„CEP sokkarnir hafa verið vinsælir fyrir íþrótta- og gönguiðkun, einnig hafa golfarar verið að koma sterkir inn, en svo eru líka sífellt fleiri farnir að nota þrýstingssokkana daglega í stað hefðbundinna sokka,“ segir Ragnheiður Ásta Einarsdóttir, sjúkraþjálfari hjá Stoð, sem hefur unnið að göngugreiningum um langt skeið.

Þrýstingurinn bætir blóðflæði og vinnur gegn bólgum

„Stoð býður upp á hágæða þrýstingssokka frá þýska fyrirtækinu CEP, sem er dótturfyrirtæki MEDI, en það er þekkt fyrirtæki í þrýstingsfatnaði sem býr yfir 70 ára reynslu. Fyrirtækið byrjaði að framleiða föt í læknisfræðilegum tilgangi og nýtir nú þá þekkingu og reynslu í að framleiða einnig íþróttaföt og sokka,“ segir Ragnheiður. „Það sem er sérstakt við sokkana frá CEP er að það er þrepaþrýstingur í þeim, sem þýðir að þrýstingurinn er mestur um ökklann og minnkar svo eftir því sem ofar dregur og varnar þá því að blóðflæði fari í ranga átt.

Þrýstingurinn sem sokkarnir veita örvar blóðflæði og súrefnisupptöku og vinnur gegn þreytu,“ útskýrir Ragnheiður. „Fyrir vikið finna margir fyrir því að þeir eru léttari á sér í hlaupum og þreytast síður, auk þess að endurheimt verður hraðari. Þrýstingurinn sem sokkarnir veita auka líka stöðugleika og örva liðskin, sem minnkar þreytu í fótunum.

Ragnheiður Ásta Einarsdóttir, sjúkraþjálfari hjá Stoð, Bryndís Ragna Hákonardóttir deildarstjóri og Snorri Bergþórsson íþróttafræðingur. FRÉTTABLAÐIÐ/ ERNIR

Einstök framleiðsluaðferð og efni sokkanna hjálpar til við að halda hámarkshita og á sama tíma rakastjórn og þeir falla vel að fætinum,“ segir Ragnheiður. „Þeir eru líka þykkari við táberg og hæla, sem gefur aukna dempun, sem hentar mjög vel við ákveðnar íþróttir.“

Recovery sokkar

„Allir geta notað CEP sokkana, hvort sem það er fyrir íþróttirnar, gönguna, í flugi, við vinnu eða í daglegu lífi. Yfirleitt þegar fólk hefur kynnst þessum sokkum fer það ekki í aðra sokka,“ segir Ragnheiður. „CEP sokkarnir fást í mörgum stærðum og gerðum, lágir, rétt upp fyrir ökkla, kálfahlífar og hnéháir sokkar, en einnig er hægt að fá þrýstingsermar. Sokkarnir koma líka í mismunandi þykkt, allt frá ultra light yfir í hefðbundna og svo göngusokka með merino ullarþræði, sem eru hlýrri.

Við erum einnig nýkomin með sokka sem eru hannaðir sérstaklega fyrir endurheimt, svokallaða recovery sokka, sem tryggja að þú náir endurheimt hraðar en nokkru sinnum fyrr. Ásamt þrýstingseiginleikum sokkanna er innrauður þráður í þeim sem örvar líkamann til að nýta eigin hita til að hraða endurheimt. Sameiginlega vinna þessir tveir eiginleikar að því að auka blóðflæði og skila súrefni til vöðva. Sokkana er mjög gott að nota til dæmis eftir strangar æfingar, langar göngur eða í flugið,“ segir Ragnheiður.

CEP sokkarnir fást í alls kyns stærðum og gerðum og þeir koma líka í mismunandi þykkt, allt frá ultra light yfir í hefðbundna og svo göngusokka með merino ullarþræði, sem eru hlýrri. FRÉTTABLAÐIÐ/ERNIR

Fyrirtækið Stoð

Stoð er fyrirtæki á heilbrigðissviði og þar starfar fjöldi sérfræðinga. Fyrirtækið er í nánu samstarfi við fagfólk á heilbrigðissviði og rekur tvær verslanir. Fyrirtækið selur, þjónustar og framleiðir stoðtæki eins og spelkur, gervilimi, sérsmíðaða skó, ásamt því að þjónusta og selja hjálpartæki eins og hjólastóla, sjúkrarúm, göngugrindur og aðrar stoðvörur. Stoð selur líka hlífar, innlegg, spelkur og íþróttavörur ásamt göngugreiningum og ferða-kæfisvefnsvélum.

Verslun á Bíldshöfða í Reykjavík og í Trönuhrauni í Hafnarfirði

„Hlutverk okkar er að bæta lífsgæði fólks og viðskiptavinahópurinn er breiður,“ segir Bryndís Ragna Hákonardóttir, deildarstjóri hjá Stoð.

„Við veitum lausnir bæði fyrir fólk sem er á fullu í hreyfingu og fólk sem þarf á hjálpar- eða stoðtækjum að halda vegna öldrunar, fötlunar eða annarra orsaka, með það að markmiði að bæta lífsgæði þess.

20% afsláttur í ágúst.

Stoð er með tvær verslanir á höfuðborgarsvæðinu,“ segir Bryndís. „Annars vegar í Trönuhrauni 8 í Hafnarfirði, þar sem er meðal annars boðið upp á sérhæfða hjálpar- og stoðtækjaþjónustu, og hins vegar á Bíldshöfða 9 í Reykjavík, þar sem göngugreiningar fara að mestu fram og hægt er að fá sérfræðiaðstoð frá sjúkraþjálfurum og íþróttafræðingum við val á vörum.“


Stoð býður alla velkomna í verslanir sínar á Bíldshöfðann eða í Trönuhraunið, þar sem hægt er að fá ráðgjöf við val á CEP sokkum eða öðrum vörum og býður Stoð 20% afslátt af CEP sokkunum út ágústmánuð. Tilvalið tækifæri fyrir alla þá sem eru að hlaupa, í göngum eða spila golf til að prófa þessa einstöku sokka.