Óþægindi á ytri kynfærum og í leggöngum koma í flestum tilfellum fram vegna bólgu (e. vulvovaginitis). Bólgan myndast þegar heilbrigðar varnir húðar eða slímhúðar hafa brostið. Slíkt getur til dæmis gerst vegna sýkinga af völdum baktería, sveppa eða veira, jafnvel vegna ertandi- og ofnæmisvaldandi efna.

Bakteríur eru hluti af náttúrulegri flóru legganga og stuðla að heilbrigði þeirra. Þegar ójafnvægi kemst á samsetning bakteríuflórunnar getur sýking komið upp. Ójafnvægi getur skapast þegar breyting verður á sýrustigi í leggöngum og magni kvenhormóna. Það gerist yfir tíðahringinn, á meðgöngu, við brjóstagjöf, við tíðahvörf og við inntöku á hormónum eins og getnaðarvarpillunni. Einnig er þekkt að tíðablóð hafi áhrif á sýrustig og konur finni fyrir kláða og öðrum óþægindum dögunum fyrir blæðingar og í nokkra daga á eftir. Sæði getur líka raskað jafnvægi bakteríuflórunnar og getur þannig valdið óþægindum í leggöngum eftir samfarir. Það sem einkennir bakteríusýkingar er þunnfljótandi og oft illa lyktandi útferð.

Sveppir eru þekkt orsök óþæginda á kynfærum kvenna. Óþægindin eru oftast vegna sveppsins Candida albicans sem er hluti af náttúrulegri flóru legganga og veldur ekki sýkingu nema að magn hans verði óeðlilegt. Inntaka sýklalyfja, meðganga, sykursýki, járnskortur, ónæmisbæling og inntaka hormóna eykur líkur á sveppasýkingu. Það sem einkennir sveppasýkingar er þykk, kekkjótt og lyktarlaus útferð.

Ertandi efni eru einnig orsakavaldur óþæginda á kynfærum og í leggöngum. Notkun ertandi efna hefur aukist og er þau að finna víða, til dæmis í ilmefnum, nærfötum, sápum, dömubindum, túrtöppum, smokkum, sleipiefnum. Rakstur skapahára og aðrar háreyðingaraðferðir eru oft mjög ertandi fyrir húðina og valda óþægindum í kjölfarið. Það sama gildir þegar sápa er notuð á kynfæri en hana ætti að nota sparlega og aldrei upp í leggöng.

Rosonia reddar þessu

Rosonia lækningavörurnar meðhöndla og fyrirbyggja óþægindi á kynfærum kvenna. Þær draga fljótt úr kláða og ertingu og vinna gegn sýkingum, bæði á ytri kynfærum og í leggöngum. Vörurnar eru náttúrulegar, án hormóna og innihalda hvorki ilmefni né parabena.

Rosonia VagiCaps eru lítil mjúk hylki sem sett eru upp í leggöng. Hylkin leysast hratt upp og slá fljótt á kláða og sviða. Þau vinna gegn sýkingum, vernda slímhúðina og stuðla að náttúrulegri flóru legganga. Hylkin má nota á meðgöngu, eftir fæðingu og við brjóstagjöf, bæði til meðhöndlunar og fyrirbyggjandi. Mælt er með að nota 1 hylki í leggöng að kvöldi í eina viku, eða eftir þörfum.

Rosonia froðan er notuð við óþægindum á ytri kynfærum. Froðuna má einnig nota við endaþarm. Rosonia slær fljótt á kláða, ertingu og græðir sára húð. Hún vinnur gegn sýkingum og hentar vel eftir háreyðingu og rakstur. Rosonia er bæði rakagefandi og græðandi og hentar konum sem eru að jafna sig eftir fæðingu. Froðan er borin á hreina húð eftir þörfum, þornar fljótt og klístrast ekki.

Rosonia Vagi Caps eru hylki sem sett eru upp í leggöngin. Rosonia froða er fyrir ytri kynfæri.