Gunnar Þór Jóhannesson og eiginkona hans, Sigurborg Íris Vilhjálmsdóttir, stofnuðu Gólfefnaval í október 1998. Fyrirtækið heldur því upp á 23 ára afmæli sitt um þessar mundir. Nýlega flutti fyrirtækið í betra húsnæði og getur nú boðið viðskiptavinum að skoða vörur í glæsilegum sýningarsal sem unninn var í samstarfi við THG arkitekta.

Gunnar Þór segir að sérstaða fyrirtækisins liggi í mikilli reynslu í sölu og þjónustu með gólfefni. „Við höfum sterka umhverfisvitund og góða vöruþekkingu enda höfum við átt ákaflega gott samstarf við fagmenntaða iðnaðarmenn í gegnum árin.

Gólfefnaval selur teppaflísar, teppi, vínilgólfefni, lúxus vínilparket og lúxus vínilflísar, ofinn vínil, parket og alls kyns hljóðvistarlausnir. „Okkar helstu umboð eru Bona, sem hefur í yfir hundrað ár sérhæft sig í viðhaldsefnum fyrir viðargólf – lökk, olíu, hreinsivörum og vélbúnaði til að slípa og viðhalda parketi. Teppi og teppaflísar koma frá Tarkett Desso, vínildúkar og lúxus vínilparket og vínilflísar frá Polyflor og Moduleo, parket frá Bauwerk og Stile og hljóðvistarlausnir frá Zilenzio fyrir fyrirtæki og einstaklinga,“ útskýrir Gunnar Þór.

Gunnar Þór segir að Gólfefnaval leggi mikla áherslu á umhverfisvernd.

Vínilparket vinsælast

Þegar hann er spurður hvort einhverjar breytingar hafi orðið á vinsældum gólfefna að undanförnu, svarar hann: „Gólfefnaval hefur selt vínilparket um 20 ára skeið. Í dag seljum við vínilparket og vínilflísar bæði frá Moduleo og Polyflor. Í Evrópu hefur lúxus vínilgólfefni tekið fram úr sölu á viðar-, plast- og harðparketi samanlagt. Núna er hægt að kaupa vínilparket eða -flísar með áföstu undirlagi sem gefur allt að 22 dB hljóðvist á milli hæða og 10 dB inni í rýminu. Efnið er algjörlega vatnshelt og hjá okkar birgjum endurtekur mynstrið sig eftir 88-92 planka, eða eftir rúmlega 23 fermetra. Moduleo LAYRED kemur frá Moduleo. LAYRED má leggja á allt að 260 fermetra rými án þess að setja skil-lista og það veitir okkur ákveðna sérstöðu. Vínilparket og vínilflísar eru langvinsælasta gólfefnið hjá okkur í dag, Polyflor Encore Rigid og Moduleo Layred,“ segir hann og bætir við:

Nýlega flutti fyrirtækið í nýtt og betra húsnæði þar sem er rúmgóður og glæsilegur sýningarsalur og aðkoma þægileg til að skoða úrvalið.

„Parketið á enn góðan sess hjá Íslendingum en áherslur hafa aðeins breyst. Núna erum við að selja parket í fleiri breiddum, til dæmis plankaparket sem er frá 220 til 240 mm og alveg upp í 300 mm á breidd. Fiskibeinamynstrið hefur aldrei verið vinsælla hjá okkur. Við bjóðum þar meðal annars upp á ómeðhöndlað efni sem fólk getur algjörlega gert að sínu. Við bjóðum upp á ellefu grunnliti í tveggja þátta olíu frá Bona sem fólk getur blandað að vild og lakkað svo yfir það og gert það að sínu. Við seljum yfir 60 liti í parketi frá Stile og annan eins fjölda frá Bauwerk.“

Hægt er að velja um ellefu grunnliti í tveggja þátta olíu frá Bona.

Teppaflísar í endurvinnslu

Gólfefnaval býður jafnframt upp á teppi og sérpantaðar mottur. „Við seljum teppi og sérpantaðar mottur frá Tarkett Desso. Motturnar verða breiðastar 4 metrar og er hægt að sérsníða eftir þörfum fólks. Jafnframt erum við með stigahúsateppi sem eru mjög vinsæl, eins og Essence frá Tarkett Desso. Lykkjan er gegnumlituð og endurvinnanleg,“ segir Gunnar Þór.

