Hafþyrnisolía er unnin úr aldinkjöti og fræjum hafþyrnis (e. sea buckthorn) en hafþyrnir vex á norðurhveli jarðar við hafið og skartar fagurappelsínugulum berjum. Olían er rík af ómega-7 fitusýrum, en miklar rannsóknir hafa verið gerðar undanfarin ár á ómega-‌7 með tilliti til allra slímhúða sem og fyrir húðina. „Þá hafa ómega-7 fitusýrur reynst afar vel í baráttunni gegn þurrki, hvort tveggja í slímhúð og húð. Slímhúð er að finna víða í líkamanum og er meðal annars í munn- og nefholi, augum, lungum og leggöngum,“ segir Inga Kristjánsdóttir, næringarþerapisti hjá Mulier Fortis ehf.

Membrasin vörurnar eru framleiddar af finnska fyrirtækinu Aromtech. Fyrirtækið er stofnað og rekið af konum og sérhæfir sig í framleiðslu á vörum úr hafþyrnisolíu. „Grunnurinn í Membrasin vörunum er einmitt hafþyrnisolían. Að auki er öðrum virkum efnum bætt í hverja vöru fyrir sig til þess að auka virkni þeirra enn frekar. Við hófum að flytja inn Membrasin Vaginal Vitality legganga- og kynfærakrem og Membrasin Vitality bætiefni fyrir ári síðan. Í haust bættum við svo Membrasin Vision Vitality bætiefni og Membrasin Vision Vitality augnúða í flóruna. Bætiefnin, augnúðinn og leggangakremið hafa verið að gefa afar góða raun. Allar þessar vörur eru vegan,“ segir Inga.

Inga Kristjánsdóttir næringarþerapisti segir að rannsóknir á ómega-7 fitusýrum í hafþyrnisolíu sýni fram á mikla virkni gegn þurrki í slímhúð.

Vision Vitality bætiefni

Augnþurrkur er algengt vandamál og hrjáir afar breiðan hóp fólks á öllum aldri. Flestir þekkja áhrif öldrunar, en með hækkuðum aldri eykst þurrkur í slímhúð augna. Enn fleiri hafa sett samasemmerki á milli tölvunotkunar og augnþurrks. En augnþurrkur er þar fyrir utan fylgifiskur fjölda lyfja, sjúkdóma og lífsstílsvenja. „Membrasin bætiefni fyrir augu inniheldur, líkt og allar Membrasin vörurnar, hafþyrnisolíuna góðu en hún virkar einstaklega vel gegn augnþurrki. Að auki inniheldur það lútein og zeaxanthin sem bæði auka virkni vörunnar með því að vinna gegn skaðlegum geislum frá snjalltækjum og tölvuskjáum. Þá hjálpa þau til við að blokkera áhrifin frá bláa ljósinu sem stafar af þessum tækjum. Lútein er þar að auki þekkt bætiefni fyrir augu og augnbotna. Membrasin bætiefnið er sérstaklega hentugt fyrir þá sem vinna mikið við tölvuskjái en það er ekki bara bláa ljósið sem hefur slæm áhrif á augun okkar. Við blikkum að jafnaði minna þegar við horfum á tölvuskjá heldur en annað og þá þorna augun enn meir en ella.“

Membrasin bætiefni gegn augnþurrki inniheldur hafþyrniolíu sem og lútein og zeaxanthin sem auka virkni vörunnar.

Bætiefnið er í olíuformi og kemur í litlum og nettum veganhylkjum sem auðvelt er að kyngja. Þá er ekkert eftirbragð af vörunni eins og er oft með fitusýrubætiefni. Ráðlagt er að taka hylki einu sinni á dag og þá með mat, þar sem það eykur upptöku á bætiefninu. „Til þess að auka virknina enn frekar er mælt með að nota Membrasin augnbætiefnið með Membrasin augnúðanum, sérstaklega ef fólk er slæmt. Því það er gott að smyrja bæði utan frá og að innan.“

Vision Vitality augnúði

Membrasin augnúðinn er flokkaður sem lækningatæki með sannaða virkni. Úðinn er sérlega einfaldur í notkun en þú einfaldlega lokar augunum og úðar á augnlokið og efnin seytla inn í augun. Er óhætt að nota með hvort tveggja augnfarða og augnlinsum. Þá inniheldur úðinn einnig hýalúrónsýru sem styður við vatnsbindigetu táravökvans. „Aukaverkun úðans er ánægjuleg, en bæði hafþyrnisolían og hýalúrónsýran er rosalega góð fyrir húðina kringum augun. Þetta er því eins konar hrukkukrem í leiðinni.

Membrasin augnúði er afar einfaldur í notkun.

Vandamál tengd þurrki í slímhúð augna hafa færst í aukana síðustu ár vegna breyttra lífshátta, en við erum mörg hver farin að eyða miklum tíma með snjalltækin fyrir framan okkur. Börn allt niður í þriggja ára eru farin að þurfa lausnir við augnþurrki enda verja mörg þeirra óhóflega miklum tíma með snjalltækjum. Úðinn er sérstaklega hannaður fyrir viðkvæm augu og er óhætt að nota hann á börn niður í allt að þriggja ára aldur.“

Vaginal Vitality legganga- og kynfærakrem fyrir slímhúð

Það er ekkert leyndarmál að í kringum 80% kvenna upplifa leggangaþurrk einhvern tíma á lífsleiðinni, hvort sem er í lengri tíma eða tímabundið. „Þetta hefur hingað til verið feimnismál, trúlega af því þetta tengist kynlífi. En þær konur sem þjást af leggangaþurrki finna margar fyrir miklum sársauka þegar þær stunda kynlíf.

