Hannesína Scheving, bráðahjúkrunarfræðingur og framhaldsskólakennari í Verkmenntaskólanum á Akureyri (VMA), ber sjaldgæft nafn ömmu sinnar heitinnar.

„Ég fer nú ekki huldu höfði með þetta nafn og þegar ég sagði sjö ára stúlku að ég héti Hannesína á dögunum, sagði sú litla: „Það heitir enginn svoleiðis,“ og hló. Ég leið fyrir nafnið á æskuárunum í Keflavík og vildi því alltaf vera kölluð Hanna, en þegar ég flutti norður ákvað ég að kynna mig alltaf sem Hannesínu og er alltaf kölluð Hannesína í dag. Ég ber því með stolti nafn góðrar og flottrar konu.“

Hannesína var komin á fertugsaldurinn þegar hún skráði sig til náms í hjúkrunarfræði en hún útskrifaðist sem hjúkrunarfræðingur orðin 38 ára.

„Þegar við hjónin fluttum frá Keflavík til Akureyrar árið 2000 skráðum við okkur bæði til náms. Við keyptum okkur litla íbúð og ákváðum að fjölskyldan byggi þröngt á meðan á náminu stæði, sem gekk vel. Hann lærði vélstjórn og ég hjúkrun en þegar maður hefur háskólanám á fullorðinsaldri verður svo óskaplega gaman að læra og því ákvað ég eftir útskrift að bæta við mig bráðahjúkrun og þar á eftir framhaldsskólakennararéttindum,“ greinir Hannesína frá, en hún kennir einnig skyndihjálp.

Hannesína nýtur þess að starfa við hjúkrun og segir mikilvægt að bera ábyrgð á eigin heilsu. FRÉTTABLAÐIÐ/AUÐUNN

Daglegir göngutúrar og jóga

Frá árinu 2012 hefur Hannesína kennt nemendum á sjúkraliðabraut VMA, þar sem hún er einnig skólahjúkrunarfræðingur, og hún kennir einnig félagsliðum hjá Símenntunarstöð Eyjafjarðar.

„Það hefur alltaf blundað í mér að hjálpa fólki og ég hef oft sagt að ég gæfi hjartað í mér ef ég gæti,“ segir Hannesína og brosir.

Hún hefur einnig um árabil unnið sem bráðahjúkrunarfræðingur á bráðamóttöku Sjúkrahússins á Akureyri en ákvað í haust að söðla um og færa sig yfir á geðdeildina.

„Mig langaði að breyta aðeins til. Ég veit að samskipti eru mín sterka hlið og ákvað að fara á geðdeildina sem ég veit að verður góður skóli. Ég er alsæl á geðdeildinni þótt ég elski líka að starfa í asa bráðamóttökunnar. Spítalinn er lifandi staður og ávallt mikill erill en ég vil hafa nóg fyrir stafni. Maður þarf bara að vera skipulagður og hugsa vel um sjálfan sig,“ segir Hannesína.

Hún hefur alla tíð stundað hreyfingu af kappi.

„Í dag labba ég sjö kílómetra hvern einasta dag og stunda jóga jafnhliða því. Ég fer í göngutúr með tónlist í eyrunum og kem alltaf glöð til baka. Við eigum bara þennan eina kropp og með aldrinum verður maður meðvitaðri um að hugsa vel um líkamann svo hann endist manni vel. Við vitum öll hvað þarf til, til að öðlast betri heilsu; það er hreyfing, nægur svefn og hollt mataræði. Fólk þarf bara að hafa trú á sjálfu sér og þeim breytingum sem það getur gert til bættrar heilsu. Við getum allt ef við bara viljum.“

Hannesína hrærir Feel Iceland kollgeni bæði út í kalt vatn sem morgun­sopann sinn en líka út í gríska jógúrt með heimagerðu múslí, eplum og kanil. FRÉTTABLAÐIÐ/AUÐUNN

Hefur tröllatrú á kollageninu

Hannesína hefur nú í tæpt ár tekið inn kollagen frá Feel Iceland.

„Ég hef alltaf verið í og með á móti fæðubótarefnum og fæ mín bætiefni í gegnum hollan og góðan mat. Þegar ég sá hvað Telma Ásdísardóttir leit vel út eftir að hafa grennst mikið ákvað ég að hafa samband við hana til að vita hvað hún gerði til að viðhalda húðinni svo góðri, því oft verður húð þeirra sem grennast hratt tekin. Telma sagði það vera Feel Iceland kollagen og ég ákvað að slá til og prófa. Fljótt sá ég mikinn mun á hárinu mínu sem þykknaði til muna og nöglunum sem vaxa eins og arfi í grasi. Hárgreiðslukonan mín sagði: „Vá, hvað hárið á þér er gott!“ og í raun hef ég ekki undan að fara í klippingu til hennar,“ segir Hannesína.

Hún hefur tröllatrú á kollageninu frá Feel Iceland.

„Ég hef tvívegis verið greind með vefjagigt en ég næ að fussa á hana ef ég hreyfi mig og tek inn Feel Iceland-kollagenið. Í tvær vikur átti ég það ekki til og fann þá að ég varð verri í liðunum en ella. Kollagenið virkar því vel og ég mæli svo sannarlega með því fyrir betri liðheilsu, sterkara hár og neglur, og unglegri húð,“ segir Hannesína sem hrærir kollagenið út í kalt vatn að morgni eða gríska jógúrt með heimagerðu múslí, eplum og kanil.

„Þetta er morgunsopinn minn og ég tek tvær skeiðar á dag. Kollagenið gerir kraftaverk fyrir mig og ég er glöð yfir að geta tekið inn náttúruleg fæðubótarefni í stað sterkra gigtarlyfja.“

Feel Iceland vörurnar fást meðal annars á eftirtöldum stöðum: Lyfju, Heilsuhúsinu, Lyfjum og heilsu, Hagkaupi, Fjarðarkaupum, Apótekaranum, Fríhöfninni, Jurtaapótekinu, Krónunni og Nettó.

Sjá nánar á feel­iceland.com

Svona lítur kollagen-dunkurinn út frá Feel Iceland, sá sem Hannesína mælir með fyrir betri liðheilsu, hár, húð og neglur.