Hjarta okkar hefur ýmsum afar mikilvægum hlutverkum að gegna, meðal annars viðheldur hjartað hringrás blóðsins og flutningi súrefnis og næringar um líkamann. Á hverri einustu mínútu dælir hjartað um fimm lítrum af blóði um líkama okkar og má því segja að góð hjartaheilsa sé gríðarlega mikilvæg. Vert er að huga að því að hjartaheilsa og kólesterólgildi líkamans haldast í hendur.

Allar frumur líkamans þurfa á kólesteróli að halda fyrir eðlilega starfsemi líkamans en það er meðal annars mikilvægt til myndunar frumna og hormóna.

Hvað er kólesteról?

Kólesteról er ein tegund blóðfitu sem gegnir mikilvægu hlutverki í líkamanum. Allar frumur líkamans þurfa á kólesteróli að halda fyrir eðlilega starfsemi líkamans en það er meðal annars mikilvægt til myndunar frumna og hormóna. Ásamt því þarf líkaminn kólesteról við framleiðslu ýmissa hormóna, svo sem testósteróns og estrógens. Kólesteróli má skipta í heildarkólesteról, HDL-kólesteról, LDL-kólesteról og þríglýseríð. HDL-kólesteról er oft kallað „góða kólesterólið“ en það er okkur nauðsynlegt og hjálpar á ýmsan hátt við að fyrirbyggja hina ýmsu kvilla. LDL-kólesteról er hins vegar oft kallað „slæma kólesterólið“ en það viljum við forðast, það getur síast inn í æðavegginn og hlaðist þar upp og valdið því að æðarnar þrengjast, stífna og missa teygjanleika sinn en það hindrar eðlilegt blóðstreymi um æðarnar og eykur álag á hjartað. Ýmsir þættir geta þó haft áhrif á magn kólesteróls í blóði og er meðal annars mikilvægt að huga að hollu og fjölbreyttu mataræði ásamt reglulegri hreyfingu.

Lipinorm inniheldur öflugar jurtir og vítamín.

Mataræðið skiptir máli

Öll vitum við að mataræði hefur gríðarlega mikið að segja hvað varðar andlega og líkamlega heilsu okkar. Mataræði skiptir hvað mestu máli þegar kemur að vellíðan en mikilvægt er að allir tileinki sér hollt og fjölbreytt mataræði. Hvað varðar kólesterólið í líkama okkar er mataræði sá þáttur sem hefur hvað mest áhrif. Með því að stilla fituneyslu í hóf, velja frekar mjúka fitu en harða og neyta grænmetis, ávaxta og kornmetis er hægt að halda kólesterólgildum í blóði eðlilegum. Að auki geta valin fæðubótarefni haft jákvæð áhrif á kólesterólgildi líkamans.

Lipinorm er háþróað bætiefni á markaði sem inniheldur öflugar jurtir og vítamín. Blandan inniheldur þistilhjörtu sem innihalda virka efnið cynarin sem í þúsundir ára hefur verið þekkt fyrir heilsueflandi eiginleika sína fyrir mannslíkamann. Þistilhjörtu geta stuðlað að því að viðhalda eðlilegu kólesterólgildi í líkamanum. Þessi einstaka bætiefnablanda inniheldur að auki mónakólín K úr rauðum ger-hrísgrjónum (RYR) sem eru dökkrauð grjón og hafa verið þekkt í aldanna raðir fyrir jákvæð áhrif á heilsu okkar. Að auki inniheldur Lipinorm ólífur og þíamín (B1-vítamín) sem meðal annars stuðlar að eðlilegum orkugæfum efnaskiptum, eðlilegri starfsemi taugakerfisins og hjartans. Venjulega hækka kólesterólgildi í líkamanum með aldrinum en Lipinorm hefur það að markmiði að viðhalda eðlilegu kólesterólgildi og er því ekki úr vegi að bæta þessari einstöku vöru inn í daglega rútínu. ■