Rósa Björg segist hafa greinst með illvígan sjúkdóm árið 2009. „Ég greindist með krabbamein í ristli, endaþarmi og leghálsi. Í framhaldinu fór ég í erfiðar lyfjameðferðir og er með stóma í kjölfarið. Veikindaferlið tók á og ég hef verið upptekin við að reyna að finna leiðir til að láta mér líða betur. Áður en ég veiktist var ég mikil útivistarkona og hreyfði mig mikið. Var að kenna leikfimi og jóga. Ég þurfti að endurheimta bæði þrek og orku ásamt því að minnka þann skaða sem ég varð fyrir í lyfja- og geislameðferðum auk skurðaðgerða,“ upplýsir Rósa Björg en hún prófaði sig áfram með alls kyns fæðubótarefni sem virkuðu misvel. Rósa Björg er bæði íþróttakennari og heilsunuddari að mennt.

Áhrifin á meltinguna komu á óvart

„Mér hafði verið bent á alls kyns lausnir í gegnum tíðina en haustið 2018 las ég mér til um áhrif kollagens. Mig langaði að prófa og keypti mér dós af Feel Iceland kollageni. Það varð ekki aftur snúið. Þetta kollagen var komið til að vera í mínu lífi. Ég fann strax gríðarlegan mun á nöglum og hári en líka bætti kollagenið meltinguna mjög mikið sem kom mér á óvart. Ég vissi ekki að kollagenið gæti haft svona góð áhrif á meltinguna. Eftir að hafa tekið kollagen í tvo mánuði var ég farin að finna mikla breytingu á líðan minni og lífsgæði mín jukust umtalsvert. Þegar ég fór á fætur á morgnana var ég verkjuð og stíf í líkamanum. Það breyttist fljótt eftir að ég fór að taka inn kollagen. Ég geng mikið á hverjum degi og var oft með verki eftir göngutúrana en þeir hafa minnkað,“ útskýrir Rósa Björg.

Þeir eru vígalegir hundarnir hennar Rósu og það er eins gott að vera í góðu formi þegar maður fer út með þá.

Mælir með Feel Iceland kollageni fyrir alla

Hreyfingin er mikilvæg fyrir Rósu Björgu. Hún segir að líf sitt hafi farið á pásu í langan tíma á meðan veikindaferlið stóð yfir en síðan hófst uppbygging á líkamlegri getu sem hefur gengið mjög vel því Rósa er farin að hlaupa og stefnir á langt hlaup á þessu ári þótt hún sé orðin 53 ára. Þá er hún einnig með þrjá sleðahunda og þeir þurfa góða hreyfingu á hverjum degi.

Þegar Rósa Björg er spurð hvernig hún taki kollagenduftið frá Feel Iceland, svarar hún: „Ég er nú bara heiðarleg með kollagenið og er ekkert að flækja málin. Set það í vatnsbrúsann minn á morgnana með vatni, hristi og drekk. Ég byrja alla daga á þessu, set tvær skeiðar af kollageni í brúsann. Þessi aðferð hentar mér mjög vel því ég nenni engu veseni á morgnana þótt ég sé morgunkona. Einstöku sinnum geri ég skál í hádeginu með grískri jógúrt, kollageni, chiafræjum, haframjöli og berjum. Ég tek kollagenið einu sinni á dag og það hefur gert mikið fyrir mig. Ég get mælt með þessu fyrir alla, bæði konur og karla. Ég myndi segja að karlar hefðu mikla þörf fyrir þetta því þeir eru oft stirðari en konur. Kollagenið hefur góð áhrif á liðleika og er því mjög gott fyrir allt íþróttafólk eftir stífar og erfiðar æfingar.“

Rósa Björg segir að það skipti hana miklu máli að velja íslenskt fæðubótarefni. „Ég vil vita um uppruna efnisins og hvaðan það kemur. Það er gríðarlegt magn af kollageni á markaðnum en ég valdi Feel Iceland af því að ég veit hvaðan það kemur.“

