Magic Mike fer aftur á svið

Lánið hefur ekki leikið við „Magic“ Mike Lane. Viðskiptaævintýri fór illa og nú er hann blankur afleysingabarþjónn í Flórída.

Hann lætur til leiðast, þegar rík yfirstéttarkona og þokkadís lokkar hann og býður honum gull og græna skóga, og fer með henni til London í dansverkefni sem á að verða það síðasta á þeim ferli hans. Þokkadísin hefur hins vegar sín eigin áform sem Mike veit ekkert um.

Allt er undir og þegar Mike kemst loks að því hvað hún hefur raunverulega í huga vaknar spurningin: Tekst honum – og dönsurunum sem hann þarf að koma í æfingu – að framkvæma það sem þau verða að framkvæma?

Fyrri myndin um „Magic“ Mike, sem var frumsýnd 2012, var mikilvægt stökkbretti fyrir Channing Tatum, sem leikur söguhetjuna, og sýndi að honum var fleira til lista lagt en að vera bara sætur strákur fyrir myndavélina.

Teymið á bak við Magic Mike’s Last Dance er hið sama og stóð að baki fyrri myndinni, sem fékk mikið lof. Channing Tatum er hér aftur kominn í titilhlutverkið. Salma Hayek leikur þokkadísina ríku sem lokkar hann til London.

Þessi mynd er fyrir augað og ímyndunaraflið og glæsilegir leikararnir gefa því svo sannarlega undir fótinn. Þeir sem nutu fyrri myndarinnar verða sannarlega ekki sviknir af þessari.