„Við erum jafnframt að vinna með einum stærsta teppaflísaframleiðanda í Evrópu, Tarkett Desso. Teppaflísar eru líklega besta gólfefnið þegar kemur að því að tryggja góða hljóðvist í fyrirtækjum. Gaman að segja frá því að Tarkett Desso tekur gamlar teppaflísar og endurvinnur þær. Á síðasta ári í samstarfi við Reiti fasteignafélag endursendum við um 4.000 kíló af teppaflísum aftur til Hollands í endurvinnslu, garnið er fjarlægt af baki flísanna, garnið aflitað og endurnýtt, bakið er svo brotið niður í smærri búta og nýtt aftur. Þessi fjögur tonn af gólfefni hefðu annars farið í landfyllingu hér á landi en með ReStart-kerfinu hjá Tarkett Desso getum við tekið allar teppaflísar þeirra til baka og sparað eigendum fasteigna töluvert af peningum í urðun hér á landi því þessi þjónusta er eigendum teppaflísa frá Tarkett Desso að kostnaðarlausu.

Bona býður einnig fjölbreytt úrval ræstingaefna fyrir lökkuð og olíuborin viðargólf.

Umhverfismál í brennidepli

Umhverfismál skipta okkur máli og við leggjum áherslu á það. Samstarf okkar við Recofloor og Tarkett ReStart þjónusturnar gerir það að verkum að minna gólfefni lendir í landfyllingum hér á landi. Recofloor tekur við vínil og endurvinnur hann. Tarkett hefur lagt mikla áherslu á umhverfisþáttinn eða „frá vöggu til vöggu“ eins og við kjósum að kalla það (e. cradle to cradle), þá er framleiðsla Tarkett Desso að mestu leyti unnin úr polyamid 6 garni sem unnið er úr gömlum fiskinetum (ECONYL),“ upplýsir Gunnar Þór og bendir á að þau hjá Gólfefnavali hafi verið mjög heppin með að vera í samstarfi við Polyflor þegar kemur að gólfdúkum. „Við bjóðum upp á mikið úrval gólfdúka frá Polyflor. Vinsælasti dúkurinn sem við seljum heitir Palettone og kemur í 50 mismunandi litum, ótrúlega fallegur dúkur. Þá er Polyflor einnig með eitt mesta úrval öryggisgólfefna fyrir blautsvæði.“

Hljóðvistarlausnir í úrvali

Gunnar Þór segir að nýlega hafi fyrirtækið farið að selja hljóðvistarlausnir frá Zilenzio. „Fyrirtækið leggur áherslu á talað mál og að minnka klið í rýmum. Zilenzio hentar mjög vel fyrir vinnustaði sem eru með opin vinnusvæði og sali þar sem kliður getur orðið mikill.“

Í Gólfefnavali eru starfsmenn með mikla reynslu í sölu og þjónustu með gólfefni, sumir hafa starfað við fagið frá 1980 en aðrir eru með minni reynslu en bæta það upp með mikilli ástríðu fyrir því að þjóna hverju verkefni sem best. Gunnar Þór segir að mikil eftirspurn hefði verið eftir gólfefnum á Covid-tímum, sérstaklega hafa sala til einstaklinga aukist. „Margir vildu gefa heimilinu andlitslyftingu enda heimavinna algeng og fólk mikið heima. Gólfefnaval hefur ávallt verið í góðu samstarfi við fagaðila. Við höfum meðal annars staðið fyrir námskeiðum erlendis sem og hér á landi í frábæru samstarfi við Iðuna fræðslusetur fyrir fagaðila. Við getum vísað viðskiptavini á góða fagmenn, hvort sem er í parketslípun, dúka- eða teppalögn.“

Gólfefnaval er staðsett að Höfðabakka 9b og síminn er 517 8000. Gólfefnaval er með Facebook-síðu þar sem ýmsar góðar upplýsingar birtast.

Fjölbreytt úrval er af vínilflísum og -parketi í mismunandi útfærslum.
Stile býður fjölbreytt úrval viðargólfefna í mörgum plankabreiddum.