Í góðu formi þrátt fyrir veikindi

Alla tíð hefur Rósa Björg verið meðvituð um hreyfingu, útivist og gott mataræði. Hún kenndi leikfimi í Hreyfingu og í skólum auk þess sem hún var fótboltaþjálfari. „Ég fór að stunda hlaup árið 2018 þegar ég kynntist stórkostlegum hlaupahóp sem kallast Náttúruhlaup. Þar hlaupum við öll eftir okkar getu en í þessum hópi öðlaðist ég þá trú að geta gert allt á mínum forsendum. Til mikillar gleði fyrir mig þá tók ég þátt í mínu fyrsta Últrahlaupi síðastliðið sumar sem var 53 km. Í þessu hlaupi skiptir miklu máli að vera vel undirbúinn, vel nærður og hafa hausinn í lagi. Ég tel mig vera í eins góðu formi og best verður á kosið miðað við hvað hefur gengið á í mínu lífi. Ég hef ekki heldur leyft mér að gefast upp. Markmið mitt er að hafa trú á sjálfri mér. Það er mjög mikilvægt að sjá alltaf það jákvæða í lífinu og stundum þakka ég fyrir að hafa veikst því það veitti mér nýja sýn á lífið. Ég er full þakklætis fyrir að vera á lífi en það eru forréttindi,“ segir Rósa Björg sem hugsar einnig mikið út í mataræði.

„Ég borða lítið af kjöti en meira af grænmeti. Ég hugsa mikið um hvað það sé sem nærir góðu frumurnar í líkamanum og ég legg áherslu á að skera burt sykur og önnur efni sem ég veit að næra krabbameinsfrumur. Ég undirbý oft vikuna á sunnudögum með því að skera niður alls konar grænmeti, gulrætur, paprikur, rauðrófur, gúrkur og set í box. Við hjónin erum sammála í þessu og hann fylgir mér í einu og öllu.“

Rósa Björg veiktist alvarlega af krabbameini árið 2009. Í dag gengur hún daglega og hleypur. Hún tekur Feel Iceland kollagen og segir að það hjálpi sér mikið, sérstaklega með liði, meltingu, húð, hár og neglur. FRÉTTABLAÐIÐ/ERNIR

En hvað kom til að þau fengu sér sleðahunda?

„Fyrsti hvolpurinn kom til okkar í veikindum mínum sumarið 2010. Þá var ég mikið veik en hvolpurinn kom eins og guðsgjöf í fangið á mér. Ég segi stundum að hann hafi verið minn persónulegi einkaþjálfari því þegar allir fóru í skóla og vinnu urðum við tvö eftir. Ég hafði dásamlegan félagsskap. Síðan eignuðumst við hvolpa frá þeim fyrsta. Okkur finnst hvorki krefjandi né erfitt að vera með sleðahunda enda eru þeir afskaplega ljúfir, góðir félagar og elska til dæmis börn. Þeir þurfa bara sína hreyfingu og athygli,“ segir Rósa Björg og gefur hér uppskrift að uppáhalds hádegismatnum.

Uppáhalds hádegismatur

Grísk jógúrt

2 msk. Feel Iceland kollagen

Smávegis rauðrófusafi

Allt hrært saman.

Epli, niðurskorið

Banani, skorinn í sneiðar

Chiafræ

Allt sett ofan á jógúrtina og þetta er veisla.

„Ég get mælt heils hugar með Feel Iceland kollageni. Ég finn að ég er með miklu betri húð, hár og neglur auk betri meltingar og er að mestu laus við taugaverki.

Það skiptir miklu máli þegar maður stundar mikla hreyfingu að líkaminn fái öll þau efni sem hann þarfnast. Kollagenið gerir mér kleift að halda áfram á sömu braut.

Ég tek líka Joint rewind töflur frá sama fyrirtæki. Þær eru mjög góðar fyrir liðina,“ segir hún.

Rósa Björg ætlar að halda hlaupum og göngum áfram og stefnir á 106 km hlaup í júlí á þessu ári. „Hundarnir fara með mér í öll æfingahlaup og einnig tengdasonur minn. Það er mjög gott að hafa góða hlaupafélaga.“

Nánar á feeliceland.com