Fjöldi rannsókna sýnir að innihaldsefni djöflaklóar lina verki í liðum, baki og vöðvum ásamt því að draga úr stirðleika t.d. í baki, mjöðmum, öxlum, hálsi og fingrum. Jurtalyf sem innihalda djöflakló hafa lengi verið notuð víða í Evrópu með góðum árangri og slíkt jurtalyf er nú loksins líka í boði á Íslandi,“ segir Ólöf Þórhallsdóttir, lyfjafræðingur hjá Florealis.

Jurtalyfið Harpatinum inniheldur djöflakló (devil’s claw) og þar af leiðandi efnið harpagósíð sem dregur úr bólgum og verkjum í liðum. Harpatinum er viðurkennt jurtalyf frá íslenska lyfjafyrirtækinu Florealis og fæst í apótekum. Jurtin djöflakló er meðal vinsælustu jurtalyfja í Evrópu við gigtar- og liðverkjum.

„Harpatinum hentar vel fyrir þá sem eru með langvinna verki í liðum vegna slits eða vægrar gigtar. Það er mikilvægt fyrir þá sem fást við langvinna verki að geta haldið sér á hreyfingu því hreyfing er ein besta leiðin til að draga úr gigtarverkjum. Það getur þó verið erfitt þegar verkir eru slæmir og þannig myndast vítahringur sem er erfitt að vinna sig út úr,“ segir Ólöf.

Ólöf segir að Harpatinum geti bætt lífsgæði fólks sem finni til í liðum og stuðli að aukinni hreyfigetu. „Það er eðlilegt að eldast og slitna. Flestir vilja samt geta haldið sínu striki þrátt fyrir verki í liðum og stundað sína vinnu og áhugamál hvort sem það er að fara í gönguferðir, spila golf eða prjóna. Rannsóknir hafa sýnt að samfelld notkun jurtalyfsins dregur úr bólgum í liðum og verkjum. Auk þess minnkar vöðvastífni og stirðleiki þannig að fólk á auðveldara með að hreyfa sig og finnur ekki eins mikið til. Þetta skapar góðan grundvöll til að ná stjórn á verkjunum, halda áfram hreyfingu eða ná sér aftur á strik.“

,,Harpatinum er einnig notað til að meðhöndla vægar meltingartruflanir. Það er kostur fyrir marga en Harpatinum þolist almennt mjög vel og má taka með öðrum bólgueyðandi verkjalyfjum ef á þarf að halda,“ segir Ólöf.

Að lokum leggur Ólöf áherslu á að jurtalyfið er framleitt samkvæmt ströngum gæðakröfum og er samþykkt af Lyfjastofnun. Jurtir leika veigamikið hlutverk í sögu lyfjafræðinnar og fólk hefur nýtt margar þeirra til lækninga frá örófi alda. Sumar af þessum jurtum eru enn í notkun og nú gilda strangar reglur um skráningu á jurtalyfjum í Evrópu.

Gagnlegar upplýsingar

Harpatinum fæst án lyfseðils í flestum apótekum. Notkun er 2 hylki tvisvar á dag. Lyfið er ekki ráðlagt börnum undir 18 ára, þunguðum konum eða konum með barn á brjósti. Ekki nota lyfið ef um ofnæmi fyrir jarðhnetum eða soja er að ræða. Lesið vandlega upplýsingar á umbúðum og í fylgiseðli fyrir notkun.

Leitið læknis eða lyfjafræðings sé þörf á frekari upplýsingum um áhættur og aukaverkanir. Sjá nánari upplýsingar um lyfið á www.serlyfjaskra.is