Vorhús hefur ávallt lagt upp með hönnun á fjölbreyttum vörum sem henta breiðum aldurshópi. Vinsælustu og þekktustu vörurnar eru kaffibollar sem skarta bæði Garðveislumynstri Sveinbjargar, er samanstendur af reyniviðarlaufum, berjum og þröstum; og einnig Hrafnamynstrinu. Jafnframt hafa handklæði, ullarteppi og ilmkerti verið afar vinsæl, sér í lagi þegar kemur að jólagjöfum fyrirtækja.

„Við höfum jafnvel fengið þakkarpósta frá mannauðsstjórum sem segja okkur frá því að sjaldan hafi vali á jólagjöf verið jafn vel tekið. Þetta er afar dýrmætt fyrir okkur að heyra, því að það getur oft verið erfitt að finna gjafir sem henta öllum,“ segir Eydís Ólafsdóttir, markaðs- og sölustjóri Vorhúsa og einn af hönnuðum fyrirtækisins. Hún bætir við að fyrirtækið vandi afar vel til verks við innpökkun til að starfsmenn fái fallega pakka sem gaman er að opna.

Vorhús hafa átt í góðu samstarfi við önnur íslensk fyrirtæki og má þar nefna Súkkulaðikaffihús Fríðu og Primex, ChitoCare frá Siglufirði. „Við bjóðum því upp á margs konar vörur í fyrirtækjagjafirnar. Þá má til dæmis velja saman handklæði frá Vorhúsum með handáburði eða húðkremi frá ChitoCare eða kaffibolla frá Vorhúsum og súkkulaðiplötu frá Fríðu í jólapakkann.“

ChitoCare handkremið er íslensk vara og sómir sér vel í jólapakka með fallegu handklæði frá Vorhúsum.

Ný vefverslun auðveldar fyrirtækjum jólagjafakaupin

Vorhús eru að leggja lokahönd á sérstaka vefverslun fyrirtækja þar sem gjafakaup eru gerð einfaldari og aðgengilegri. „Við höfum fundið fyrir breyttum áherslum fyrirtækja í gjafamálum og vildum einfalda þeim aðgengi að flottum gjafapökkum og þægilegu pöntunarferli. Þú sækir einfaldlega um aðgang í nafni fyrirtækis á vorhus.‌is, undir flipanum fyrirtækjagjafir. Svo má skoða ýmsar tillögur að gjöfum og fá tilboð í kaupin. Þetta sparar tíma, bæði hjá okkur og fyrirtækjastjórnendum við að finna réttu gjafirnar hverju sinni.“

Hrafnalínan er sígild og er vörulínan fjölbreytt, allt frá handklæðum og ilmkertum yfir í kaffibolla, fylgidiska og ullarteppi.

Horft til nærumhverfisins á faraldurstímum

Á tímum efnahagsþrenginga sem ganga nú yfir er mikilvægt að fyrirtæki styðji við innlenda verslun, framleiðslu og rekstur. „Ég held að allir Íslendingar geri sér grein fyrir því að ástandið bitnar á fjölbreyttum rekstri og starfsemi. Því sé enn mikilvægara að standa vörð um íslensk fyrirtæki og halda tryggð við þau í gjafakaupum fyrir jólin. Ég held líka að starfsmenn kunni vel að meta gjafir sem koma frá innlendum aðilum og hönnuðum, en það var einmitt raunin árin eftir efnahagshrunið fyrir um áratug. Við þurfum að standa saman sem samfélag. Þess vegna hafa Vorhús lagt aukna áherslu á samvinnu við önnur íslensk fyrirtæki á árinu. Þá komum við með nýjungar núna fyrir jólin sem eru hannaðar og framleiddar alfarið hér á landi.“

Spennandi nýjungar í ár

Ný og spennandi jólalína Vorhúsa kemur í sölu í lok október og byrjun nóvember og kallast Einiber. Hönnuður línunnar er Eydís Ólafsdóttir. „Einiber vísar til jólalagsins Göngum við í kringum einiberjarunn, sem er mörgum Íslendingum hjartfólgið.“ Línan inniheldur viskustykki, servíettur, skurðarbretti og viðarbakka. Jafnframt kemur í sölu jólaórói úr tini og pappírsklipp af kramarhúsi sem er skemmtileg nýjung og hentar vel um jólin á jólatréð eða í gluggann.

