Svefn og kynlíf eru hvoru tveggja hluti af grunnþörfum mannsins, en þrátt fyrir að mikil vitundarvakning hafi átt sér stað undanfarið virðast fáir tengja þessa tvo mikilvægu þætti saman,“ segir Sandra Mjöll Jónsdóttir, doktor í líf- og læknavísindum og markaðs- og vörustjóri hjá Florealis. Við vitum að góður og nægur svefn er grundvallarþáttur í vellíðan einstaklinga, minnkar líkur á sjúkdómum og getur aukið lífshamingjuna til muna, til dæmis með því að bæta kynlífið.

Svefnvandamál skerða kynlöngun

,,Þegar kynlífsvenjur fólks eru skoðaðar í rannsóknum kemur í ljós að við stundum minna kynlíf nú en áður. Þegar fólk er spurt hvers vegna það stundi ekki meira kynlíf, þá er algengasta svarið að það sé of þreytt til þess,” segir Sandra. ,,Þetta á sérstaklega við um konur, en um 40% kvenna segjast hafa litla kynlöngun,” bætir hún við.

Í sumum tilvikum hafa bættar svefnvenjur gefið góða raun hjá fólki sem kvartar undan kyndeyfð og hafa rannsóknir sýnt að konur eru mun líklegri til að stunda kynlíf daginn eftir að hafa fengið nægan svefn og upplifa að eigin sögn meiri löngun. ,,Þetta er mikilvægt að hafa í huga þegar skoðað er hversu algeng svefnvandamál eru, sérstaklega meðal kvenna í kjölfar hormónabreytinga sem eiga sér til dæmis stað við barneignir, á meðgöngu og við tíðahvörf. Þessi svefnvandamál geta þróast yfir í langvarandi svefnleysi sem hefur áhrif á kynlöngun og kynhvöt kvenna til langs tíma ef ekkert er að gert,” upplýsir Sandra.

Svefntruflanir geta valdið risvandamálum

Skertur svefn og svefntruflanir hafa líka bein áhrif á kynlíf karlmanna, því líkami karla losar kynhormónið testósterón á meðan þeir sofa. ,,Of lítill svefn getur því dregið úr magni sáðfruma hjá körlum sem fá of lítinn svefn en einnig eru risvandamál algengari hjá þeim körlum sem vakna oft upp á nóttunni, til dæmis hjá þeim sem eru með kæfisvefn,” segir Sandra.

Eina lyfið án lyfseðils við svefntruflunum og kvíða

Sefitude frá Florealis er eina lyfið á Íslandi við svefntruflunum og vægum kvíða, sem fæst án lyfseðils í apótekum. Sefitude er notað til að auðvelda svefn og bæta svefngæði, en einnig getur Sefitude dregið úr taugaspennu og kvíða án þess að hafa áhrif á frammistöðu. Lyfið inniheldur útdrátt úr garðabrúðurót (Valeriana) en róandi áhrif jurtarinnar eru viðurkennd og staðfest í klínískum samanburðarrannsóknum.

Gagnlegar upplýsingar

Notkun við svefntruflunum: 1 tafla ½-1 klst. fyrir svefn fyrir 12 ára og eldri. Notkun við vægum kvíða: 1 tafla 1-3 sinnum á dag fyrir fullorðna og 1 tafla 1-2 á dag fyrir 12-18 ára. Hámarksskammtur fyrir 12-18 ára eru 2 töflur en 4 töflur fyrir fullorðna. Ekki ætlað yngri en 12 ára, þunguðum konum eða konum með barn á brjósti. Lesið vandlega upplýsingar á umbúðum og á fylgiseðli fyrir notkun. Leitið læknis eða lyfjafræðings sé þörf á frekari upplýsingum um áhættu og aukaverkanir.

Sjá nánari upplýsingar um lyfið á www.serlyfjaskra.is