Vandaðar grímur skipta öllu máli í baráttunni við COVID-19, ekki síst um þessar mundir þegar ný og skæðari afbrigði hennar eru farin að hrella Íslendinga og aðra jarðarbúa. Það er því afar mikilvægt að nota vandaðar grímur sem verja vel, segir Atli Hafsteinsson, framkvæmdastjóri Valia ehf., sem býður upp á tvær tegundir af mjög vönduðum grímum sem fást í apótekum hérlendis.

Um er að ræða sjálf-sótthreinsandi VK RespiPro grímu sem nú um stundir er „Rolls-Royce“ í grímum. Hin er RespiPro Carbon Black en báðar eru þær CE-merktar með FFP2-staðlinum en nanóefnið síar langt umfram lágmarkið í þeim staðli að hans sögn.

„Framleiðandinn Respilon gefur upp að nanófíber grípi allt að 99,9% af veiruögnum. Báðar grímurnar eru ætlaðar öllum þeim sem vilja verja sig sem best og svo er sjálfsótthreinsandi gríman sérstaklega hentug þeim sem eiga það til að vera reglulega að snerta grímuna sína.

Sjálf-sótthreinsandi VK gríma er öflugur eldveggur gegn smiti.

Byltingarkennd gríma

Hann útskýrir eiginleika þeirra betur. „Sjálf-sótthreinsandi VK RespiPro gríma hefur „copper oxide“ filmu sitt hvorum megin við nanofiber filmuna. Sú filma drepur eða gerir veirur óvirkar við snertingu, bæði þegar þú dregur að þér og andar frá þér sem gerir hana einstaklega örugga í báðar áttir. Báðar grímurnar eru með sömu nanófíber síufilmuna. Á svörtu grímuna er sett kolefnisfilma sem gerir hana svarta en hún dregur verulega úr lykt, til dæmis mygluog málningarlykt.“

Verum meira á varðbergi

Hann segir Íslendinga almennt ekki hafa verið nógu meðvitaða um gæði þeirra gríma sem þeir hafi notað dagsdaglega undanfarið ár. „Gríma er svo sannarlega ekki það sama og gríma. Þegar kórónaveirufaraldurinn hófst voru varla til grímur hér á landi ætlaðar almenningi, hvorki vandaðar né lélegar. Fyrstu grímur sem bárust hingað gripu mjög lítið og buðu því í raun upp á takmarkaða vörn.

Núna er hægt að fá hágæða nanógrímur, jafnvel sjálf-sótthreinsandi, en þær grímur eru það besta sem er í boði. Lönd í kringum okkur, eins og til dæmis Þýskaland, hafa nýlega sett reglur er snúa að notkun gríma, meðal annars að þær þurfi að standast FFP2-staðal. Respilon nanógrímurnar veita mun meiri vörn en FFP2-staðallinn gerir ráð fyrir að lágmarki.“

Tökum smitvarnir alvarlega

Það er ekkert grín að smitast af COVID og það þekkir Atli vel sjálfur. Honum er því umhugað um að sem flestir noti vandaðar grímur. „Sjálfur smitaðist ég í október á síðasta ári. Þótt ég hafi jafnað mig þá er ég enn að glíma við síþreytu mörgum mánuðum seinna sem engin skýring finnst á.“

Hann segir auk þess samfélagslega skynsamlegt að nota bestu grímur sem völ er á. „Góðar grímur hjálpa okkur sem samfélagi að halda veirunni niðri. Þótt sumum sé sama um sjálfan sig og telji sig ósigrandi, þá vonum við að fólk hugi að öðrum með því að vanda sig sjálft. Annað fólk getur jafnvel lent í lífshættu ef það veikist eða lent í langvarandi veikindum og slappleika eins og ég.“

Sjálf-sótthreinsandi VK RespiPro og RespiPro Carbon Black grímurnar fást í apótekum.

Nanógríman grípur 10 sinnum minni agnir en COVID-veiran.