Við elskum að dekra við konur og finna handa þeim réttu klæðin við öll lífsins tilefni og árstíðir,“ segir Guðrún Axelsdóttir, eigandi Bernharðs Laxdal í Skipholti.

Kápur og sparikjólar hafa verið sérgrein Bernharðs Laxdal í 80 ár og þar svigna nú fataslár og búðarborð undan dýrindis sparifatnaði, fallegum kápum sem gera allar konur glæsilegar og flottum úlpum sem klæða konur vel og umvefja þær hlýju í vetrarhörkunum.

„Við erum með gríðarlega mikið úrval af kvenfatnaði og í hverri viku koma nýjar vörur. Því er úr miklu og freistandi úrvali að velja,“ segir Guðrún í glæsilegri verslun Bernharðs Laxdal þar sem tekið er af alúð og natni á móti viðskiptavinum og þaðan fara allar konur sælar heim.

Bernharð Laxdal styður í hvívetna ábyrga framleiðsluhætti. FRÉTTABLAÐIÐ/ERNIR

Fornfræg kvenfataverslun

Hjá Bernharð Laxdal fást heimsþekkt og eftirsótt vörumerki. Þar á meðal Gerry Weber, Taifun, Samoon, Betty Barclay, Vera Mont og fleiri og fleiri.

„Bernharð Laxdal er fornfræg kápuverslun og hefur glatt konur í áratugi með glæsilegu úrvali af kápum og alls kyns dúnkápum og dúnúlpum,“ segir Guðrún.

„Öll vörumerki í Bernharð Laxdal styðja ábyrga framleiðslu. Þar má nefna hágæða, ítalskar ullarkápur frá Cinzia Rocca sem eru algjör klassík, ásamt fleiri frábærum merkjum sem samanstanda af einstakri hönnun og gæðum. Þá erum við með glæsilegt úrval skinnkraga og skinntrefla sem prýða hverja konu í svölum haustvindum og vetrarríkinu,“ upplýsir Guðrún sem býður viðskiptavinum upp á síðdegisfjör í versluninni í dag klukkan 16 til 18.

„Við ætlum að njóta léttra veitinga, horfa á glæsilega tískusýningu og bjóða upp á dásamlegan klæðnað og fylgihluti á tilboði, eins og dýrindis kápur og úlpur frá Gerry Weber, Taifun og Betty Barclay sem bjóðast á 20 prósenta afslætti fram á laugardag.“

Bernharð Laxdal er í Skipholti 29b. Sími 551 4422. Skoðið úrvalið á laxdal.is.

Verslun Bernharðs Laxdal er í glæsilegu húsnæði að Skipholti 29b.
Fínn blazer-jakki er sígild flík og passar við öll tækifæri.
Sumir af fegurstu kjólum landsins fást einmitt í Laxdal.
Dömuleg buxnadragt í rauðum lit er íðilfögur í vetur.
Aðlaðandi er konan ánægð og það er hún svo sannarlega komin í fallegan kjól frá Bernharð Laxdal.
Rósbleikur síðkjóll er rómantískur á síðkvöldum vetrar.
Þær Anna, Hjördís, Lilja og Guðbjörg taka af alúð á móti viðskiptavinum í Bernharð Laxdal. FRÉTTABLAÐIÐ/ERNIR