„Það er ekki stórt leyndarmál að ég er með rúmfatadellu á háu stigi,“ segir Björn Þór og kímir. „Í gegnum árin hef ég reynt að finna þau allra bestu rúmföt sem hægt er að nálgast hverju sinni og bjóða upp á í versluninni. Sjálfur sef ég undir vönduðum satínrúmfötum. Góð rúmföt skipta einfaldlega lykilmáli upp á góðan svefn.“

Afmælistilboð á lúxus sængurfötum

„Tíminn flýgur og litla rúmfatabúðin okkar á þriggja ára afmæli um þessar mundir. Til að fagna þessum tímamótum verðum við með vegleg afmælistilboð á vel völdum lúxus sængurfötum,“ segir Björn. „Þar á meðal verða einstaklega mjúk 600 þráða rúmföt úr eðalfínu satíni á flottu afmælistilboði.

Einnig erum við með 900 þráða rúmföt á tilboði, sem eru hreint út sagt himnesk. Þessi eru ný hjá okkur og sameina bæði mjög háan raunverulegan þráðafjölda og mikil gæði. Þau eru alveg svakalega fíngerð og mjúk. Þetta eru ein af allra bestu rúmfötunum sem við seljum.

Við saumum líka sjálf rúmföt úr ítölskum efnum. Margrét Guðlaugsdóttir er listamaðurinn á bak við handsaumuðu rúmfötin frá Rúmföt.is. Hún býr yfir gríðarmikilli reynslu og saumar þetta allt saman listilega vel. Æðislega flott efni sem eru sérofin fyrir okkur úr langþráða egypskri bómull. Einnig látum við sauma fyrir okkur úr sömu efnum á Ítalíu, því Margrét hreinlega annar ekki eftirspurninni.“

Margrét Guðlaugsdóttir er komin í jólaskapið og saumar rúmföt í gríð og erg. Hágæða rúmföt eru hin fullkomna jólagjöf.
Mynd/Aðsend.

Í tilefni þriggja ára afmælis verslunarinnar eru forláta 600 og 900 þráða hágæða rúmföt á sérstöku afmælistilboði.

Þræðir og gæði

Að sögn Björns segir uppgefinn þráðafjöldi ekki alla söguna. „Þetta er mun flóknara en það. Raunverulegur þráðafjöldi ræður heilmiklu en flestir vefstólar vefa ekki mikið meira en 300 þræði á hverja fertommu. Þannig eru 600 þráða rúmföt oftast 300 þræðir en þráðurinn er tvöfaldur. Með stækkunargleri er hægt að telja nálægt 450 þræði á hverja fertommu á 900 þráða rúmfötunum okkar sem er alveg ótrúlega fíngerður þráður. En hver þráður er svo tvöfaldur við nánari skoðun. Fjöldi þráða hefur með grófleika efnisins að gera. Fáir þræðir þýða gróft og óslétt efni, og fleiri þræðir gera efnið mun sléttara, fíngerðara og mýkra, svo framarlega að um sé að ræða gæðaþráð. Ef gæði og hár þráðafjöldi helst í hendur þá ertu með góð rúmföt.“

Í Rúmföt.is fást rúmföt frá flottustu vefurum Ítalíu, til að mynda Quagliotti sem vefur dúka og sængurföt fyrir bresku konungsfjölskylduna.
Mynd/Aðsend.

Bara það besta, líka fyrir börnin

„Við kaupum líka inn hágæða rúmföt frá verksmiðjum úti í heimi. Margar þeirra framleiða ýmis ódýrari rúmföt og svo rúmföt úr betri efnum. Ég fer bara í allra fínustu efnin og kaupi eingöngu inn bestu rúmföt sem völ er á,“ segir Björn.

Barnarúmfötin eru bæði falleg og af miklum gæðum.
Eyþór Árnason

Rúmföt.is er einnig með úrval af gæðarúmfötum fyrir barnasængur í fallegum litum og mynstrum sem heilla börnin. „Barnarúmfötin hjá okkur eru fyrst og fremst af miklum gæðum og eigum við mikið af fallegum 300 þráða rúmfötum fyrir börnin. Þetta eru töluvert meiri gæði en þú færð í öðrum verslunum, enda framleiða ekki margir gæðasængurföt fyrir börn. Yfirleitt einblína menn meira á myndirnar. En efnið í rúmfötunum skiptir börnin jafnmiklu máli og fullorðna upp á góðan svefn að gera.“

Í búðinni fást rúmföt í mismunandi stærðum á ólíkar sængur. Þessi eru úr ítölsku 700 þráða silkidamaski með fallegu báu blómamynstri.
Mynd/Aðsend.

