„Flúor er frumefni en vísindamenn tala yfirleitt um flúoríð því það fyrirfinnst einungis í efnasamböndum með öðrum frumeindum. Það er helsta virka efnið gegn tannskemmdum og getur gert við byrjun á tannskemmdum,“ segir Þóra Margrét Jónsdóttir, sölu- og markaðsfulltrúi sérvara hjá Alvogen.

Þóra upplýsir að flúor sé í loftinu sem við öndum að okkur og sömuleiðis í matnum sem við borðum.

„En það er ekki nóg. Það er mikilvægt að tennur okkar fái rétt magn af flúori og einmitt þess vegna er því bætt við flest tannkrem og munnskol. Þess má geta að hér á landi er flúor í drykkjarvatni í algjöru lágmarki en í mörgum öðrum löndum er drykkjarvatn flúorbætt.“

FLUX er með fjölbreytta línu af flúorskoli sem hentar ólíkum þörfum.
FLUX munnskol sem veitir ferskan andardrátt, en mælt er með flúorskolun daglega.

Flúor vinnur á bakteríum

Matarleifar og bakteríur í munni mynda tannsýklu (skán) sem sest utan á tennur og ræðst á glerunginn.

„Ef árás tannsýklu varir oft og of lengi geta tannskemmdir byrjað að myndast, en með daglegri notkun flúors styrkjast tennurnar og erfiðara verður fyrir bakteríurnar að skemma þær,“ greinir Þóra Margrét frá.

Flestar munn- og tannvörur innihalda flúor og því er auðvelt að koma notkun þess inn í daglega rútínu.

„Til viðbótar við flúortannkrem ætti alltaf að nota flúormunnskol, en ekki endilega strax á eftir tannburstun því þá er búið að flúorbera tennurnar. Í staðinn er gott að nota munnskol á eftir mat, til dæmis um miðjan dag. Það sem við borðum og drekkum skerðir áhrif flúors og því er mikilvægt að bæta flúorskolun við daglega rútínu. Magn flúors sem er nauðsynlegt til að vernda tennur okkar fer eftir aldri, hversu viðkvæmar tennur okkar eru og hvort við séum gjörn á að fá tannskemmdir,“ segir Þóra.

Gott er að taka fram að flúor getur verið skaðlegt, en einungis þegar því er kyngt í of miklu magni.

„Flúor í magni sem mælt er með til tannhirðu er skaðlaust en mjög gagnlegt og nauðsynlegt fyrir heilbrigðar tennur. Ástæða þess að barnatannkrem og barnamunnskol innihalda minna magn af flúori er sú að börn eru líklegri til að gleypa flúor. Því er mikilvægt að fylgja vel ráðleggingum og leiðbeiningum á vörum sem innihalda flúor,“ segir Þóra Margrét.

FLUX framleiðir bragðgóðar munnsogstöflur sem örva munnvatnsframleiðslu og innihalda flúor. Þær koma í þremur bragðtegundum.
FLUX munnskol sem vinnur gegn munnþurrki.

Flux gegn munnþurrki

Munnþurrkur er nokkuð algengur meðal fólks.

„Munnþurrkur stafar meðal annars af of lítilli munnvatnsframleiðslu og getur komið fram vegna ýmissa sjúkdóma, sem aukaverkun við lyfjanotkun, vegna mikils álags, með hækkandi aldri og ef borðað er of lítið af munnvatnsörvandi mat,“ útskýrir Þóra.

Munnvatn smyr munnslímhúðina og hjálpar meðal annars til við að tyggja, tala og kyngja.

„Munnvatn ver slímhúðina fyrir sýkingum og hlutleysir sýrur. Það hjálpar líka til við sjálfhreinsun tannanna. Skortur á munnvatni eykur svo hættu á sýkingum í slímhúð, sérstaklega sveppasýkingum. Þá eykst hætta á tannskemmdum og skemmdir geta orðið á tönnum og tannflötum sem annars skemmast sjaldan. Einnig eykst hætta á skemmdum á rótaryfirborði tanna. Tannskemmdir geta því orðið mjög miklar á stuttum tíma, en Flux Dry Mouth-vörurnar hafa verið þróaðar til að vinna gegn munnþurrki,“ upplýsir Þóra Margrét.

FLUX munngel sem veitir vörn fyrir skemmdum vegna munnþurrks.
FLUX framleiðir munnskol sem inniheldur minna flúormagn fyrir börn.