Jólalínan Einiber frá Vorhúsum er hátíðleg og falleg. Hönnuður línunnar er Eydís Ólafsdóttir en línan vísar til jólalagsins „Göngum við í kringum einiberjarunn“.

Önnur ný hönnunarlína kemur úr smiðju Sigríðar Haraldsdóttur og nefnist Villiblóm. Línan er unnin út frá villtum blómum í íslenskri náttúru þar sem einblínt er á fegurðina í hinu smáa. Línan inniheldur viskustykki, servíettur, skurðarbretti og viðarbakka sem koma í sölu núna fyrir jólin. En ætlunin er að Villiblómalínan teygi úr sér í fleiri vörugerðir á nýju ári. Að sögn Sigríðar er íslensk náttúra svo fjölbreytt og skemmtileg að hún hefur getað unnið fjölda mynstra úr íslenskum villiblómum.

Villiblómalínan heillar sumarlegar sálir.

Sérhannað og sérsmíðað jólatré kemur svo úr smiðju Vorhúsa í ár. Jólatréð er um 130 cm á hæð, kemur í flötum pakka og er framleitt að fullu norðan heiða í Eyjafirði. „Það kemur ósamsett og er bæði auðvelt og skemmtilegt að púsla saman. Það þarf ekki einu sinni eina skrúfu!“ segir Eydís. Jólatréð var upprunalega hannað fyrir sýningu í París fyrir nokkrum árum og hefur eftir það verið notað til skrauts í verslun Vorhúsa. „Við fáum reglulega fyrirspurnir frá viðskiptavinum um að fá að kaupa þetta jólatré en höfum aldrei framleitt það til sölu fyrr en nú.“ Jólatréð verður framleitt í takmörkuðu upplagi og verður eingöngu til sölu í verslun Vorhúsa og í vefverslun. Þá verður jafnframt hægt að sérpanta það í magni óski fyrirtæki eftir því.

Garðveislulínan frá Vorhúsum er glæsileg og á við allt árið um kring.

Íslenskt hönnunarhús sem byggir á sterkum grunni

Íslenska hönnunarhúsið Vorhús var upphaflega stofnað af Sveinbjörgu Hallgrímsdóttur fyrir tólf árum en skipti um nafn fyrir þremur árum því fleiri hönnuðir komu að rekstri og hönnun varanna. Vorhús hafa framleitt og selt yfir 500 vörutegundir á ferlinum og alla tíð státað af vandaðri og fjölbreyttri hönnun og úrvali fyrir fagurkera og falleg heimili.

Fjallalínan sígilda fæst meðal annars á ferðabollum.

Vorhús starfa með fjölbreyttum hópi innlendra og erlendra framleiðenda, sem allir eru með vottanir fyrir umhverfisvæna framleiðslu. Vorhús hafa jafnframt átt gott samstarf við fjölbreytt fyrirtæki um gjafir og býr því að mikilli reynslu í þeim málum. „Við bjóðum upp á fría innpökkun og sendingarkostnað til fyrirtækja sem kaupa starfsmannagjafir hjá okkur. Með aðgangi að vefverslun fyrirtækja á vorhus.is eru kaupin einföld og aðgengileg fyrirtækjum af öllum stærðum og gerðum. Það ættu öll fyrirtæki að finna hentugar gjafir hjá okkur, fyrir allan starfsmannahópinn,“ segir Eydís að lokum.

Nánari upplýsingar á vorhus.is