gefur notanda möguleika á að velja hvort hann vilji stífa eða miðlungsstífa dýnu. Þessi einstaki eiginleiki breikkar til muna markaðshóp vörunnar sem sýnir sig aftur í enn betra verði.

Sleepy hefur tekið neytendakönnunum fagnandi og unnið markvisst að því að betrumbæta tæknina í takt við það sem neytendur vilja. Þá hefur fyrirtækið aflað sér upplýsinga frá þúsundum einstaklinga til þess að framleiða bestu dýnuna fyrir stærsta markaðshópinn. Það er því ekki að undra að fjöldi íþróttafólks og fólks sem er áberandi í samfélaginu hefur hrósað Sleepy dýnunum í hástert. Sleepy® Original dýnurnar eru til í öllum helstu stærðum á lager hjá okkur á Íslandi og það er enginn vandi að græja séróskir.“

Þau treysta öll Sleepy® fyrir mikilvægum svefni sínum.

Góðar viðtökur

Pétur seldi fyrstu Sleepy® Original dýnuna í janúar 2021 og eftir nokkrar seldar dýnur fór boltinn að rúlla. „Við erum ung á markaðnum og búum ekki yfir jafnmiklu auglýsingafjármagni og margir keppinauta okkar. Við höfum því fyrst og fremst treyst á að gæði vörunnar berist orð af orði. Það hefur í raun verið lyginni líkast hversu vel okkur hefur verið tekið af íslensku neytendum enda hefur salan gengið gríðarlega vel síðan við hófum sölu og erum við virkilega þakklát fyrir þessar hlýju móttökur.

Sleepy vörurnar hafa verið vinsælar á landsbyggðinni enda kunna landsbyggðarbúar vel að meta að við sendum Sleepy dýnuna heim að dyrum fólki að kostnaðarlausu, hvar sem er á landinu.“

Langur prófunartími

Hægt er að koma við í sýningarrýminu í verslun Vest að Ármúla 17 og prófa Sleepy® Original dýnuna. „Við gerum okkur grein fyrir að það getur verið ósanngjarnt að ætlast til að fólk taki svo stóra fjárhagslega ákvörðun á stuttum tíma og því bjóðum við upp á 120 nátta prófun án skuldbindingar fyrir alla kaupendur. Það þýðir að ef þú kaupir dýnu frá okkur, hefur þú tæpa fjóra mánuði til að prófa dýnuna og sofa á henni, áður en þú ákveður að halda henni eða skila gegn fullri endurgreiðslu. Ef þú ákveður að skila dýnunni spyrjum við eingöngu hvað hefði mátt vera betra. Við höfum gríðarlega trú á þessari vöru enda hefur það sýnt sig að afar fáir hafa skilað dýnunni.“

Pétur Pétursson er umboðsaðili fyrir Sleepy® á Íslandi og segir viðtökurnar hafa verið ótrúlega góðar. Mynd/aðsend

Hitastillandi koddar fyrir alla aldurshópa

„Við seljum einnig Original kodda og svo Hybrid frá Sleepy. Original koddarnir hafa verið vinsælir hjá okkur enda anda þeir vel. Koddinn inniheldur bakteríudrepandi og rakastjórnandi bambuskol og áklæðið sem umlykur koddann inniheldur ICE trefjar sem veita sérstaka kælitilfinningu.

Sleepy® Hybrid koddarnir byggja hins vegar á einstöku hátækniefni frá NASA sem kallast Outlast. Efnið er hitastillandi sem þýðir að líkamshiti notanda fer aldrei yfir 37°C. Koddinn skiptist í innri og ytri kodda. Sá innri inniheldur sérstakar svamprúllur sem hægt er að fjarlægja eftir þörfum. Þannig stillir þú þykktina á koddanum. Ytra lagið byggir svo á Outlast hitastillingartækninni.“

Sleepy® fæst í verslun Vest að Ármúla 17. Nánari upplýsingar má nálgast á vest.is.