Harpatinum frá íslenska lyfjafyrirtækinu Florealis hefur reynst mörgum vel. Harpatinum er unnið úr jurtinni djöflakló og inniheldur meðal annars efnið harpagósíð sem dregur úr bólgum og verkjum í liðum. „Fjölmargar rannsóknir liggja að baki Harpatinum sem sýna að innihaldsefni djöflaklóar lina verki í liðum og baki ásamt því að draga úr stirðleika t.d. í baki, mjöðmum, öxlum, hálsi og fingrum. Sambærileg lyf hafa lengi verið notuð víða í Evrópu með góðum árangri,“ segir Sandra Mjöll Jónsdóttir, doktor í líf- og læknavísindum og vörustjóri hjá Florealis.

Harpatinum er lausn sem hentar vel fólki með langvinna verki í liðum vegna slits eða vægrar gigtar. „Það er mikilvægt fyrir þá sem eru að fást við langvinna verki að geta haldið sér á hreyfingu því hreyfing er besta leiðin til að draga úr gigtarverkjum. Það getur þó verið erfitt þegar verkir eru slæmir og þannig myndast vítahringur sem getur verið erfitt að vinna sig út úr,“ segir hún.

Sandra segist vona að Harpatinum geti bætt lífsgæði fólks sem finni til í liðum og stuðlað að aukinni hreyfigetu. „Það hefur sést vel í rannsóknum á lyfinu að samfelld notkun dregur úr bólgum í liðum og verkjum. Það er líka mikilvægt að niðurstöður sýna að vöðvastífni og stirðleiki minnkar þannig að fólk á auðveldara með að hreyfa sig og finnur ekki eins mikið til. Það skapar góðan grundvöll til að ná aftur stjórn og vinna á vandamálinu.“

Harpatinum er selt í flestum apótekum á landinu og kemur í litlum hylkjum sem auðvelt er að kyngja. Sandra leggur áherslu á að lyfið er framleitt undir ströngum gæðakröfum til lyfjaframleiðslu og að það sé staðlað með tilliti til virkra efna. Slíkt tryggir að neytandinn fái alltaf réttan skammt í hverju hylki en það er mikilvægur þáttur til að tryggja rétta verkun. Harpatinum er samþykkt af Lyfjastofnun og skráð í sérlyfjaskrá.

„Harpatinum er einnig með ábendingu til að meðhöndla meltingarónot. Það er kostur fyrir marga sem þurfa á bólgueyðandi gigtarlyfjum að halda, en slík lyf hafa oft óæskilegar aukaverkanir á maga.

Harpatinum þolist almennt mjög vel og má taka með öðrum bólgueyðandi verkjalyfjum ef á þarf að halda. Lyfið er engu að síður fyrst og fremst ætlað gegn liðverkjum,“ segir Sandra að lokum.

Gagnlegar upplýsingar

Harpatinum fæst án lyfseðils í flestum apótekum. Notkun er 2 hylki tvisvar á dag. Lyfið er ekki ráðlagt börnum undir 18 ára, þunguðum konum eða konum með barn á brjósti. Ekki nota lyfið ef þú ert með ofnæmi fyrir jarðhnetum eða soja. Lesið vandlega upplýsingar á umbúðum og í fylgiseðli fyrir notkun. Leitið læknis eða lyfjafræðings sé þörf á frekari upplýsingum um áhættu og aukaverkanir.

Sjá nánari upplýsingar um lyfið á www.serlyfjaskra.is.