Það er tími til kominn að stinga á þessa feimnisbólu enda er það alls ekki hjálplegt að leyna upplýsingum frá konum sem finna fyrir óþægindum í leggöngum. Til dæmis er mjög algengt að konur séu ranggreindar með sveppa- eða þvagfærasýkingu, þegar vandamálið í grunninn er leggangaþurrkur. Margar upplifa mikla vanlíðan við að fara á hvern sýklalyfjakúrinn á fætur öðrum og uppskera fátt annað en sveppasýkingu í kjölfarið, ásamt því að fá aldrei viðeigandi meðhöndlun á þurrki í slímhúð legganga. Það vita það flestar konur að ef þeim líður ekki vel þarna niðri þá er líkaminn undirlagður og maður er alveg ómögulegur. Kynlíf, sundferðir, líkamsrækt, þetta verður allt ein og sama píningin.“

Membrasin kynfæra- og leggangakrem er gott og græðandi krem í baráttunni gegn leggangaþurrki og tíðum sýkingum í leggöngum.

Hrjáir margar konur

Leggangaþurrkur er stórt og mikið heilsufarsvandamál og hefur verið að koma enn betur í ljós undanfarin ár með aukinni umræðu. „Þurrkur í slímhúð legganga er ekki bara eitthvað sem hrjáir konur á breytingaskeiði, þótt það sé vissulega stærsti hópurinn. Það er þetta blessaða estrógen, þegar það fellur þá byrjar ballið. En leggangaþurrkur hrjáir líka yngri konur. Hann getur stafað af því að vera með barn á brjósti og verið fylgifiskur þess að taka getnaðarvarnapilluna. Einnig getur hann einfaldlega stafað af því að það vantar fitu eða önnur efni í mataræðið.

Þá er leggangaþurrkur sem og þurrkur í annarri slímhúð einnig þekktur fylgifiskur krabbameinsmeðferðar. Krabbameinslyfin eru hönnuð til þess að drepa allar frumur í líkamanum sem fjölga sér hratt. Og til allrar óhamingju þá er slímhúðin einmitt byggð úr slíkum frumum. Það góða við kremið og aðrar Membrasin vörur er að þær er óhætt að nota meðfram lyfjameðferðum. Þá má einnig nota kremið samhliða hormónameðferðum.“

Kremið inniheldur hafþyrnisolíuna góðu og hýalúrónsýru upp á rakann að gera. „Einnig er þarna mjólkursýra sem er mikilvæg til að halda réttu sýrustigi í leggöngum og til þess að koma í veg fyrir að sýkingar nái að taka sig upp og grassera. Því þurr og óheilbrigð slímhúð er kjöraðstæður fyrir sveppa- og bakteríusýkingar.“ Kremið er flokkað sem lækningatæki og hefur sannaða virkni. Það er notað eftir þörfum og getur haft fyrirbyggjandi áhrif gegn sýkingum.

Kremið er ekki ætlað til þess að vinna bug á sýkingum sem þegar eru til staðar. „Flestar konur byrja á því að nota kremið daglega en minnka svo við sig eftir því sem á líður. Flestar konur finna það svo strax ef eitthvað er öðruvísi en það á að vera, og þá er mælt með því að auka aftur notkun kremsins. Einnig er mælt með því að taka Membrasin bætiefni meðfram.“

Inga stofnaði spjallhóp á Facebook til þess að rjúfa þögnina um leggangaþurrk. „Þetta er lokaður hópur með 1.300 konum þar sem ég deili ýmsum fróðleik og greinum sem tengjast málefninu. Hópurinn heitir Membrasin Ísland, Spjall og góð ráð, og þarf að sækja um aðgang til að lesa og taka þátt í umræðum.“

Membrasin bætiefnið er tilvalið að nota eitt og sér gegn almennum þurrki í húð og slímhúð eða með Membrasin leggangakreminu til að auka virknina.

Vitality bætiefni fyrir húðina

Síðast en alls ekki síst er Membrasin bætiefnið. En um er að ræða almennt bætiefni fyrir alla slímhúð líkamans. „Það inniheldur hreina hafþyrnisolíu sem og A- og E-vítamín í litlum skömmtum, rétt til þess að ýta undir virknina. Bætiefnið er algert dúndur fyrir alla slímhúð og húðina almennt, en margir eru að taka bætiefnið í vetrarþurrkinum. Þetta er það allra besta sem við getum gert til þess að næra húðina innan frá.“ Bætiefnið kemur í hylkjaformi en hylkin eru lítil og nett og er þægilegt að gleypa þau.

Membrasin vörurnar fást í Apótekum, Heilsuhúsinu, Fjarðarkaupum og Hagkaupum. Nánari upplýsingar um vörurnar má finna án.