Lyngonia er notað til að meðhöndla vægar endurteknar þvagfærasýkingar hjá konum og fæst án lyfseðils í apótekum. Jurtalyfið er mikilvægur valkostur í baráttunni við sýklalyfjaónæmi enda ekkert annað í boði á Íslandi sem er viðurkennt til að meðhöndla þvagfærasýkingar sem ekki er sýklalyf. Ólíkt hefðbundnum lyfjum innihalda jurtalyf eins og Lyngonia blöndu virkra efna sem eru unnin beint úr plöntum. Þetta eru flókin efnasamböndum sem gerir bakteríum erfitt fyrir að mynda ónæmi gegn þeim.

Alþjóðaheilbrigðismálastofnunin hefur lýst yfir að vaxandi sýklalyfjaónæmi í heiminum sé ein stærsta ógn við heilbrigði sem mannkynið stendur frammi fyrir. Nauðsynlegt er að draga úr óþarfa notkun sýklalyfja eins og hægt er, til dæmis með því að meðhöndla vægar sýkingar áður en þær komast á það stig að sýklalyfja gerist þörf.

„Okkur er mjög umhugað um þetta málefni og teljum nauðsynlegt að vekja meiri athygli á því. Til að geta dregið úr notkun sýklalyfja þurfa aðrar öruggar leiðir að vera í boði og Lyngonia er því mikilvægur valkostur,“ segir Sandra Mjöll Jónsdóttir, doktor í líf- og læknavísindum. „Þvagfærasýkingar eru mjög algengar hjá konum og margar fá slíkar sýkingar endurtekið. Þetta veldur því að hluti kvenna þarf ítrekað að taka sýklalyf. Það er ekki gott og eykur verulega líkur á því að sýklalyfjaónæmi þróist. Þá hætta lyfin að virka,“ heldur Sandra áfram.

Einstök lausn án sýklalyfja

Lyngonia er jurtalyf sem unnið er úr stöðluðum útdrætti úr sortulyngi. „Lyngonia inniheldur efnið arbútín sem er skilið út í þvagi í háum styrk og virkar staðbundið á sýkingar í þvagrásinni. Lyngonia hefur því ekki áhrif á bakteríuflóruna í meltingarvegi eins og er algengt með hefðbundin sýklalyf,“ segir Sandra.

Lyngonia er ætlað konum sem fá endurteknar þvagfærasýkingar þegar búið að útiloka alvarlega kvilla af lækni. Lyfið vinnur gegn sýkingunni og einkennum hennar, t.d. sviða við þvaglát og ítrekaðri þvaglátsþörf. Lyfið fæst án lyfseðils í öllum apótekum og best er að byrja að taka það um leið og einkenna verður vart. „Lyngonia er virk meðferð við þvagfærasýkingu og á ekki að taka sem fyrirbyggjandi meðferð. Þetta er frábær kostur fyrir þær konur sem eru endurtekið með slíkar sýkingar og þær geta jafnvel komist hjá notkun sýklalyfja ef Lyngonia er notað rétt,“ segir Sandra að lokum.

Gagnlegar upplýsingar

Lyngonia fæst án lyfseðils í öllum apótekum. Lyngonia er skráð sem jurtalyf sem hefð er fyrir og ætlað konum eldri en 18 ára. Nota skal 2 töflur 2-4 sinnum á dag og ekki skal nota lyfið lengur en í eina viku. Ef einkenni eru viðvarandi í meira en fjóra daga eða versna við notkun skal hafa samband við lækni. Ekki á að nota Lyngonia ef truflun er á nýrnastarfsemi. Lesið vandlega upplýsingar á umbúðum og fylgiseðli fyrir notkun lyfsins. Leitið til læknis eða lyfjafræðings sé þörf á frekari upplýsingum um áhættu og aukaverkanir.

Sjá nánari upplýsingar um lyfið á www.serlyfjaskra.is.