Jóhannes Steinn, Bjarni Siguróli og Fannar stofnuðu veisluþjónustuna NOMY í fyrrasumar, sem frá fyrsta degi hefur notið mikilla vinsælda, enda er reynsla, fagmennska, hollusta og bragðgæði í aðalhlutverki. Þeir hafa allir mikla og fjölbreytta reynslu sem kokkar. Auk þess að hafa starfað á nokkrum af bestu veitingahúsum landsins, hafa þeir allir keppt fyrir Íslands hönd með kokkalandsliðinu og unnið til fjölda verðlauna á sínu sviði, bæði hérlendis og erlendis. Hjá NOMY er undirbúningur jólanna nú að hefjast en í ár verður m.a. hægt að velja um jólahlaðborð, jólaplatta, jólahádegishlaðborð og jólamat í heimahúsi.

Jólahlaðborðin vinsælu

Jólahlaðborðin frá NOMY eru í sérflokki, þar sem gæðahráefni og framúrskarandi matreiðsla fara saman. „Fyrir jólin bjóðum við upp á jólahlaðborð, en þau nutu mikilla vinsælda fyrir síðustu jól. Við mætum einfaldlega á svæðið og setjum upp jólahlaðborð, hvort sem er fyrir stærri eða smærri hópa, fyrirtæki, félagasamtök eða vinahópa. Jólahlaðborðið samanstendur af hefðbundnum jólaréttum, svo allir ættu að finna eitthvað við sitt hæfi,“ segir Jóhannes, en jólahlaðborðin miðast við 40 manns og fleiri.

Jólaplatti og jólahádegishlaðborð

NOMY býður einnig upp á jólaplatta að norrænum hætti, sem hafa vakið mikla athygli. „Í ár erum við með klassískan jólaplatta, sem hentar til dæmis vel fyrir vinahópa eða hverja þá sem vilja gera sér glaðan dag, hvort sem er í hádeginu eða á kvöldin. Jólaplattinn er líka tilvalinn fyrir fyrirtæki sem vilja gleðja starfsfólkið með góðum mat. Plattinn samanstendur af girnilegum jólaréttum við allra hæfi,“ segir Jóhannes. „Við útbúum jólaplattana og keyrum heim að dyrum hjá fyrirtækjum eða einstaklingum. Það þarf ekkert að gera nema njóta matarins,“ bætir hann við. Einnig býður NOMY upp á jólahádegishlaðborð, sem eru minni útgáfa af jólahlaðborði. „Jólahádegishlaðborð eru tilvalin fyrir öll fyrirtæki sem vilja gefa starfsfólki sínu eitthvað gott að borða á vinnutíma. Við mætum á staðinn og sjáum bara um þetta,“ segir Jóhannes.

Jólasmáréttir á spennandi máta

NOMY er einnig með frábæra jólasmárétti, sem hafa slegið í gegn. „Jólasmáréttirnir eru með því vinsælasta hjá okkur. Þar erum við með klassískt hráefni en matreiðum það á nýjan og spennandi máta. Þetta hefur vakið mikla ánægju meðal okkar viðskiptavina, sem vilja borða góðan mat og prófa eitthvað nýtt í leiðinni,“ segir Jóhannes. „Við erum líka með pinnaseðil, sem kallast Litlu jólin. Það er fyrir að lágmarki tíu manns og upp úr. Jólasmáréttirnir hafa verið mjög vinsælir hjá fyrirtækjum en þá sjáum við um að halda jólaboð í fyrirtækjum, sem er kjörið fyrir þær aðstæður sem eru uppi í dag. Við erum líka með veislupakka fyrir fjóra og upp úr. Veislupakkarnir samanstanda af réttum sem eru fulleldaðir, forrétti, aðalrétti og eftirrétti. Veislupakkarnir eru sem sniðnir fyrir fólk sem vill hittast í minni hópum og borða saman góðan mat,“ segir Jóhannes.

