Lemon býður upp á ferskan og safaríkan mat matreiddan á staðnum úr besta mögulega hráefni hverju sinni. Það er mantran okkar hjá Lemon og við víkjum aldrei frá henni“, segir Unnur Guðríður Indriðadóttir, einn af eigendum Lemon.

„Lemon er staðurinn fyrir þá sem eru að huga að heilsunni og vilja holla og góða næringu sem fær bragðlaukana til að dansa. Samlokurnar og djúsarnir hafa verið okkar aðalsmerki en það er einnig hægt að fá vefjur, salöt, hafragraut, orkuskot og kaffi hjá okkur.“

Lemon skipti út plastglösum, lokum, rörum og hnífapörum fyrir efnið PLA sem brotnar niður í náttúrunni.

Lemon hendir plastinu

„Við höfum skipt út plastglösum, lokum, rörum og hnífapörum fyrir umhverfisvæna efnið PLA (polyactic acid) sem brotnar niður í náttúrunni. Það efni er úr maíssterkju og er alveg eins og plast í útliti. Glösin hjá okkur mega því fara með lífrænum úrgangi og brotna niður í náttúrunni,“ segir Unnur Guðríður. Plastleysið er hluti af nýjum áherslum Lemon en nýlega urðu breytingar á eigendahóp staðanna en eigendur Lemon í dag eru þær Unnur Guðríður viðskiptafræðingur og Jóhanna Soffía Birgisdóttir.

Á Lemon er vinsælt að fá sér samloku og djús, svokallað kombó. Það vinsælasta er Spicy chicken og Nice guy

Vinsælasta kombóið

„Á Lemon er vinsælt að fá sér samloku og djús, svokallað kombó. Vinsælasta kombóið frá opnun Lemon er Spicy chicken og Nice guy. Það er eitthvað við sterka bragðið af kjúklingnum í bland við sæta jarðarberjarbragðið af djúsnum sem gerir þetta kombó að neglu,“ segir Jóhanna.

Safarnir eru litríkir og ferskir og ávallt nýkreistir .

Six pack safar fyrir djúsdaginn

„Six pack safarnir eru sívinsælir, bragðgóðir, ferskir og hollir,“ segir Jóhanna. Fólk pantar hjá okkur með því að senda tölvupóst á [email protected] og pakkarnir afhendast eftir klukkan 11.00 daginn eftir á þeim Lemonstað sem hentar best.

„Fólk fær sex frábæra ávaxta- og grænmetisdjúsa sem gera djúsdaginn miklu auðveldari og skemmtilegri,“ segir Jóhanna. „Það er hollt að taka djúsdag einstöku sinnum til að ná jafnvægi á líkamann. Safarnir eru litríkir og ferskir og ávallt nýkreistir úr fyrsta flokks hráefni. Það er gott að byrja daginn sem á að djúsa á glasi af volgu vatni með sítrónu.“

Lemon rekur þrjá staði á höfuðborgarsvæðinu, þrjá á Norðurlandi og einn í París.

Salöt fyrir ketómataræðið

„Hjá okkur á Lemon er hægt að breyta öllum samlokunum í salat eða vefju. Salat hentar vel fyrir þá sem eru með glútenóþol og líka fyrir þá sem eru á ketómataræðinu en ketó nýtur mikilla vinsælda og henta salötin okkar þeim hópi mjög vel,“ segir Unnur Guðríður, sem sjálf hefur verið á ketómataræðinu í nokkurn tíma.

Veisluþjónusta Lemon er sívinsæl

„Veislubakkarnir frá okkur hafa slegið í gegn og við finnum fyrir mikilli aukningu þar. Veislubakkarnir henta vel fyrir stór og smá fyrirtæki og fyrir hvaða tilefni sem er, s.s. afmæli, fundi, veislur, partí og brúðkaup. Fólk velur annaðhvort sínar uppáhaldssamlokur eða lætur okkur sjá um að velja þær vinsælustu á bakkana,“ segir Jóhanna Soffía. „Nú fara jólasamlokurnar líka að detta inn og það hefur alltaf verið vinsælt að panta jólaveislubakka. Einnig hafa skotin okkar verið vinsæl hjá fyrirtækjum sem hafa verið að bjóða starfsfólkinu sínu upp á engiferskot á morgnana. Fyrirtæki panta aftur og aftur og það segir okkur að fólk er ánægt með vörurnar okkar og þjónustu. Það er auðvelt að panta með því að senda tölvupóst á [email protected] og við svörum um hæl. Ef pantað er fyrir 10 manns eða fleiri á virkum dögum er frí heimsendingarþjónusta.“

Hjá Lemon starfa nú 80 manns á sjö stöðum.

Starfsfólkið er okkar lífæð

Jóhanna Soffía segir 80 manns starfa nú á Lemonstöðunum enda séu staðirnir orðnir sjö talsins. Þrír staðir eru á höfuðborgarsvæðinu, á Suðurlandsbraut 4, Hjallahrauni 13 í Hafnarfirði og í Salalauginni í Kópavogi. „Staðurinn í Salalaug er sá nýjasti hér á höfuðborgarsvæðinu og hafa sundlaugargestir tekið vel í þessa nýbreytni en þess má geta að Lemon er eini matsölustaðurinn sem er með rekstur í afgreiðslusal sundlaugar hér á landi. Það er vinsælt í Kópavoginum í dag að skella sér í sund og fá sér svo sólskin í glasi og sælkerasamloku á eftir,“ segir Jóhanna.

Þá eru starfræktir þrír staðir á Norðurlandi, einn á Ráðhústorgi á Akureyri, annar í Glerárgötu 32 sem Jóhann Stefánsson og Katrín Ósk Ómarsdóttir reka. Þriðji staðurinn er á Héðinsbraut 6 á Húsavík, sem Birkir Stefánsson og Anný Rós Guðmundsdóttir reka. Þá er einn Lemonstaður starfræktur erlendis sem Eva Ýr Gunnarsdóttir rekur og er hann í fallegu borginni París í hverfi 2, á 43 Rue des Petits Carreaux.

„Við höfum verið einstaklega heppin með starfsfólk og hefur margt af okkar fólki starfað lengi hjá fyrirtækinu. Starfsfólkið er okkar lífæð og án þess værum við ekki á þeim frábæra stað sem við erum á í dag,“ segir Unnur Guðríður glaðlega.