Listsköpun hefur alla tíð verið mikilvægur þáttur í starfsemi Sólheima. Listasmiðjurnar eru fimm og er starfsemin leidd af Karen Ósk Sigurðardóttur, ásamt fagstjórum. Áhersla er lögð á notkun náttúrulegs hráefnis, endurnýtingu og endurvinnslu í listsköpuninni, en allar listasmiðjur Sólheima hafa þetta leiðarljós, um leið og þær bjóða íbúum Sólheima fjölbreytt störf, þar sem skapaðir eru fallegir og handgerðir listmunir og handverk. Margir listamenn Sólheima hafa getið sér gott orð og má þar nefna karlana hans Einars Baldurssonar, sem unnir eru eftir teikningum listamannsins, Erlu Björk Sigmundsdóttur, en útsaumsverk hennar njóta sérstakrar athygli og hrifningar, að ógleymdum doppóttu rjúpunum hans Kristjáns Atla Sævarssonar, sem hafa heldur betur slegið í gegn. Sérstök yfirlitssýning á verkum íbúa Sólheima er haldin ár hvert og er hún liður í Menningarveislu Sólheima.

Vefstofan býður upp á ýmis fjölbreytt störf. Á vefstofunni eru fjórir stórir vefstólar og hafa þeir helst verið nýttir til að vefa gólfmottur, borðdúka, efni í töskur og ullarábreiður. Fagstjóri vefstofu er Erna Jónsdóttir.
Aðstaðan er vel nýtt í sérverkefni félagsþjónustu með íbúum, og tilfallandi viðgerðum á trémunum og öðru. Sigurjón Jónsson er fagstjóri.
Verkefnin í leirgerð eru fjölbreytt; listaverk og nytjahlutir í bland. Sköpunargleðin hefur fengið lausan tauminn og starfsmenn hafa verið hvattir til að koma með nýjar hugmyndir að verkefnum.
Listaverk verður til í listasmiðjunni og vandað til verka með mikilli athygli. Ólafur Már Guðmundsson er fagstjóri.
Prjónað og saumað á fullum krafti.
Þeir eru fallegir munirnir sem verða til á Sólheimum.
Grænmetið er fallegt sem kemur frá Sólheimum.
Umhverfið ber hugvitinu gott vitni.
Falleg listaverk eftir heimamenn á Sólheimum til sölu.
Unnið af miklu listfengi í listasmiðjunni.
Eitt af mörgum fallegum verkum á Sólheimum.
Eitt af mörgum fallegum verkum á Sólheimum.