Sefur sjálfur undir 550 þráðum

„Í ár bauðst mér að kaupa 550 þráða rúmföt úr einföldum þræði. Ég stóðst ekki mátið og keypti nokkra kassa. Reyndar var efnið bara til í hvítu og ofið sérstaklega fyrir lúxussængur. Verksmiðjunni úti fannst það dáldið skrítið að ég væri að nota þetta efni í rúmföt. Ég held að það hafi ekki verið gert áður en það var ekkert mál og þetta eru rúmfötin sem ég sef undir sjálfur í dag.

Talandi um geggjuð rúmföt þá pantaði ég inn örfá 1.400 þráða rúmföt frá Ítalíu úr einum dýrasta og mýksta bómullarþræði sem framleiddur er. Þráðurinn er fjórfaldur og úr sérvalinni egypskri Giza-bómull. Á skalanum einn til tíu mundi ég segja að þessi rúmföt væru í það minnsta 25. Ég hef aldrei á ævinni prófað jafnmjúk rúmföt.“

Við eigum einnig gott úrval af rúmfötum á lengri sængur og tvöfaldar. Þegar við opnuðum verslunina áttum við minna af þeim, en fólk hefur verið duglegt að biðja um þessar stærðir og höfum við orðið við þeirri ósk. Sennilega er þessi aukning vegna þess að þjóðin hefur verið að þenjast út í allar áttir,“ segir Björn og hlær.

Svört hágæða rúmföt með geómetrísku mynstri.
Mynd/Aðsend.

Jólatörnin í glæsilegu rými

Að sögn Björns er jólatörnin að hefjast. „Fólk er byrjað að koma í búðina til að kaupa jólagjafirnar. Við erum held ég eina verslunin á Íslandi sem sérhæfir sig eingöngu í hágæða rúmfötum og enn fremur sú eina sem saumar sjálf. Hingað kemur fólk aftur og aftur og margir kaupa allar jólagjafirnar á einu bretti. Kannski ekki á hverju ári, en reglulega.“ Verslunin Rúmföt.is er staðsett að Nýbýlavegi 28 og hefur tekið nokkrum breytingum síðan í fyrra. „Viðskiptavinir sem hafa mætt í búðina síðustu daga hafa tekið eftir að verslunin hefur stækkað heilmikið frá því í fyrra. Eigandi húsnæðisins réðst í framkvæmdir og var húsnæðið tvöfaldað. Magga saumakona er alveg hæstánægð.“

Rúmföt.is býður upp á fallegt úrval af jólalegum rúmfötum.
Mynd/Aðsend.

Guðdómlegir koddar

Rúmföt.is selur einnig guðdómlega kodda sem fleyta hverjum og einum mjúklega inn í draumalandið. „Við látum sérframleiða fyrir okkur alveg frábæra hágæða kodda. Þeir innihalda 100 prósent gæsadún og fíngerðar smáfjaðrir til að gefa réttan stuðning við háls og höfuð.

Koddarnir eru með 100% gæsadún og styðja vel undir háls og höfuð.
Eyþór Árnason

Ég var sjálfur lengi búinn að reyna að finna góðan kodda úti í búð en fannst þeir allir vera of þykkir eða eitthvað bæklaðir. Þannig að ég pantaði 20 prufur að utan og valdi síðan tvær útgáfur sem við bjóðum núna upp á. Tvær konur sem keyptu þessa kodda komu í búðina um daginn til að kaupa fleiri kodda, og sögðu að þetta væru einfaldlega bestu koddarnir sem þær hefðu sofið á,“ segir Björn.

Verslunin Rúmföt.is er staðsett að Nýbýlavegi 28. Sími: 565 1025. Opið alla virka daga frá klukkan 12 til 17.30 og á laugardögum frá klukkan 11 til 15. Skoðið úrvalið á glæsilegri vefverslun rumfot.is.

Hér má sjá hvít rúmföt með fínlegum röndum.
Mynd/Aðsend.