Svefninn er okkur gríðarlega mikilvægur til þess að við getum tekist á við eril dagsins og staðist þá streitu sem fylgir daglegu lífi. Svefninn er að stærstum hluta eins uppbyggður og á sama formi hjá öllum sem sofa eðlilega og ótruflað. Álitið er að REM-svefn og djúpsvefn séu mikilvægustu svefnstigin en þau ætti að ná yfir um 45-50% af öllum nætursvefni. Fullorðinn einstaklingur þarf að meðaltali 7-8 klukkustunda svefn og ef það gengur ekki eftir getur það haft neikvæð áhrif á almenna líðan, fjölskyldu-, félags- og atvinnulíf.

Orsakir svefnleysis

Af hverju sofnum við ekki, erum andvaka eða vöknum um miðjar nætur og getum ekki sofnað aftur? Það eru fjölmargar ástæður fyrir því að við getum ekki sofnað eða sofið þannig að við hvílumst og vöknum endurnærð. Vaktavinna, ferðalög, kvíði og áhyggjur eru algengar orsakir svefnleysis en ýmsir sjúkdómar geta einnig haft mikil áhrif á svefninn. Streita er algeng orsök en það er allt of algengt að fólk vinni of mikið, sé með fjárhagsáhyggjur, vanti hreyfingu og/eða eigi í erfiðum samböndum, hvort sem er við maka, vini eða aðra. Mataræði, upptaka næringarefna og venjur geta að auki átt stóran þátt í svefnleysi.

Vilt þú sofa betur?

Það er ýmislegt sem hægt er að gera til að vinna bug á svefnleysi og gott að byrja á því að breyta einföldum hlutum í nærumhverfi okkar ef það á við. Gott getur verið að borða ekki 2-3 tímum áður en lagst er til hvílu og passa að drekka ekki of mikinn vökva, bæði til að gefa meltingarfærunum pásu og að losna við klósettferðir. Ekki taka tölvur eða síma með í rúmið og lágmarka ætti alla notkun rafmagnstækja í svefnherberginu, sem á að vera vel loftað, myrkvað og hljóðlátt. Náttúruleg bætiefni reynast að auki mörgum afar vel og hefur Melissa Dream alveg slegið í gegn. Hún Soffía Káradóttir er ein af þeim sem þekkja Melissa Dream og ber því vel söguna:

„Ég hef lengi verið með fótaóeirð sem hefur aukist með árunum og mér hefur reynst erfitt að sofa nógu vel vegna þess. Eftir að ég byrjaði að taka Melissa Dream hefur þetta algjörlega breyst. Ég tek 2 töflur fyrir svefninn og innan hálftíma er öll óeirð farin og ég fæ góðan nætursvefn. Að mínu mati eru þetta töflur sem ég gæti ekki verið án og hef ég nú tekið Melissa Dream reglulega í nokkur ár.“

Melissa Dream

Melissa Dream er náttúrulegt bætiefni sem er framleitt með það að markmiði að auka svefngæði til muna en þetta vísindalega samsetta bætiefni er hannað til að stuðla að góðum nætursvefni þannig að fólk vaknar endurnært án þess að finna fyrir sljóvgandi áhrifum daginn eftir. Við framleiðslu á Melissa Dream notar New Nordic nýjustu tækni til að tryggja að samsetning jurta og vítamína sé sem áhrifaríkust. Innihaldsefnin í Melissa Dream eru sérvalin fyrir starfsemi taugakerfisins og heilans og er blandan sérstaklega hönnuð til að veita huganum hvíld og ró yfir nóttina svo að þú náir friðsælum svefni. Melissa Dream inniheldur sítrónumelissu sem hefur verið notuð í aldaraðir meðal annars til að bæta svefngæði. Að auki innihalda töflurnar L-theanine amínósýru sem er þekkt fyrir að aðstoða við slökun. Melissa Dream inniheldur einnig fjölda vítamína, svo sem B6-vítamín sem stuðlar að því að halda reglu á hormónastarfsemi og B12-vítamín sem stuðlar að eðlilegri starfsemi taugakerfisins sem og eðlilegri sálfræðilegri starfsemi ásamt B1-, B2-, og B3-vítamínum. ■