Án parabena og alkóhóls

Flux-vörurnar tryggja heilbrigða munn- og tannheilsu fyrir alla fjölskylduna á ferskan, skemmtilegan og áhrifaríkan hátt.

„Flux-vörulínan inniheldur vörur sem veita ferskan og góðan andardrátt, flúor munnskol, vörur gegn munnþurrki og tyggjó fyrir fullorðna og börn. Þær innihalda hátt flúormagn sem styrkir tennur og fyrirbyggir tannskemmdir,“ segir Þóra Margrét um Flux sem var þróað í nánu samstarfi við sænska tannlækna árið 2007 en vörurnar eru vegan og innihalda hvorki alkóhól né parabena.

„Mælt er með að nota Flux-munnskol einu sinni til tvisvar á dag, sem viðbót við daglega tannburstun til að ná sem bestum árangri,“ segir Þóra.

Flux býður upp á nokkrar tegundir af flúor-munnskolum með mismunandi bragði. Flux Original Cool mint er þetta hefðbundna flúor-munnskol, Flux Fresh veitir tvenns konar áhrif því ásamt því að innihalda flúor inniheldur það smá magn af klórhexídíni sem veitir ferskan andardrátt, og í Flux Pro-línunni er Pro Klórhexídín-munnskolið sem er bakteríudrepandi.

„Klórhexídín er til skammtímameðferðar og oft notað samkvæmt ráðleggingum frá tannlækni eftir aðgerð, vegna bólgu í tannholdi eða eftir að tönn hefur verið fjarlægð. Öll þessi munnskol eru fyrir fullorðna og börn 12 ára og eldri. Þau innihalda hátt flúormagn (0,2% NaF (natríumflúoríð)) sem styrkir glerung tanna og eru þannig fyrirbyggjandi gegn tannskemmdum,“ upplýsir Þóra Margrét.

„Fyrir börn yngri en 12 ára er mælt með Flux Junior munnskolinu sem er bragðgott og barnvænt. Það er fyrir börn 6 til 12 ára og inniheldur lægra flúorinnihald en hin munnskolin eða 0,05% NaF.“

FLUX flúortyggjó er tilvalið að tyggja í a.m.k. 10 mínútur eftir hverja máltíð.
Flúortyggjóið frá FLUX er bragðgott og gagnlegt við hreinsun tanna.
Munnskol með klórhexidini, yfirleitt notað til skammtímameðferðar.

Bragðgott og gagnlegt tyggjó

Við munnþurrki hefur Flux þróuð vörulínuna Flux Dry Mouth. Hægt er að fá Dry Mouth-gel og munnskol sem bæði örva munnvatnsframleiðslu, smyrja og gefa slímhúðinni raka ásamt því að koma í veg fyrir tannskemmdir þar sem vörurnar innihalda mikið flúormagn.

„Gelið er tilvalið að geyma á náttborðinu og nota fyrir svefninn og á nóttunni ef þú vaknar við munnþurrk. Einnig er hægt að fá Flux Drops-munnsogstöflur sem eru frískandi og sykurlausar munnsogstöflur sem endast lengi í munni. Töflurnar eru til í þremur bragðtegundum, innihalda flúor og örva munnvatnsframleiðsluna. Þær er tilvalið að hafa í veskinu og nota eftir þörfum, en þó ekki fleiri en 10 töflur á dag,“ segir Þóra Margrét.

Síðast en ekki síst má nefna að Flux-flúortyggjó sem er bæði bragðgott og gagnlegt á sama tíma.

„Tyggjóið er sykurlaust og inniheldur flúor (0,14 mg F / stykki). Kosturinn við flúortyggjó er að flúorið blandast munnvatninu og tekur þátt í stöðugu viðgerðarferli við tannyfirborðið og hlutleysir tannskemmandi sýrur í munni. Tyggjóið eykur einnig munnvatnsframleiðslu og hjálpar því líka til með vandamál eins og munnþurrk. Það er gott að fá sér flúor-tyggjó fljótlega eftir máltíð og tyggja í að minnsta kosti 10 mínútur,“ upplýsir Þóra Margrét, en þess má geta að tyggjóið hentar bæði fullorðnum og börnum eldri en tólf ára.

Þú færð Flux vörurnar í apótekum og á mörgum tannlæknastofum.