Fáðu jólamatinn sendan heim

Hjá NOMY er hugsað fyrir öllu því þar er einnig hægt að fá jólamatinn. „Við ákváðum að bjóða upp á jólamat líkt og í fyrra, en fólk var gríðarlega ánægt með þessa þjónustu. Það er stór hópur fólks sem hefur ekki tíma til að elda sjálft, eða finnst þægilegt að fá jólamatinn sendan heim að dyrum. Við léttum fólki lífið og sjáum um eldamennskuna. Þá pantar fólk einfaldlega jólamatinn hjá okkur og fær hann afhentan tilbúinn fyrir aðfangadag og þetta verður líka í boði fyrir gamlársdag. Í ár bjóðum við upp á þriggja rétta deluxe matseðil, það verður humarsúpa í forrétt, Wellingtonnautalund í aðalrétt og súkkulaði í eftirrétt. Við erum einnig með sérstaka rétti fyrir grænkera,“ segir Jóhannes.

NOMY er einnig með gott úrval af gjafakörfum, sem að sögn Jóhannesar eru fullkomin gjöf fyrir starfsfólkið. Gjafakörfurnar eru hlaðnar góðgæti, sem ættu að gleðja alla sem kunna að meta góðan mat. Hægt er að skoða alla matseðla og panta á vefsíðunni nomy.is.

Forréttir

  • Kókoskremuð kóngasveppasúpa (vg)
  • Laufabrauð – nýbakað súrdeigsbrauð – smjör

Kjötskurðarí:

  • Tvíreykt hangikjöt – parmaskinka – hamborgarhryggur – kryddaðar pylsur
  • Marinerað grænmeti – mozzarella & tómatar
  • Villibráðarskurðarí:
  • Reykt andabringa – hreindýrapaté – gæsalifrarfrauð með rifsberjageli
  • Fennel- og dillgrafinn lax með hunangssinnepssósu
  • Reyktur silungur með seljurótarhrásalati, piparrót og karsa
  • Jólasíld – karrýsíld – rúgbrauð

Aðalréttir

  • Heilsteiktar nautalundir
  • Ekta purusteik
  • Gljáðir kalkúnaleggir
  • Rauðkál ársins
  • Bakaðar kartöflur með ostagratínsósu
  • Nomy eplasalat
  • Sætkartöflusalat með ristuðum pecanhnetum & kryddjurtum
  • Grænt salat
  • Portvínssoðgljái
  • Kremuð koníaks- & villisveppasósa

Eftirréttir

  • Ris a la mande með kirsuberjasósu & karamellu
  • Pavlova marengstoppar með sítrónufrómas & berjum
  • Nomy súkkulaðikaka ársins: Súkkulaðihjúpuð mjólkursúkkulaðimús á brownies botni

Jólasmáréttir

  • Tvíreykt hangikjöt á ekta flatkökum, eggjahræra með rjómaosti, manchego-ost og karsa
  • Glóðaður graflax í seljurótartaco með wasabi-kremi og kryddjurtum
  • Síld á kartöfluvöfflu með eggjakremi, sýrðum lauk, kapers, eplum og sólselju
  • Heimabökuð vatnsdeigsbolla, grásleppuhrogn, piparrótarkrem, garðkarsi n Smjörsteikt eggjabrauð „French toast“ , truffluhrásalat, parmaskinka, parmesanostur
  • Djúsí andalæraconfit með beikoni, döðlum og appelsínuzest
  • Kalkúna-kartöflukrókettur með hvítlauks- & sítrónublóðbergsmayo
  • Nautalund „tataki style“, rucola pesto, furuhnetur, parmesanostur
  • Hægeldaður og steiktur hamborgarhryggur á spjóti, gljáður með hunangssinnepi, beikoni, croutons og graslauk
  • Hvítsúkkulaðitruffla með kaffi-lakkrísganache, hindberjum & lakkrís Jólaplatti
  • Fennel- og dillgrafinn lax með hunangssinnepssósu
  • Tvíreykt hangikjöt n Hreindýrapaté með sólberjasósu
  • Sneiddur NOMY hamborgarhryggur með rauðkáli n NOMY karrýsíld n Gæsalifrarfrauð með rifsberjaog portvínsgeli.
  • Súrdeigsbrauð, sólkjarnarúgbrauð & þeytt smjör