g-events hefur einnig þjónað sem nokkurs konar ferðaskrifstofa fyrir erlend fyrirtæki sem koma í heimsókn og komið að sjónvarps- og kvikmyndaverkefnum hér heima fyrir erlenda aðila. Fyrirtækið stefnir að því að hafa frumleikann að leiðarljósi alla daga. Engir tveir viðburðir hafa verið nákvæmlega eins.

Árshátíðir, fundir og ráðstefnur eru meðal algengustu verkefna g-events.

Gunnar Traustason, eigandi og framkvæmdastjóri g-events, segir að fyrirtækið leggi sig fram við að veita góða þjónustu. „Við erum með mjög hátt þjónustustig og tökum þarfir kúnnans fram yfir okkar eigin,“ segir hann. „Það þýðir að ef við þurfum að vinna langt fram á kvöld eða eitthvað þess háttar til að sinna öllum þörfum kúnnans þá gerum við það með bros á vör. Við segjum alltaf við okkar kúnna að við getum reddað öllu fyrir hann, alveg sama hvað, svo lengi sem það er löglegt.

g-events getur séð um skipulagningu viðburða frá A-Ö.

Vinnudagarnir hjá okkur verða oft langir, en ég tel mig lánsaman að fá að vinna við þetta,“ segir Gunnar. „Þetta er skemmtilegasta vinna í heimi, maður er alltaf að skapa eitthvað nýtt og spennandi.

Að fá að skapa minningar sem lifa í huga kúnnans í mörg ár eru forréttindi,“ segir Gunnar.

Hugsa út fyrir boxið

„Við höfum fengið að heyra að við séum frjó í hugmyndum þegar kemur að því að skipuleggja viðburði,“ segir Gunnar. „Starfsfólkið fær frumlegar hugmyndir sem eru svolítið út fyrir boxið og getur þannig oft komið viðskiptavinum á óvart. Við höfum lagt gríðarlega vinnu í að finna frumlega og skemmtilega sali og staðsetningar fyrir viðburði.

Gunnar segir að engir tveir viðburðir séu eins, því þeir séu klæðskerasaumaðir að þörfum hvers og eins.

Við tökum að okkur allar gerðir viðburða og getum séð um allt sem tengist viðburðahaldinu. Við höfum séð um alls kyns fundi, ráðstefnur, hvataferðir, árshátíðir, stórar opnanir hjá tískukeðjum sem hafa verið sýndar í beinni í fréttum og allar aðrar mögulegar tegundir fyrirtækjaviðburða líka,“ segir Gunnar. „Við erum mjög fjölhæf þegar kemur að því að skipuleggja flotta viðburði.“

Alltaf að breyta og bæta

„Við getum séð um skipulagninguna frá A-Ö. Það fer gríðarlegur tími í að skipuleggja flottan viðburð, en með aðstoð frá fagfyrirtæki fæst nýr vinkill á hlutina,“ segir Gunnar. „Auk þess hefur starfsfólk sem er í fullri vinnu ekki endilega tíma fyrir alla undirbúningsvinnuna fyrir viðburði.“

Viðskiptavinir g-events eru allt frá litlum fyrirtækjum upp í þau stærstu og allt þar á milli.

Viðskiptavinir g-events eru allt frá litlum fyrirtækjum upp í þau stærstu á landinu og allt þar á milli. „Sem dæmi um verkefni sem við erum að vinna að núna má nefna 5.000 gesta hátíð sem verður haldin um helgina og svo erum við líka búin að vera að vinna í hátíð sem hefst í febrúar á næsta ári þar sem við eigum von á 20-30 þúsund manns, en hún stendur yfir í 4-6 vikur,“ segir Gunnar. „Svo erum við að undirbúa mikið af árshátíðum og hvataferðum fyrir seinnipart ársins og næsta ár ásamt alls konar öðrum flottum viðburðum.

Starfsfólk g-events fær frumlegar hugmyndir sem eru svolítið út fyrir boxið og getur þannig oft komið viðskiptavinum á óvart.

Engir tveir viðburðir hafa verið nákvæmlega eins, við setjum alltaf smá „twist“ á þetta fyrir hvern kúnna og klæðskerasaumum viðburðina að þörfum hvers og eins. Við erum í rauninni alltaf að gera eitthvað nýtt,“ segir Gunnar. „Þó að ég væri að þessu í 100 ár væri samt hægt að gera eitthvað nýtt á hverjum degi, bæði vegna þess að það eru mismunandi þarfir hjá viðskiptavinunum og við erum alltaf að vinna í nýjum hugmyndum og útfærslum á hverjum degi.“