Gluggasmiðjan er komin í glæsilegt nýtt húsnæði við Steinhellu 17A í Hafnarfirði þar sem fyrirtækið er með mjög flottan 1.000 fermetra sýningarsal þar sem viðskiptavinir geta skoðað vöruframboðið, sem hefur verið stórbætt.

„Hingað til höfum við sérhæft okkur í gluggum og hurðum, en nú er úrvalið mun fjölbreyttara en nokkru sinni áður,“ segir Hafsteinn Hilmarsson sölustjóri.

Einstaklega gott úrval

„Í fyrsta lagi bjóðum við upp á allar gerðir glugga, úr timbri, plasti, áli og álklædda timburglugga og við erum einnig með timburhurðir, álhurðir og rennihurðir í nokkrum útfærslum,“ segir Hafsteinn. „Þar að auki erum við með svalahandrið, svalalokanir, sturtugler og glerveggi og skilrúm í skrifstofur og í raun má segja að við bjóðum upp á allar gerðir af gleri. Við erum líka með alls kyns spegla í nokkrum litum, með ljósi og án þess, ásamt ýmsu öðru. Að auki seljum við sjálfvirkar hurðir í innganga fyrir verslanir og aðra þjónustu. Við vöndum svo alltaf valið við innkaup til að tryggja að við seljum einungis hágæða vörur.

Gluggasmiðjan býður upp á allar gerðir glugga, úr timbri, plasti, áli og álklædda timburglugga. FRÉTTABLAÐIÐ/ERNIR

Álklæddir timburgluggar og plastgluggar, ásamt rennihurðum, eru vinsælustu vörurnar okkar, enda bjóðum við upp á þessar vörur á mjög góðu verði,“ segir Hafsteinn.

„Það er líka ein nýjung sem við getum boðið upp á núna, en það eru útihurðir úr áli með löngu ryðfríu handfangi, LED-lýsingu í karmi og til dæmis fingrafaraskanna eða annars konar aðgangskerfi,“ segir Hafsteinn. „Á næstu vikum ætlum við að setja upp eina mjög flotta slíka hurð í sýningaraðstöðunni okkar.

Gluggasmiðjan býður upp á sérlega gott og fjölbreytt úrval í þessum vöruflokkum. Það eru önnur fyrirtæki sem selja vörur í sömu flokkum, en það er ekkert annað fyrirtæki með þær allar,“ segir Hafsteinn. „Hér er því hægt að fá megnið af því sem þarf til að byggja húsið á einum stað og við erum alltaf tilbúin til að skoða magnafslátt.“

Tíminn fyrir framkvæmdir alveg að koma

„Í gegnum tíðina hefur þjónusta Gluggasmiðjunnar verið meira miðuð við verktaka en almenning, en það hefur breyst og í dag þjónustum við báða hópa til jafns,“ segir Hafsteinn. „Við vinnum líka með mörgum góðum verktökum og ef viðskiptavini okkar vantar verktaka í gluggaskiptin sem dæmi getum við bent fólki í rétta átt og fengið vant fólk í verkin.

Hjá Gluggasmiðjunni fást nú líka timburhurðir, álhurðir og rennihurðir i nokkrum útfærslum, ásamt svalahandriðum, svalalokunum, sturtugleri og glerveggjum og skilrúmum í skrifstofur. FRÉTTABLAÐIÐ/ERNIR

Nú er öll starfsemi Gluggasmiðjunnar undir einu þaki, bæði söluskrifstofan, lagerinn og sýningarsalurinn, og engar vörur eru geymdar úti í veðri og vindi, allt geymt innanhúss við bestu aðstæður,“ segir Hafsteinn. „Þetta er góður tími til að heimsækja okkur í nýju aðstöðuna til að kynna sér úrvalið þar sem við erum búnir að koma okkur vel fyrir og koma sýningarsalnum í gott horf.

Núna þegar sumarið er að koma er góður tími til að panta glugga, svo það sé hægt að nýta góða veðrið í framkvæmdir,“ segir Hafsteinn. „Afhendingartíminn hjá okkur er einn sá stysti á markaðnum. Í maí og júní erum við líka að bjóða upp á 40% afslátt af öllu einangrunargleri, svo það er ekki eftir neinu að bíða.“